Efling deild í Sósíalistaflokki Gunnars Smára

Efling stofnar nýtt svið til að stunda pólitíska baráttu. Sólveig Anna formaður Eflingar segist ,,gríðarlega stolt" yfir framtakinu, eins og Björn Bjarnason lýsir í pistli.

Sólveig Anna og Viðar framkvæmdastjóri Eflingar eru bæði yfirlýstir sósíalistar og félagsmenn í Sósíalistaflokki Gunnars Smára Egilssonar, sem á dögum útrásar var helsti talsmaður auðmanna, einkum Jóns Ásgeirs í Baugi.

Sósíalistaflokkur Gunnars Smára er fjárvana en Efling á digra sjóði sem launþegar eru skyldaðir að borga í félagsgjöld af launum sínum.

Lögum um verkalýðsfélög þarf að breyta þegar upp kemst að þau eru rekin í þágu stjórnmálaflokka. Engum dettur í hug að stjórnmálaflokkar skuli njóta sjálfvirkrar innheimtu félagsgjalda, líkt og verkalýðsfélög. 

Ekki frekar en stjórnmálaflokkur ættu verkalýðsfélög að drottna yfir sérstökum atvinnugreinum og félagssvæðum. Í báðum tilvikum, stjórnmálaflokka og verkalýðsfélaga, ætti reglan að vera sú að félagasamtökin á eigin forsendum afli sér stuðningsmanna. 

 

Ætti að snúa sér að skáldsagnaritun

Athugasemdir

[Jóhannes Laxdal Baldvinsson, 10.1.2019 kl. 12:03]

Þið leigupennarnir, sem stundið hörðustu árásirnar á Sólveigu Önnu og Eflingu þurfið að samræma árásirnar. Þú segir Eflingu deild í Sósialistaflokki Gunnars Smára en Björn Bjarnason segir Sósialistaflokkinn deild í Eflingu!  Hvort er það?  Hver er ógnin? 

[Benedikt Halldórsson, 10.1.2019 kl. 15:25]

Fólk sem hefur skoðanir hvernig aðrir eigi að haga lífi sínu er ekki til vandræða, heldur akvivistar sem þvinga aðra til að hafa sömu skoðun og þeir sjálfir.

Marxistarnir í Eflingu fatta ekki að án málamiðlunar og "sátta" er samfélagið ónýtt. Ef hver og einn gæfi aldrei þumlung eftir og léti alltaf hart mæta hörðu væri það ávísun á einræði og harðræði þeirra sem ynnu keppnina í róttækni.  

[Halldór Jónsson, 11.1.2019 kl. 04:12]

Við fáum sýnikennsluna í pólitískum verkföllum bráðlega þegar fjárglæframaðurinn og fjögralaufasmárinn fer að sýna áhrifavaldið sitt. Þá borga félagsmennirnir fyrir letina í stjórnarkjörinu þegar þeir kusu Sólveigu. Hún geriri tilraun til að kollvarpa þjóðfélaginu út á fá atkvæði risastórs félags.Er svoleðis lýðræði ásættanlegt fyrir þá sem verða fórnardýrin ?.