Vinstrimenn stefna í tap vorið 2017

Vinstrimenn tala sig í stöðu hornkerlingar í stjórnmálum. Þeir sæta færis að hrinda frá sér kjósendum sem ekki samsama sig við 101-rétttrúnað í miðborg Reykjavíkur.

Nýjasta dæmið er búvörusamningurinn. Viðskiptablaðið vekur athygli á því að vinstrimenn sæta færis að lemja á bændum og tala um bændalaun eins og það sé ölmusa. Þegar listamannalaun eru til umræðu standa vinstrimenn grjótharðir á því að aðeins menningarfjandsamlegt fólk amist við þeim. Samkvæmt sömu rökum eru vinstrimenn landsbyggðarfjandsamlegir.

Í þingkosningunum vorið 2017 verður kosið um tvær útgáfur af pólitík í tveim afgerandi málaflokkum. Útgáfurnar eru vinstri og hægri. Málaflokkarnir eru efnahagsmál annars vegar og hins vegar félags- og menningarmál í breiðum skilningi.

Vinstrimenn eru í pólitísku talsambandi við um þriðjung kjósenda. Ólíklegt er að það breytist á þeim 15 mánuðum sem eru til kosninga.

Athugasemdir

[Jón Steinar Ragnarsson, 29.2.2016 kl. 23:00]

Það sem mér finnst kostulegast við lýðskrum vinstrimanna að þeir fara að þvarga um útgjaldaliði eftir að búið er að samþykkja og loka fjárlögum. ekki heyrðist umkvörtunarorð um þessa liði í umræðum um fjárlög. Hvort sem það er búvörusamningur eða hola íslenskra fræða, þá er búið að samþykkja þetta fyrir löngu. Málefnaþurrðin virðist alger.

[Jón Ingi Cæsarsson, 1.3.2016 kl. 10:02]

Það er svipað og hægri flokkarnir Sjallar + Framsókn ca 30 % hjá þeim.. 

Glæti verið lýðskrum og kosningaloforðasvik sem valda því Jón Steinar ?