Karlaspjall og helgispjöll

Karl viðhefur taktlaus ummæli um konur á lokaðri rás sem heitir Karlmennskuspjallið. Í lóðbeinu framhaldi missir karlinn vinnuna.

Sjálfsagt er að vanda um fyrir fólki sem lætur groddaraleg ummæli falla. Viðurlögin verða að hæfa tilefninu.

Að karl missi vinnuna vegna þess að honum finnst valdefling kvenna ganga of langt er vel í lagt. Það á að heita tjáningarfrelsi í landinu. Í siðuðu samfélagi eru hugmyndir og sjónarmið rædd en ekki bæld. 

Kristinn biður konur afsökunar

Athugasemdir

[Jón Steinar Ragnarsson, 9.10.2018 kl. 09:31]

Nú verða menn að ákveða hvort mál og tjáningafrelsi er enn í landinu og hvort stjórnarskrráin er marktæk hvað þetta varðar. 

þetta er komið svolítið á galdrabrennustigið og guðlast gegn pólitískum réttrúnaði tilefni til að jafna mannorð og framtíð manna við jörðu vegna orða sem til og með eru látin falla í lokuðum hóp.

Ég myndi stefna og heimta himinháar bætur. 

[Jón Steinar Ragnarsson, 9.10.2018 kl. 10:24]

Honum er gefinn kostur á að segja upp eða verða rekinn. Í hans sporum myndi ég kjosa brottrekstur með formlega rökstuddu uppsagnarbréfi og fara svo beinustu leið fyrir dómstóla með þann pappír.

[Jóhann Elíasson, 9.10.2018 kl. 11:14]

Þarna er ég 100% sammála Jóni Steinari.....

[Ragnhildur Kolka, 9.10.2018 kl. 16:38]

Jæja, þá er HR kominn á leikskóla planið. Var Kristinn ekki örugglega látinn þvo á sér munninn með sápu?