RÚV: samfélagsmiðill pólitískra starfsmanna

Fréttastofa RÚV er ekki fjölmiðill í venjulegum skilningi með ábyrga yfirstjórn sem gætir að faglegum vinnubrögðum ritstjórnar. Fréttastofan er meira í ætt við samfélagsmiðil þar sem starfsmenn leika lausum hala í rammpólitískri vinnustaðamenningu.

Sjanghæ-málið er dæmi um falsfrétt sem er einleikur starfsmanns. RÚV spann lygaþvælu fyrir starfsmanninn og kenndi verkalýðsfélagi um mannorðsmorð í beinni. Því var vísað til föðurhúsanna.  

Vinnustaðamenning RÚV er lituð af þeirri vinstripólitík sem á upp á pallborðið hverju sinni. Fyrir síðustu kosningar var fréttastofan áróðursmiðstöð Pírata. Í ár verður það vinstra grænt á Efstaleiti.

Í síðustu viku fengu eigendur RÚV, íslenska þjóðin, smjörþefinn af kosningamáli RÚV, þ.e. kynferðisbrotum. Uppslætti beggja aðalfréttatíma RÚV 21. september var ætlað að kynda undir vinstriumræðu um að hægrimenn væru meðvirkir barnaníðingum.

Ástæðan fyrir því að þessum uppslætti var ekki fylgt eftir er að RÚV-arar áttuðu sig á að kynferðisbrotamaðurinn sem var til umfjöllunar sl. fimmtudag fékk uppreist æru í tíð vinstristjórnar Jóhönnu Sigurðardóttir. Það passar ekki við fréttahönnun RÚV að kynferðisbrotamenn fengu uppreist æru hjá vinstristjórninni.

Fréttastofu RÚV á að loka. Hún er faglega ónýt og gróðrarstía falsfrétta. Eins og dæmin sanna.


mbl.is Höfðar mál gegn Rúv
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Jón Steinar Ragnarsson

Pólitísk hlutdrægni RUV byggist fyrst og fremst á því hverjir þær ætla að standi með stofnuninni sjálfri eða sé henni skeinuhættastir hverju sinni. Þeir grípa fegins hendi allt sem þeir telja að gagnist þeim gegn þessari ímynduðu ógn. Þetta er púra business hjá þeim.

Verði þeir uppvísir að óvandaðri fréttamennsku í almennu tilliti, þá verja þeir það líka með kjafti og klóm. Þar er þögning besta vopnið. Að halda sjó gagnvart almenningsálitinu.

Nú eru komnar sprungur í þetta álit og örvæntingin og ófyrirleytnin eykst í réttu hlutfalli. Vernd stöðugilda er fremri hlutleysinu.

Jón Steinar Ragnarsson, 25.9.2017 kl. 13:03

2 Smámynd: Ragnhildur Kolka

RÚV gerist sífellt grófara í árásum sínum á borgarana og pólitíska andstæðinga og við borgum. Miljónir streyma nú úr okkar vösum gegnum RÚV til einhvers Spartakusar og Sjanghæ hrindir af stað máli gegn stofnuninni.

Ragnhildur Kolka, 25.9.2017 kl. 13:42

3 Smámynd: Jóhannes Laxdal Baldvinsson

Ég segi nú bara. að þar sem er reykur er oftast líka eldur.  Svona fréttir búa sig ekki til sjálfar. Það var fótur fyrir henni en viðbrögð formnanns Einingar-Iðju eru lúaleg. En koma ekki á óvart. Sá sem þar fer er búinn að hafa þessa þægilegu innivinnu í 30 ár hið minnsta.  Hann er ekki að rótast í óþægilegum málum.  Sérstaklega ekki þar sem útlendingar eiga hlut að máli.Ekki kannski beint yfirlýstur rasisti en yfirlýstur framsóknarmaður og þeir fyrirlíta RUV upp til hópa sem er svo líka gagnkvæmtwink

Jóhannes Laxdal Baldvinsson, 25.9.2017 kl. 14:16

4 Smámynd: Kolbrún Hilmars

Eigandi Sjanghæ hefur greitt RÚV tvöfalt afnotagjald; annað persónulega og hitt vegna fyrirtækisins.  Einokunarfyrirtæki að lögum þurfa ekki að hugsa um viðskiptavild. 

Kolbrún Hilmars, 25.9.2017 kl. 16:42

5 Smámynd: Benedikt Halldórsson

Tek undir það sem Steinar segir.

Jóhannes Laxdal: Einu sinni varð ég uppvís að "glæp" sem varð að blaðaumfjöllun. Hagstofustjóri kenndi mér um að gefið rangar upplýsingar. Starfsmaður Hagstofunnar bankar á dyr og spurði mig tveggja spurninga, en ég var þá staddur á heimili X, "er X heima", nei svaraði ég, "veistu hvenær hann kemur heim", nei, svaraði ég. Hagstofan dró þá ályktun að öll fjölskyldan væri farinn úr landi og kæmi aldrei aftur! Hún var því ekki í manntalinu ári seinna. X og konan hans skruppu í sólarlandaferð en börnin voru heima. Blaðamaður blað gleypti við skýringum Hagstofustjóra og þar með lauk þessu máli með sigri Hagstofunnar.

Ég gef minna en ekkert fyrir skýringar RÚV um að vera fórnarlömb "rangra upplýsinga". 

Benedikt Halldórsson, 25.9.2017 kl. 17:19

6 Smámynd: Benedikt Halldórsson

"í þessu tilfelli er náttúrlega um rangar upplýsingar að ræða sem það fólk sem í húsinu var hefur látið starfsmönnum Skattstofunnar í té."

http://timarit.is/view_page_init.jsp?issId=188777&pageId=2458699&lang=is&q=fj%F6lskylda

Benedikt Halldórsson, 25.9.2017 kl. 17:33

7 Smámynd: Þorsteinn Siglaugsson

Það er löngu kominn tími til að leggja Ríkisútvarpið niður. Stofnunin er alveg tilgangslaus þótt þar sé að finna örfáa sæmilega þætti. En með því að nota brot af þeim fjármunum sem sóað er í þessa stofnun til að styrkja menningarlega dagskrárgerð mætti ekki aðeins viðhalda henni heldur stórefla. Fréttastofan er búin að vera.

Þorsteinn Siglaugsson, 25.9.2017 kl. 23:55

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband