Byltingin, Samherji og RÚV

Allt kjörtímabil Jóhönnustjórnarinnar 2009-2013 ríkir byltingarástand hér á landi. Fyrsta hreina vinstristjórn lýðveldissögunnar komst til valda í kjölfar bankahrunsins. 

Til að viðhalda byltingarmóðnum og knýja fram róttækar breytingar, nýja stjórnarskrá og ESB-aðild, varð að búa til óvini. Bylting þrífst á óvinum og slúðri um spillingu þeirra og vélráð.

Óvinir byltingarstjórnarinnar voru: lýðveldið - ónýta Ísland, útgerðin - arðrán kvótaeigenda, Sjálfstæðisflokkurinn - valdablokk auðstéttarinnar. Síðast en ekki síst: föllnu bankarnir - auðmennirnir sem steyptu okkur í glötun.

Samherji og forstjóri fyrirtækisins tikka í alla reitina nema einn (lýðveldið).

RÚV var viljugt verkfæri að koma slúðrinu á framfæri og viðhalda óvinaímyndinni. Ekki aðeins í Samherjamálinu. RÚV boðaði til mótmælafunda á Austurvelli og lofaði beinni útsendingu. RÚV var íslenska útgáfan af þeim blóðþyrsta Robespierre í frönsku byltingunni.

En, sem sagt, og til að gera langa sögu stutta, byltingin rann sitt skeið vorið 2013. Byltingarflokkarnir biðu meira afhroð en dæmi eru um í stjórnmálasögu vesturlanda á friðartímum. Samfylking hrapaði úr 30 prósent fylgi í 12,9% og Vinstri grænir úr ríflega 20 prósent í 10,9%.

Og þjóðin var hólpin. RÚV lifir samt enn. Frakkar höfðu þó rænu á að gera Robespierre höfðinu styttri. 

„Megn pólitísk myglulykt“

Athugasemdir

[Halldór Jónsson, 15.11.2018 kl. 18:28]

Enginn þorir í RÚV frekar en Robespierre meðan hausinn var á honum

[rhansen, 15.11.2018 kl. 21:40]

Held fólk  geri ser enga grein fyrir hvað Rúv hefur ræktað hatur og illindi i Landinu  ,alveg skefjalaust ,árum saman  ...

[Helga Kristjánsdóttir, 16.11.2018 kl. 03:19]

Oft fékk Rúv það óþvegið,en ESbésinnar svöruðu jafnharðan að starfsfólk þess mætti ekki svara á samfélagsmiðlum,man ekki reglurnar um það en er viss um að apparatið sjálft fékk oftast ávíturnar.