Ögmundur, Egill, vinstripólitík og Sýrland

Ögmundur Jónasson er gagnrýninn á hlut Bandaríkjanna og Nató í miðausturlöndum. Hann skammar RÚV fyrir að neita að fjalla um framferði vestrænna ríkja í Sýrlandi.

Egill Helgason er að hætti frjálslyndra vinstrimanna stækur Rússahatari. Hann tekur Ögmund á beinið, ekki í einni færslu heldur tveim. Í leiðinni skammar hann Katrínu Jakobsdóttur forsætisráðherra fyrir að mæta á fund þar sem Rússahatur var ekki á dagskrá.

Assad Sýrlandsforseti nýtur stuðnings Rússa. Bandaríkjamenn vilja Assad feigan og styðja aðskiljanlega uppreisnarhópa í því skyni, Kúrda meðtalda. Stefán Pálsson sagnfræðingur kemur á ská inn í deilu Ögmundar og Egils með því að vekja athygli á grein um sýrlensku borgina Raqqa sem Kúrdar frelsuðu frá Ríki íslams. Í lok greinarinnar segir að íbúar Raqqa viti ekki í hvort fótinn þeir eigi að stíga þegar valið stendur á milli Kúrda og Assad. En Assad sé þó skárri þar sem hann er arabískur, en Kúrdar ekki.

Málefni Sýrlands eru flókin en skipting íslenskra vinstrimanna er í grunninn einföld. Frjálslyndir vinstrimenn styðja Bandaríkin/Nató að búta í sundur ríki í þágu vestrænna hagsmuna, t.d. Sýrland og Úkraínu. Íhaldssamir vinstrimenn eru raunsærri - og gagnrýnni á Bandaríkin/Nató - og þar að auki ekki haldnir Rússahatri.

 


« Síðasta færsla | Næsta færsla »

Athugasemdir

1 Smámynd: Örn Einar Hansen

Ekki bara framferði þeirra í Sýrlandi, heldur Lýbíu, Írak, Úkraínu ... skýla sér síðan á bak við "anit-semitísma".  Þegar fólk á að gera sér grein fyrir því, að einmitt þeir sem hrópa "anti-semitismi", er það fólk sem er að halda því fram að þeir sjálfir séu "af öðru kyni" til að öðlast forréttindi, þegar allt mankynið er aðeins af einu kyni.

Homo Sabiens.

Að mér einum untanteknum, en ég er Homo Neanderthalis.

Örn Einar Hansen, 11.3.2018 kl. 19:47

2 Smámynd: Jón Steinar Ragnarsson

Arabar eru líka semítar,msvo því sé haldið til haga, svo þetta er ansi sérkennileg hugtakanotkun.

Nafn Semita er fra Sem syni Nóa. Svo varð það Kam, eða Ham eins og hann heitir. Hamíti. Hann hló að föður sinum ofurölvi og nöktum og Nói lagði á hann álög um að hann yrði svartur og þræll manna í allar kynslóðir. Hamítar eru semsagt blökkumenn afriku. Nú svo eru það Jafítar, undan Jafet. Það erum við bleikandlitin, þótt ýmsir segi að Gyðingar í dag séu frekar af þeim ættlegg, strangt til tekið.

Næst þegar feministar uthuða hvítum karlmönnum þá má saka þær um að vera antí-Jafitar. :)

Svona er nú veröldinn skrítin. Kynflokkaskipting og aðskilnaður í nafni upploginnar ættfræði úr ævafornri ævintýraskruddu.

Jón Steinar Ragnarsson, 11.3.2018 kl. 22:33

3 Smámynd: Jón Steinar Ragnarsson

Það er annars merkilegt í dag að Hægrimenn hafa tamiðð ser vinstrimennsku og t.d. Óvild í garð nasistanna sem byltu Úkraínu í samvinnu við Saudi, USA og fleiri. En vinstrimenn eru orðnir öfga hægrimenn sem styðja heimsvaldastefnu USA og Saudí og hatast við rússa. Þeir eru líka súpranationalistar og vilja eitt evrópskt riki með sameinuðum útflöttum kúltur og yfirvaldi auðhringa. Kunnulegt stef úr fortíðinni.

Jón Steinar Ragnarsson, 11.3.2018 kl. 22:39

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband