Ljósmæður mála sig út í horn

Herská verkfallsbarátta og óhóflegar launakröfur valda því að ljósmæður eru komnar út í horn í kjarabaráttunni. Líkt og grunnskólakennarar síðasta vetur.

Ljósmæður geta ekki fengið 18 prósent launahækkun á meðan aðrir fá tíu prósent. Ljósmæður eru að meðaltali með 850 þús. kr. á mánuði í heildarlaun. Þær eiga til hnífs og skeiðar.

Börn halda áfram að fæðast á Íslandi. Meiri áhöld eru um stéttarfélag ljósmæðra. Hverjum dettur annars í hug að halda úti stéttarfélagi með 250 félögum?

„Nú er orðið fátt um fína drætti“

Athugasemdir

[Jóhannes Laxdal Baldvinsson, 12.7.2018 kl. 10:16]

Þú ættir að skammast þín fyrir að ráðast svona að fámennum hópi launþega sem eru að sækja sér launaleiðréttingu úr klóm ríkisvalds sem skammtaði sér og gæðingum sínum óheyrilegar launahækkanir í gegnum apparat sem það sjálft bjó til en sagðist enga stjórn hafa á!

Ef lausnin á deilu ljósmæðra er sú að þær fái 18% hækkun þá er það langt frá því aðteljast óhóflegt og í raun ættu allar stéttir að fá þessa hækkun án átaka.  Það var jú loforð ríkisstjórnarinnar að hækkanir kjararáðs yrðu látnar jafnast út á á næstu árum. Sem þýðir að aðrir eiga rétt á sömu leiðréttingum og topparnir fengu en bara á lengri tíma og ekki afturvirkt.