RÚV þegir um vonir hrægamma, tekur öfugt Icesave

RÚV sagði ekki orð í hádegisfréttum um vonir erlendra hrægammasjóða að Píratar og hinir vinstriflokkarnir komist í ríkisstjórn eftir kosningar á laugardag. RÚV var nógu duglegt í Icesave-umræðunni á sínum tíma að segja frá kröfum vogunarsjóða; að Ísland yrði Kúba norðursins ef ekki yrði gengið að kröfum þeirra.

Þegar Icesave-umræðan stóð var verkefni RÚV að halda vinstristjórninni við völd. Núna er verkefnið að koma að nýrri vinstristjórn og þá skal tekið öfugt Icesave - og umræðan þögguð.

Eftirfarandi blasir við: erlendir vogunarsjóðir, kenndir við hrægamma, óska sér að Píratar og vinstriflokkarnir yfirtaki völdin í stjórnarráðinu eftir helgi. Útlendingarnir vita af reynslu að vinstristjórn í Reykjavík veit á uppgrip úr ríkissjóði Íslands. Og RÚV þegir í takt við hagsmuni huldustjórnarinnar.

Erlendir krónueigendur bíða eftir kosningum

Athugasemdir

[Gunnar Rögnvaldsson, 25.10.2016 kl. 16:15]

Ef ég gæti náð mér niður á DDRÚV með því að kveikja í öllum útvarps,- internets,- og sjónvarpstengdum apparötum sem ég á, þá myndi ég gera það. En það er ekki hægt að ná sér niðri á DDRÚV. Það er ríki í ríkinu. Vírus. Pólitískur hrægammur á þjóðinni.