Það er pólitík, svo er það Sigmundur Davíð

Sigmundur Davíð talar um stóru málin á meðan flestir jagast í smáatriðum. Í viðtölum á Stöð 2 (góður spyrill) og RÚV (heimildalaus sjanghæ-spyrill) kom út úr öðru munnviki Sigmundar Davíðs meiri pólitík en vinstritungufossar koma út úr sér heilan þingvetur.

Ekkert pex um tittlingaskít heldur stóru línurnar í landsmálum. Og Sigmundur Davíð á innistæðu fyrir stórpólitíkinni. Hann sýndi 2013 til 2016 að hann er maður að útfæra og hrinda í framkvæmd stefnumálum sínum. Spyrjið bara ríkissjóð, sem var í öndunarvél þegar Sigmundur Davíð varð forsætisráðherra en var orðinn að gullkistu eftir uppgjörið við þrotabú föllnu bankanna. Það var höfundarverk Simma.

Sigmundur Davíð er laus úr viðjum smásálarstjórnmála og stefnir hraðbyri á stjórnarráðið.

 

Sigmundur: „sjanghæjaður“ í viðtal

Athugasemdir

[Jóhannes Laxdal Baldvinsson, 28.9.2017 kl. 21:18]

Og nú eru trúar og lífsskoðunarfélögin orðin 45 með Miðflokknum.  Lof sé Sigmundi Davíð 

[Haukur Árnason, 28.9.2017 kl. 21:33]

En hvað ég er sammála þér Páll, vel orðað. Takk.

[rhansen, 28.9.2017 kl. 22:26]

Frabært Páll hja þer . takk  ..það er mikill munur að vera tuðandi þingmaður  eða talandi STJORNMÁLMAÐUR  !   það heyrðist i  kvöld ... 

[Helga Kristjánsdóttir, 28.9.2017 kl. 22:56]

   Sammála ykkur Haukur og rhansen,Páll kann að hrífa með færslum sínum.