Sænska hópsálin er kynlaus, siðlaus og náttúrulaus

Einstaklingurinn fæðist í líkama sem er annað tveggja kvenkyns eða karlkyns. Enginn velur sér líkama, börn einfaldlega fæðast kvenkyns eða karlkyns. Þessa fæðingargjöf tekur einstaklingurinn með sér út í heiminn í það ferðalag sem efni og aðstæður leyfa.

Menntastefna sem kennir kynleysi útilokar einn af grunneiginleikum einstaklingsins. En það er einmitt í gegnum þennan grunneiginleika sem einstaklingar tileinka sér siði og háttu í samfélaginu. Maður getur skipt um trú, stjórnmálaskoðun, maka og ríkisfang. En maður skiptir ekki um kyn - nema í læknisfræðilegum undantekningum.

Kynlaus einstaklingur er án grunnverkfæris náttúrunnar til að skilja heiminn. Slíkur einstaklingur gæti mögulega orðið tannhjól í kynlausri, siðlausri og geldri hópsál. En aðeins í samfélagi sem væri algjörlega einangrað frá náttúrunni og siðmenningunni frá því sögur hófust.

Kynhlutlausir leikskólar í Svíþjóð

Athugasemdir

[Gunnar Rögnvaldsson, 30.7.2017 kl. 14:12]

Þetta er Freud-plága 21. aldarinnar. Freud-plága 20. aldarinnar var næst versta plága þeirrar aldar. Hún drap 100 milljón klukkustundir á meðan versta plága þeirrar aldar, Marxisminn, drap 100 milljón manns.

Þessi nýja Freud-plága 21. aldarinnar mun bæði drepa og leggja líf og tíma milljóna manna í rúst. Svíþjóð telur tæplega 10 milljón manns. Lífslíkur þeirra á skrifandi stund eru afar litlar, en samt ekki alveg núll.

Saga geðsjúkdómanna er afar litrík. Þessi nýja plága er úr þeirri gömlu skúffu. 

Kveðjur

[kallpungur, 30.7.2017 kl. 19:28]

Ekki gleyma að þessi téða hópsál Svíanna er líka foráttu heimsk...