Andrés Ingi vill völd, en afþakkar ábyrgð

Andrés Ingi Jónsson er kjörinn á þing af lista Vinstri grænna. Flokkur Andrésar Inga er gerir samning um stjórnarmeirihluta en Andrés Ingi neitar að styðja málefnasamninginn.

Engu að síður vill Andrés Ingi taka þátt í nefndarstörfum fyrir hönd síns flokks. Hann vill valdastöðu en ekki axla neina ábyrgð.

Málið er einfalt. Annað hvort er Andrés Ingi í stjórnarmeirihlutanum eða ekki. Er til of mikils ætlast að hann geri kjósendum grein fyrir stöðu sinni?

Andrés reiknar með nefndarsetu

Athugasemdir

[Már Elíson, 5.12.2017 kl. 20:35]

Ótrúlegt að koma með svona skæting út í alþingismenn og greinilega af því að hann er EKKI sjálfstæðismaður.- Eða er það ekki rétt hjá mér ? - Þetta er bara venjulegur íslenkur pólitíkus, bírókrati eða eins og stjórnendur banka, ríkisstofna og lífeyrissjóða landsins t.d. - Enginn ábyrgur og allt fellur á almennig.- Engin ný tíðindi, nema að nú er ekki talað um menn á hægri vængnum. - Hvernig skyldi standa á því ? - Það er af nógu að taka þar af mönnum sem axla aldrei ábyrgð. - Geturðu ekki fundið nokkur nöfn af sanngirnisástæðum ?

[Predikarinn - Cacoethes scribendi , 5.12.2017 kl. 20:46]

M E

Nú er stórskotahríð úr glerhúsi þínu.  Ert þú einhvers staðar búinn að axla ábyrgð gagnvart lánardrottnum/birgjum þínum um áratugina? Hreint borð alls staðar og full ábyrgð?  "Sá yðar sem syndlaus er kasti fyrstur steini á hana" sagði Frelsarinn okkar og hafði lög að mæla sem ávallt.

Páll er með mjög réttmætan pistil hérna. Bendir á klæðleysi keisarans, sem er svo augljóst. Þá breytir engu hvar í flokki sá stendur.

[Heimir Lárusson Fjeldsted, 6.12.2017 kl. 02:30]

Völdin lyfta sjálfsálitinu, en ábyrgðinni fylgja bara óþægindi.

 

[Helga Kristjánsdóttir, 6.12.2017 kl. 03:26]

Páll skrifar ævinlega um efni frétta dagsins og þessi á virkilega erindi í umræðuna hér.