Áfeng frjálshyggja vond; allsgáð íhaldssemi góð

Ef fyrirkomulag í samfélaginu virkar þá á ekki að breyta því; það vita allir allsgáðir íhaldsmenn. Áfengisverslunin á Íslandi er með trausta umgjörð og reynslan sýnir að fyrirkomulagið virkar. Þess vegna á ekki að breyta.

Frjálshyggjumenn telja það komi frelsinu eitthvað við að áfengi verði selt í matvörubúðum. Samkvæmt þessu skilningi frjálshyggjunnar er allt fyrirkomulag til verndar samfélagslegum hagsmunum til óþurftar - til dæmis hámarkshraði umferðar í íbúðarbyggð.

Áfeng frjálshyggja af þessu tagi er vond dómgreind.

Látum heilbrigða skynsemi ráða ferðinni og höldum núverandi fyrirkomulagi áfengisverslunar.

Læknar vilja ekki vín í verslanir

Athugasemdir

[Gunnar Th. Gunnarsson, 24.3.2015 kl. 15:05]

Áfrngi í matvöruverslunum skilst mér að verði í lokuðum rýmum en ekki í hillum með matvörum. Sé ekki vandamálið.

Aðalatriðið finnst mér þó að áfengissala á ekkert erindi í ríkisrekstri. Ríkið á ekki að reka verslanir. Það er hagkvæmara, bæði fyrir ríkið og almenning að einkaaðilar sjái um verslunarrekstur.