Vinstrisamkeppni í öfgum - 5 flokka meirihluti

Eina útgáfa vinstrimeirihluta í Reykjavik er fimm flokka og með Viðreisn, sem er hægriflokkur. Ráðsettir vinstriflokkar, Samfylking og Vinstri grænir, eru í samkeppni um að þjóna öfgum, sem birtust sem Píratar í síðustu kosningum og Sósíalistaflokkurinn núna.

Öfgarnar ganga út á að útmála Sjálfstæðisflokkinn sem ótækan í samstarf. Samfylkingin var á góðu skriði í höfuðborginni þangað til að áróðurinn um að flokkurinn tæki að sér hlutverk Vinstri grænna í ríkisstjórn - þ.e. samstarf við Sjálfstæðisflokkinn - fór að bíta. Tilhugsunin um meirihlutasamstarf Samfylkingar og Sjálfstæðisflokks var óreiðufólkinu á vinstri vængnum ofviða og það kaus Sósíalistaflokkinn.

Fimm flokka vinstrimeirihluti í Reykjavík yrði gagngert settur saman til að útiloka Sjálfstæðisflokkinn, sem 30 prósent Reykvíkinga kusu. Ekki beinlínis lýðræðislegt. Enda eru öfgastjórnmál aldrei lýðræðisleg.

Samfylkingin á völina og kvölina í Reykjavík, líkt og Vinstri grænir eftir síðustu þingkosningar. En ólíkt Vinstri grænum í landsstjórninni getur Samfylkingin ekki gert tilkall um stöðu oddvita í Reykjavík. 

Lýðræðisleg niðurstaða kosninganna í Reykjavík er að Eyþór verði borgarstjóri.

Sjálfstæðisflokkurinn stærstur

Athugasemdir

[Jóhann Elíasson, 27.5.2018 kl. 10:36]

Það verður bara að segjast eins og er Páll AÐ VIÐREISN ER VINSTRI FLOKKUR, þetta er ekkert annað en "LAUMUKRATABROT" úr Sjálfstæðisflokknum og sýnir sitt rétta andlit núna......