Nei, Skúli, engin ríkisábyrgð fyrir WOW

WOW er glæsilegt félag á barmi gjaldþrots. Nú vill forstjórinn Skúli Mogensen fá ríkisábyrgð á skuldum félagsins. Ríkisábyrgðin verður ekki véluð á alþingi, það væri dautt mál, heldur með baktjaldamakki við bankakerfið, sem er að mestu ríkisrekið.

Skúli er snjall markaðsmaður. Líklega er hann með hreðjatak á lífeyrissjóðakerfinu, sem leggst á árarnar með honum að kría út ríkisábyrgð. Slægð markaðsmannsins er að gera WOW of stórt til að falla. Þar með opnast ríkissjóður til að halda ævintýrinu áfram á kostnað almennings.

WOW er einkaframtak sem skal standa og falla á frjálsum markaði. Markaðurinn ýmist umbunar eða refsar. Ef WOW fær ríkisábyrgð er markaðslögmálum kippt úr sambandi. Einkareksturinn verður ríkisvá.

Tíu ár eru frá bankahruninu. Stjórnvöld verða að sýna að þau lærðu sína lexíu. Og harðneita allri ríkisábyrgð á áhætturekstri.  

 

Vongóðir um fjármögnun

Athugasemdir

[Jón Þórhallsson, 12.9.2018 kl. 08:03]

Er hann ekki bara að selja sig/flugjöldin of ódýrt?

[Gunnar Rögnvaldsson, 12.9.2018 kl. 11:22]

Hann gæti prófað að reykja hass í beinni eins og Musk.

Eða bara verið páfuglinn áfram.