Ragnar Þór: vantraust á veruleikann - sósíalismi eymdarinnar

Formaður VR, Ragnar Þór Ingólfsson, lýsir vantrausti þann veruleika að kaupmáttur launa sé meiri á tímum efnahagslegs stöðugleika en deilna og úlfúðar á vinnumarkaði. 

Ragnar Þór fer fyrir hópi byltingarfólks í stórum verkalýðsfélögum, VR og Eflingu, sem boða sósíalískt stéttastríð í velferðarríkinu.

Ragnar Þór hafnar opinberum hagtölum ef þær falla ekki að sósíalískum fordómum um verkalýðurinn lepji dauðann úr skel á meðan kapítalistarnir lifa í vellystingum praktuglega.

En líklega hafnar Ragnar Þór ekki tölum frá eigin stéttarfélagi um að meðallaun VR-félaga eru 668 þús. kr. á mánuði. 

Það má alveg lifa af 670 þús. kr. á mánuði, skyldi maður ætla. Skæruliðasveitir sem Ragnar Þór hyggst siga á atvinnulífið á fullum launum bæta ekki lífskjörin heldur tortíma þeim. En það er einmitt uppskrift sósíalista að réttlátu samfélagi: að allir búi við sameiginlega eymd.

 

Hótar vantrausti á ASÍ vegna myndbands

Athugasemdir

[Kolbrún Hilmars, 10.5.2018 kl. 14:26]

Ertu ekki að einfalda málið, Páll?  Mér hefur sýnst af fréttum að það snúist nú um að félagsmenn VR lækki í launum á meðan stjórarnir hækka.  VR er stéttarfélag ákveðinna starfshópa (á gólfi) en stjórarnir flestir háskólamenntaðir og félagsmenn í sínum háskólalærðu stéttarfélögum.

[Páll Vilhjálmsson, 10.5.2018 kl. 14:34]

Í frétt mbl.is, sem ég vitna í, kemur fram að meðallaun VR-félaga hækkuðu yfir 6 prósent. Ég held ekki að þessi hækkun sé vegna þess að topparnir fái meira til sín en almennir starfsmenn minna. Engar vísbendingar eru um að þannig í sé pottinn búið.

[Kolbrún Hilmars, 10.5.2018 kl. 15:14]

Það er rétt, vel rekin fyrirtæki á almennum markaði greiða sínu fólki vel, eigendur njóta svo góðs af þótt óbeint sé og þurfa ekki að lækka starfsfólkið í launum, nema þá með sérstöku samkomulagi eins og gerðist rétt eftir "hrun".  Það eru hálfopinberu fyrirtækin sem valda vanda; þau sem ráða háskólamenntaða stjóra sem eru ekki jafningjar samstarfsmanna.

[Þorsteinn Siglaugsson, 10.5.2018 kl. 15:21]

Það er yfirgengilega heimskulegt að bregðast við réttum upplýsingum um mál með því að hóta vantrausti á þá sem setja þær fram. Og jafn heimskulegt er að neita að horfast í augu við staðreyndir af því að það hentar ekki málstaðnum, en búa bara til sínar eigin "alternative facts" í staðinn.

En samt hafa heilu ríkin stundum grundvallast á svipuðum heimskupörum.

[Páll Vilhjálmsson, 10.5.2018 kl. 15:21]

Margt til í því, Kolbrún, og mætti laga með stjórnvaldsákvörðunum.