Frumkristni, femínismi - kynlíf, Kötustjórn

Í frumkristni var kynlíf viðurstyggð, sem aðeins skyldi stundað til fólksfjölgunar. Femínismi samtímans er á sömu slóðum.

Í bígerð er að stofna til femínískrar ríkisstjórnar á Íslandi annó 2017.

Fljótt á litið verður ráðherraskipan nýrrar ríkisstjórnar þannig háttað að engin hætta er á að kynferðisleg áreitni verði henni að falli.

#hugsajákvætt

 

Reyna að „skrúfa saman“ í sáttmála

Athugasemdir

[Aztec, 2.11.2017 kl. 19:07]

Ertu þá að gefa í skyn að allir ráðherrarnir verða konur? Hvað ætli Siggi og Logi segi við því?

Hvað eigum við þá að kalla þessa ógæfustjórn? Femínísku jihadistastjórnina?

- Pétur D.

[Gústaf Adolf Skúlason, 2.11.2017 kl. 22:59]

"Me too" stjórn.

[Jón Valur Jensson, 3.11.2017 kl. 00:05]

Páll, hvar telurðu þig sjá þess merki í Nýja testamentinu eða í frumkirkjunni, að kynlíf hafi verið talið "viðurstyggð"?

Reyndar er hugtakið viðurstyggð (hebr. bdelygma) einmitt til í Biblíunni, en alls ekki notað um kynlíf í hjónabandi.

[Guðmundur Ásgeirsson, 3.11.2017 kl. 00:40]

Hafði þessi pistill eitthvað að segja um nútímann?

Nei, því miður ekki.

[Halldór Egill Guðnason, 3.11.2017 kl. 02:56]

"Kynlíf"dýra, annara en mannsins, er eingöngu til fjölgunar stofninum. Flugur lifa einn dag. Getin, þróast, klekjast og sjá til fjölgunar stofns síns, á einum og sama sólarhringnum! Ekki nokkur mannleg manneskja kemst með tærnar, þar sem skorkvikyndin hafa hælana. 

 Ef "skrúfa á saman eitthvað" í mannheimum, getur það ekki endað öðru vísi en illa. "To screw a government together" hljómar illa og meira að segja skorkvikyndin myndu ekki lifa þann sólarhring af.

 Ef einungis kvenkynið telur sig útvalið og getur kastað okkur karldruslunum út í hafsauga, þá verður svo barasta að vera. Allavegana "lendir" engin kona lengur í því, að eignast dreng.

 Það hlýtur að vera mikil blessun.

 Góðar stundir, með kveðju að sunnan.

[Jón Valur Jensson, 3.11.2017 kl. 05:11]

Já, varla, ef hún er vinstri græn,

vill hún piltung fæða!

Hitt þó fær hún, hýr og væn,

í heiminn stelpu að læða.

  

[Aztec, 3.11.2017 kl. 17:50]

Samanber þegar öfgafemínistinn Sóley Rom Tomm Tomm eignaðist dreng fyrir nokkrum árum, sem gerði hana alveg ráðvillta. Hún átti ekki von á þessu, enda gekk atburður sá í berhögg við öll hennar prinsípp. Snáðinn hefur án vafa verið látinn fara í gegnum misréttismaskínu Möggu Pálu, svo að mér óar við að hugsa til allra þeirra vandamála sem þessi drengur hefur mátt ganga í gegnum.

Á Íslandi hefur verið kynjajafnrétti árum eða áratugum saman. En Sóley er ekki ánægð með það, hún vill forréttindi til handa konum (sér í lagi sjálfri sér og öfgavinkonum sínum) og íhugar hreint kvennaframboð. Um leið og tveir karlar eru í röð á framboðslista einhvers flokks verður allt vitlaust hjá vinstragenginu, en það er allt í lagi að hafa einungis konur á framboðslistum? Hvort er það tvískinnungur, hræsni eða hvort tveggja?

Árið 2009 voru allir femínistarnir Alþingi (þar af allar þingkonur VG og Samfó) æfar yfir því að það voru færri en 40% konur í sumum þingnefndum og kröfðust að því yrði breytt, sem og varð. En þagað var þunnu hljóði um forsætisnefnd þar sem allar voru konur nema 6. (sjötti) varaforseti.

Strax eftir hrunið stofnuðu öfgafemínistarnir með miklum látum "Neyðarstjórn kvenna" sem átti að taka völdin. Þær fengu 1 milljón kr. úr sjóði og síðan heyrðist ekki bofs frá þeim. Í mesta lagi einstaka "hikk!"

Árið 2010 var Þorleifur Gunnlaugsson kosinn í eina sæti VG í borginni, en Sóley datt út. Hún sætti sig alls ekki við þannig lýðræði, enda er Þorleifur ótíndur karlmaður. Og með vélabrögðum tókst henni að stela stólnum sem hann var réttkjörinn til að sitja í.

Svona er Sóley, einn af tákngervingum vinstrisinnaðs öfgafemínisma. 

Ég álít að allir ljóskubrandarar verði endurskrifaðir, þannig að í staðinn fyrir orðið "ljóska" verði sett "femínisti".

Ég veit ekki hvort það sé of snemmt fyrir mig að fara niður á Austurvöll um helgina með skilti sem á stendur "ÓNÝT RÍKISSTJÓRN", en satt að segja þá hef ég ennþá martraðir um hörmungarárin 2009-2013. Þessi ár var hlutfall þingkvenna hærra (50%) en nokkurn tíma fyrr eða síðar, en samt einkenndist allt tímabilið af ólýðræðislegri óstjórn, svikum og fjárútlátum í óþarfa.

Hvers ills er þá að vænta af komandi BPSV ríkisstjórn? Eitt er víst að ef Siggi heldur að hann fái að ráða einhverju, þá skjátlast honum.