Setjum lög á Alcoa og Norðurál

Alcoa og Norðurál beita bókhaldsbrellum til að komast hjá skattgreiðslu til ríkissjóðs. Ísland á að láta krók koma á móti bragði og setja sértæk skattalög á fyrirtækin til að sækja fjármunina.

Það má kalla lögin útblástursskatt, sjónmengunarskatt eða bara brelluskatt, gildir einu. Aðalatriðið er að láta ekki stórfyrirtækin komast upp með ósvinnuna.

Stjórnmálaflokkarnir eiga að boða slíkan skatt strax á fyrsta þingi eftir kosningar.

Ekki greitt krónu í tekjuskatt í 10 ár

Athugasemdir

[Ragnhildur Kolka, 20.3.2013 kl. 22:08]

Skiljanlegt. Steingrímur hefur ekki viljað styggja vini sína í stóriðjunni.

[Gunnar Rögnvaldsson, 20.3.2013 kl. 23:13]

Mun einfaldara væri að senda kvörtun í ábyrgðarpósti til aðalstöðva styrkjaskólpveitu Evrópusambandsins í Brussel vegna stórhertogadæmis Lúxemborgar, sem er hin heilaga þvottastöð peningamála og heimaland formanns EvruHrópsins. Þetta bréf yrði að vísu alvarlegt mál fyrir lífeyrissjóði embættismanna sambandsins sem í Lux liggja og kasta af sér á meðan þiggjendur þeirra á sama tíma liggja uppi á skattafjármögnuðu velferlarferfi ríkissjóða heimalanda sinna.   

Með brjéfsnifsi Össurar Skarphéðinssonar til kremlar sambandsins vegna Lúxemborgar gæti fylgt afrit vegna eins Írlands. En það var einmitt þessi stórhertogafyrirtækjalöggjöf Evrópusambandsins sem gerði bankaútráp Baugsveldisins mögulega. En það fyrirbæri gat aldrei fest neinar klofnar fætur í Bandaríkjunum vegna einmitt þess að Bandaríkin eru ekki stórhertogadæmi, með morknar stofnanir og svasstikað lagaumhverfi. 

[Gunnar Rögnvaldsson, 20.3.2013 kl. 23:26]

Einnig bendi ég mönnum á að lög HAFA verið sett um DDRÚV. En hver skyldi hafa eftirlit með því líki stofnunar sem átti einu sinni að vera.

[Gunnar Rögnvaldsson, 20.3.2013 kl. 23:28]

Nema að menn vilji að lagasmiðir semji ný lög um lög DDRÚV. Lögin við vinnuna við DDRÚV.

[Helga Kristjánsdóttir, 21.3.2013 kl. 00:35]

Gunnar þú ert óborganlegur.

[Guðmundur Ásgeirsson, 21.3.2013 kl. 02:15]

Við ættum að skikka álfyrirtækinn til að leggja allan hagnaðinn inn í kýpversku bankana frekar en til Luxembourg. Það er nóg af peningum í Lux en mér skilst að það sé skortur á Kýpur. Með þessu gæti Ísland hjálpað við björgun evrunnar, alveg eins og við björguðum ríkissjóðum Evrópuríkjanna með Icesave málinu. Það hlýtur allavega að vera allrar athugunar virði hvort við aðstoðum ekki meðbræður okkur og nágranna sunnar í álfunni með þessum hætti.