Samfylking er flokkur háskólaborgara

Háskólaborgarar, t.d. sú útgáfa sem veitir doktorsgráður flokksfélögum sínum, sbr. Baldur Þórhallsson og Eiríkur Bergmann Einarsson, eru helstu einkennismerki Samfylkingar eftir sigur Árna Páls og Magnúsar Schram.

Háskólaborgarar eru gjarnan búsettir í póstnúmerinu 101 og sérhæfa sig í tækifærispólitík, vinna ýmist til vinstri eða hægri eftir því hvernig vindar blása. 

Árni Páll metur það svo að vinstripólitík eigi á brattann að sækja eftir fjögur ár með Jóhönnu og Steingrími J. og brosir þess vegna til hægri. Þar telur hann sig eiga viðhlæjendur.


mbl.is Segir Árna Pál hafa sigrað fulltrúa Jóhönnuarmsins
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: hilmar  jónsson

Háskólamenntun og að búa á 101 svæðinu er rót alls hins illa. Þá veit maður það. Ertu búin að láta lögregluna vita Páll ?

hilmar jónsson, 11.11.2012 kl. 20:54

2 identicon

Það er mikið til í því að sýndarmenskuhátturinn og besserwisserasýkin er alvarlegt einkenni á þessu liði.  Sérstaklega úr félagsvísindadeild.

jonasgeir (IP-tala skráð) 11.11.2012 kl. 21:02

3 identicon

"vinna ýmist til vinstri eða hægri eftir því hvernig vindar blása. "

Hljómar svolítið eins og Framsókn...

Skúli (IP-tala skráð) 11.11.2012 kl. 22:55

4 identicon

Þvílíkt kjaftæði hef ég nú bara aldrei heyrt. Ég bjó lengi í einum frægasta háskólabæ heims, og ég verð bara að segja, því miður, sem félagi í þessum flokki, að menntunarstig þar er almennt svo lágt (þó sumt fólkið hafi aftur á móti "skólun", sem er annar hlutur, og einhverjar gráður til að sanna það hafi ástundað páfagaukalærdóm í svo og svo langan tíma), að þetta fólk þætti ekki hæft í matarboð hjá sæmilega menntuðu fólki. Það er ekki umræðuhæft, og skoðanir þess einkennast af ofstæki, þröngsýni og blindri tilfinningasemi. Sumir af þeim verst menntuðu leiða svo flokkinn, Jóhanna sem kann ekki ensku, og Össur sem hefur fyrigert því við verðum nokkurn tíman tekin alvarlega í samfélagi siðmenntaðra manna, og fyrirgert því að Angela Merkel, Frakklandsforseti og slíkir muni nokkurn tíman bjóða honum í einkasamkvæmi sín líka, með því að lýsa yfir stuðningi við hryðjuverkasamtök sem hafa tortýmingu heils þjóðsflokks manna á stefnuskrá sinni, og annað sem þykir ekki boðlegt meðal annarra en nazista og stuðningsmanna enn verri hryðjuverkasamtaka í Evrópu. Þetta fólk er hálfmenntað almennt eins og það heitir á góðu máli, jafnt þeir skóluðu og óskóluðu, með aðeins örfáum undartekningum, og ekki fært um að skilja vestræna siðmenningu, uppruna hennar eða kjarna.

