Hjávísindi og hlýnun jarðar

Jörðin hlýnar og kólnar á víxl án þess að maðurinn komi nærri. Íslendingar byggðu Grænland á miðöldum vegna þess að þar var hlýtt. Litla ísöld gekk í garð á 14. öld, Grænland varð óbyggilegt og Ísland næstum því.

Vísindamenn, í samstarfi við stjórnvöld og alþjóðlegar stofnanir, reyna að telja okkur trú um að gróðurhúsalofttegundir, sem maðurinn framleiðir, valdi hlýnun jarðarinnar. Vísindamenn, sem þannig tala, eru í hlutverki presta fyrri tíðar sem boða heimsendi á fölskum forsendum.

Það eru til, góðu heilli, vísindamenn sem ekki kaupa hjávísindin. Þeir eru yfirleitt of gamlir til að láta múta sér með styrkjum frá stjórnvöldum sem vilja kaupa sér fyrirframgefnar niðurstöður.

Roy Spencer fór nýlega yfir stöðu hjávísindanna sem eru fjármögnuð af vanheilögu bandalagi vísindamanna og stjórnvalda. Hann gefur dæmi um svindlið.

Kary Mullis, nóbelsverðlaunahafi, segir ekki vott af sönnun um að maðurinn valdi loftslagsbreytingum. 

Hjávísindin halda áfram að telja okkur trú um að svart sé hvítt og hvítt svart. Um leið grafa þau undan tiltrú á vísindin almennt og yfirleitt. Sem er heldur miður.

 


mbl.is Hlýnunin á eftir að koma fram
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Guðmundur Böðvarsson

Gátu ekki keypt þennan..https://www.youtube.com/watch?v=TCy_UOjEir0

Guðmundur Böðvarsson, 25.8.2018 kl. 10:56

2 Smámynd: Hörður Þormar

Burt séð frá öllum umræðum um loftslagsmál, þá er olían er ekki ótakmörkuð auðlind.  Því hefur verið haldið fram að það taki eitt ár að eyða þeirri olíu sem myndast hefur á milljón árum. Hvort sem þessi fullyrðing stenst eða ekki, þá má ætla að með sama áframhaldi verði olíubirgðir jarðarinnar gengnar til þurrðar eftir nokkrar kynslóðir. Hvað þá?

Hvað eru "hjávísindi"?  Ég er svo sannarlega ekki fær um að dæma um það. En enda þótt Nóbelsverðlaunahafar haldi einhverju fram, þá þarf það ekki að vera einhver gulltryggð sannindi.

Hvað er að því að leyfa þessum "hjávísindum" að njóta vafans, er einhver skaði af því?

Ég tala nú ekki um það, ef náttúran nyti góðs af því í leiðinni.

Hörður Þormar, 25.8.2018 kl. 12:30

3 Smámynd: Kolbrún Hilmars

Gjarnan er talað um mannkyn eins og það tilheyri ekki náttúrunni. Erum við þá bara gestkomandi geimverur?

Kolbrún Hilmars, 25.8.2018 kl. 14:08

4 Smámynd: Haukur Árnason

Eru ekki "hjávísindi", einskonar fræðinga-firring. Halda hinu og þessu fram án viðunandi rökstuðnings Það er. Undirstaðan er ekki rétt ?

Haukur Árnason, 26.8.2018 kl. 01:24

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband