Víkingar, þrælar og Íslendingar

Ísland byggðist frá Noregi og byggðum norrænna manna á eyjum undan Írlandi og Skotlandi. Tímabil landnámsins er kennt við víkingaöld í evrópskri sögu, frá um 800 til 1100. 

Víkingar tóku sér þræla í löndum sem þeir lögðu undir sig. Ritheimildir gefa til kynna að þrælarnir, sem líklega voru flestir af keltneskum uppruna, hafi fljótlega orðið frjálsir eftir landnám, samanber Vífil og Karla, þræla Ingólfs landnámsmanns.

Ólíklegt er að allir keltar sem komu til Íslands hafi verið þrælar. Norrænu byggðirnar á Hjaltlandi og Orkneyjum voru ekki skipulagðar sem þrælanýlendur norrænna manna þar sem innfæddir voru í ánauð. Þeir norrænu litu upp til keltneskra fyrirmanna, smákonunga, segja fornar sögur. 

Afkomendur landnámsmanna sögðu sögur af uppruna sínum um óhagræði þrælahalds, til dæmis af afdrifum fóstbróður Ingólfs, Hjörleifi. Hann var veginn af þrælum sínum þegar hann reyndi að nota þá sem dráttarklára. Lærdómurinn af sögunni er að þrælahald sé óheppilegt fyrirkomulag í landnemasamfélagi.

Fyrstu höfðingjar Íslandssögunnar voru þeir sem fyrstir komu til landsins og afkomendur þeirra. Meira en líklegt er að einhverjir þeirra hafi verið með keltneskt blóð í æðum sínum. Ríkjandi menning var aftur norræn. Það sést á fornminjum og ekki síst tungumálinu, þar sem lítið fer fyrir keltneskum áhrifum.

Nánast eins og að hafa aðgang að tímavél

Athugasemdir

[Steinarr Kr. , 1.6.2018 kl. 09:55]

Það er glettilega mikið af keltnesku í íslensku.  Sést best ef borið er saman við norsku.  Orð eins og Grýla og Bolungarvík eru dæmi.

[Páll Vilhjálmsson, 1.6.2018 kl. 10:45]

Jú, það eru orð eins og tarfur, kapall og gjalt sem munu ættuð úr keltnesku og kannski síður borist til Noregs. En tökuorðin eru hvorki það mörg né málfar okkar á 12. og 13. öld það frábrugðið norrænu að hægt sé að mikið úr keltneskum áhrifum. 

[FORNLEIFUR, 1.6.2018 kl. 13:17]

Come one. Aðeins 27 tennur hafa verið greindar af Í.E.. Landnámsmenn voru fleiri en 27. Þetta er ekki tölfræðilega haldbær niðurstaða. Lesið af hverju hér: https://fornleifur.blog.is/blog/fornleifur/entry/2217735/