Trotsky (IP-tala skráð) 12.11.2012 kl. 00:24

5 identicon

@ Jón Ásgeir. Þú nefnir félagsvísindadeild og ég skal útskíra þetta aðeins fyrir þér. Ég stundaði sjálfur nám við mjög virtan háskóla, einn þann virtasta í heiminum. Þar fagna menn, eins og í öllum sambærilegum stofnunum á svipað háu plani, fjölbreytileika, skoðanaskiptum og umburðarlyndi. Þannig þykir þessum stofnunum eftirsóknarvert að prófessorarnir endurspegli þennan fjölbreytileika og þær forðast einsleitni í skoðunum, vitandi hvaða hnignun fylgir henni. Eftir að hafa lokið námi við þennan skóla var ég svo aðeins að leika mér í HÍ og get ekki sagt að ég geti kallað það nám eftir reynsluna erlendis. HÍ er skóli heilaþvotts og "mainstream" hugsunarháttar að stóru leyti, þar sem enginn þorir að vagga bátnum eða vera öðruvísi. Einn prófessor, aðeins einn, leyfði sér það, Hannes Hólmsteinn heitir hann, og hann er enn lagður í einelti í gjörvöllu samfélaginu fyrir að dirfast að vera öðruvísi en meirihlutinn, meðan í mínum skóla erlendis voru margvíslegir róttæklingar bæði af vinstra- og hægra sauðahúsi sem, í nafni umburðarlyndis og tjáningarfrelsis þess sem er nauðsynleg gróðurmold fyrir alla æðri menntun, báru virðingu fyrir hver öðrum og frelsi sínu til skoðanna. En fyrir Hannesi fór hér aftur á móti dálítið eins og prófessor sem ég þekki og starfaði í litlum skóla í mesta "Hillbilly" hluta Biblíubeltis Bandaríkjanna, og var lagður í svipað einelti fyrir að skoðanir hans stungu í stúfu við skoðanir meirihlutans þar. Í alvöru háskólum sýna nemendur líka virka þátttöku, tjá sig og, þeir sem þora að rugga bátnum mest, eru verðlaunaðir fyrir hugrekki sitt. Hér mæta allar slíkar tilraunir hræðslu hagamúsarinnar og hneykslun að menn skuli ekki halda sig á réttum bás. Það er því ekki menntun sem skemmir fyrir, eins og hálfmenntun sú sem er í boði í flestum deildum HÍ, þó ég myndi reyndar segja að fjórar deildir í HÍ séu sæmilega hátt standandi og nálgist miðlungsgæði miðað við það sem þykir boðlegt í þeim nágrannalöndum okkar sem við berum okkur helst saman við. Einsleitni og hjarðhugsun eru hér allt niður að drepa, svo og fákeppnin, klíkuskapurinn og flokksræðið, en allt eru þetta birtingarmyndir einsleitninnar og þrælslundarinnar sem brýst út í hlýðni við hópinn, hver sem hann er, og einkennir hér á landi jafnvel svokallaða "menntamenn", sem eru þó öllu jafna ófærir um sjálfstæða hugsun.

Trotsky (IP-tala skráð) 12.11.2012 kl. 00:35

6 Smámynd: Helga Kristjánsdóttir

Hér er ég að lesa eitthvað sem er og hefur verið lengi. Allmargir þarna taka sig allt of hátíðlega,yfirlýsingaglaðir með makka,sem á,eða verkar sem ,,orða,,eða strípa í einkennisbúningi, sem veikja og vekja upp alræmdan kæk viðmælanda þess,kyrrstöðu hugans;"jaá það er alveg satt/rétt”

Helga Kristjánsdóttir, 12.11.2012 kl. 01:31

7 identicon

Baldur og Eiríkur eru báðir í 107. Hannes Hólmsteinn er hins vegar í 101.

Elín Sigurðardóttir (IP-tala skráð) 12.11.2012 kl. 09:15

8 Smámynd: hilmar  jónsson

Það er kómískt hvað Páll og aðrir sjallar geta verið out of date í áróðri.

Þegar annað þrýtur, þá er róið á "white trash" miðin: Menntun og 101.

Hvaða hópur eru nú líklegastur til að kokgleypa ?

hilmar jónsson, 12.11.2012 kl. 13:48

9 identicon

"White trash" er fyrirlitlegur frasi sem alvöru jafnaðarmaður, eða bara mannvinur, eða bara einhver sem alla vega hefur einhverjar smá hugsjónir, lætur aldrei, aldrei, aldrei út úr sér.

Í fyrsta lagi er þetta hugtak notað til að gera lítið úr fátæku og ómenntuðu fólki með því að kalla það rusl.

Í öðru lagi er þetta hugtak rasískt hugtak í grunninn. Þótt það sé nú um stundir notað til að lítilsvirða hvítt fólk á botni samfélagsins, þá kemur það frá fólki sem fannst ekki í frásögufærandi að kalla fólk rusl, heldur þótti fréttnæmt að til væri hvítt fólk með svipað menntunarstig og efnahag og þorri blökkumanna, og því væri þetta fólk, þó hvítt væri, "rusl" rétt eins og blökkumennirnir.

Sérlega varhugavert er að nota slíkt hugtak í litlu, fábreyttu samfélagi eins og Íslandi. Þar með er maður að gefa í skyn, um leið og að fátækir, illamenntaðir og svo framvegis séu rusl sem einskis virði er, að það sé merkilegt slíkt fólk sé til, þó hvítt sé, en innflytjendur upp til hópa og litað fólk hér sé hins vegar vart mennskt.

Ég er fyrir vonbrigðum að sjá góðan dreng með gott hjartalag nota viðurstyggilegt orðtak sem þetta. Stattu þig betur, Hilmar minn. Ekki leggja lóð þitt á vogarskál hins illa með óvarkárni í orðalagi.

Vinur (IP-tala skráð) 13.11.2012 kl. 01:24

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband