80% andstaða gegn ásælni ESB

Evrópusambandið ætlar sér yfirstjórn orkumála á Íslandi með einhliða breytingum á EES-samningnum. 80 prósent Íslendinga eru andvígir því að yfirstjórn orkumála flytjist frá Íslandi til Brussel samkvæmt nýrri könnun.

Ríkisstjórnin og alþingi geta hafnað ásælni Evrópusambandsins í orkuauðlindir landsins með því að segja nei við breytingum á EES-samningnum.

Þegar þjóðarviljinn er jafn skýr og afgerandi ætti ekki að vera tiltökumál að segja þvert nei við breytingum á EES-samningnum.

Vilja vald yfir orkumálum áfram á Íslandi

Athugasemdir

[Jón Valur Jensson, 14.5.2018 kl. 12:43]

Það er gleðiefn i, að Íslendingar eru sér meðvitaðri um þetta mál en ýmsir aðrir, eins og fram kom í könnuninni, sem og, að 80% taka afstöðu gegn valdaframsali til ACER, sem fengi þannig afgerandi áhrif á okkar orkudreifingu og verðlag rafmagns til okkar sjálfra (allt að tvöföldun verðsins hlytist af sæstrengsmálinu). Nýtum okkar takmörkuðu orkulind fyrir okkur sjálfa til framtíðar.

[Ragnhildur Kolka, 14.5.2018 kl. 16:35]

Ég er ekki frá því að andstaða almennings  í Noregi hafi verið svipuð og hér. Engu að síður beygði pólitíska elítan sig í duftið fyrir valdinu í Brussel og Noregur samþykkti yfirvald ACER yfir norskum orkuhagsmunum. 

Tek undir með ykkur - við eigum ekki að gefa eftir auðlindir okkar.