Rauði-Danni, þjóðríkið og kósí kjaftaelítan

Þjóðríkið til á nýöld þegar róttæku stéttir þess tíma, menntamenn og borgarar, sigruðu yfirþjóðlega elítu, sem var aðall og konungsvald. Ef Rauði-Danni, Daníel Cohn-Bendit, hefði verið uppi á dögum frönsku byltingarinnar hefði hann tæplega verið maður konungsvaldsins þar sem lýðræði var ekkert en einveldið allt.

Rauði-Danni er orðinn talsmaður yfirþjóðlegu elítunnar í Brussel sökum þess að hún skaffar honum gott lífsviðurværi, rausnarleg eftirlaun og vettvang, Evrópuþingið, til að mala út í eitt þótt enginn nenni að hlusta.

Rauði-Danni, sem héti Samfylkingar-Danni, væri hann íslenskur, er afkomandi flóttamanna og komst í feitt í velferðarþjóðfélagi eftirstríðsáranna þar sem skattpeningar þjóðríkisins voru nýttir til að mennta almenning og veita heilbrigðisþjónustu.

Í velmegun síðustu áratuga óx fram kósí kjaftastétt sem gekk að velferðinni vísri og gleymdi að hún byggðist samstöðu innan þjóðríkisins. Kósí kjaftastéttin vill yfirfæra velferðaríkið yfir á Evrópusambandið en fattar ekki að samstaða þjóðríkisins flyst ekki með. Þjóðverjar  og þjóðríki Norður-Evrópu láta sér ekki til hugar koma að halda uppi jaðarríkjum Suður-Evrópu. Enda sýndi falskur vöxtur Suður-Evrópu síðasta áratug að saðningin gerir ekkert annað en að auka kröfurnar um meira.

Þjóðríkið er hornsteinn. Ofvaxið sambandsríki eins og Evrópusambandið er tilraun sem mistekst sökum þess að þjóðir eru náttúrulegar skipulagsheildir. Kósí kjaftastéttirnar geta malað út í eitt - en þær breyta ekki staðreyndum.

Hættur eftir 20 ár á þingi

Athugasemdir

[Gunnar Rögnvaldsson, 17.4.2014 kl. 11:53]

Vel að orði komist

Kærar þakkir fyrir þetta Páll

og keep, vinsamlegast, up the good work

Kveðjur

[rhansen, 17.4.2014 kl. 12:07]

Vel mælt að vanda Páll !  ...

[Ómar Bjarki Kristjánsson, 17.4.2014 kl. 14:49]

Hann er allaveg merkilegri maður en heimsýn og andsinnar samanlagt.

[Sigurbjörn Friðriksson, 18.4.2014 kl. 00:43]

Ég bjó í París 1968 frá janúar byrjun til júníloka.  Ég fékk að fylgjast með "stúdenta" byltingunni frá upphafi til enda.  Ég er hægra megin í hugsun, hef alltaf unnð fyrir mér og umtalið um Rauða Danna var eins og um Steingrím J. Sigfússon árin frá 2008 til 2013.  Ég þarf ekki að hafa fleiri orð um það.