Vilmundur, Sigmundur og skítapakkið

Á síðustu öld var stjórnmálamaður sem hét Vilmundur Gylfason. Hann gerði lítinn flokk, Alþýðuflokkin, stóran í krafti hugmynda. Þegar flokkseigendur töldu Vilmund hafa þjónað sínu hlutverki komu þeir og sögðu ,,nú getum við" og boluðu Vilmundi frá. Vilmundur notaði þriðja nafnorðið í fyrirsögninni hér að ofan um þetta lið.

Sigmundur Davíð gerði Framsóknarflokkinn stóran í krafti hugmynda. Um helgina tóku flokkseigendur sig til og felldu hann úr formannssæti með skítlegum aðferðum.

Sennilega gerir Sigmundur Davíð rétt í að halda áfram, um sinn, starfi innan Framsóknarflokksins og leiða listann í Norðausturkjördæmi.

Kjörþokki skítapakksins er ekki mikill. Eftir kosningar blasa við nýir möguleikar.

 

Sigmundur áfram oddviti

Athugasemdir

[Jónas Ómar Snorrason, 4.10.2016 kl. 07:39]

Þetta er léleg samlýking Páll. En kjósir þú að loka augum þínum fyir gjörðum SDG, þá þú um það, en þú veist það að gjörðin hverfur ekki.

[Wilhelm Emilsson, 4.10.2016 kl. 08:32]

Eins og skáldið sagði:

Að sigra heiminn

er eins og að spila á spil

með spekingslegum svip

og taka í nefið.

(Og allt með glöðu geði

er gjarna sett að veði.)

Og þótt þú tapir,

það gerir ekkert til,

því það er nefnilega vitlaust gefið.

[Anna Sigríður Guðmundsdóttir, 5.10.2016 kl. 03:08]

...ÞVÍ ÞAÐ ER NEFNILEGA VITLAUST GEFIÐ...

Betur verður stjórnsýslu/kerfis-spillingunni á Íslandi varla lýst.

M.b.kv.