Stjórnarskránni borgið - í bili

Niðurrifsöflin náðu ekki að koma höggi á stjórnarskrá lýðveldisins þrátt fyrir þriggja nótta myrkralotu. Þökk sé þingmönnum Sjálfstæðisflokksins hélt víglínan gegn fláræðinu um að setja stjórnarskrána í ,,skoðanakönnunarferli" sem hafði þann eina tilgang að útvatna grunnlög lýðveldisins og búa í haginn fyrir fullveldisframsal.

Heitstrengingar stjórnarliða sem ásamt Þór Saari et. al. mynda meirihluta á þingi verður að taka alvarlega og vörnin að halda vöku sinni á meðan lævísa skemmdarverkaliðið situr í stjórnarráðinu.

Eftir samfellda ósigra í Icesave, ESB-málinu og nú stjórnlagaráðsatlögunni munu niðurrifsöflin þjappa sér saman enda styttist í alþingskosningar. Í millitíðinni endurnýjum við umboð Ólafs Ragnars Grímssonar á Bessastöðum.

„Við gefumst ekki upp“

Athugasemdir

[Elín Sigurðardóttir (IP-tala skráð) 30.3.2012 kl. 08:03]

Það er full samstaða inni á þingi, m.a.s. um hlutverkaskipan í þessu hundleiðinlega leikriti þeirra.

[Ragnhildur Kolka, 30.3.2012 kl. 08:52]

Jóhanna er búin að fullnægja kröfu Hreyfingarinnar og getur nú setið áfram í skjóli þeirra.

[Elín Sigurðardóttir (IP-tala skráð) 30.3.2012 kl. 08:55]

Hér er góður pistill:

http://maurildi.blogspot.com/2012/03/kommunistar-og-nasgular.html

Birgitta er beinlínis fyndin þegar hún talar um einlæga þingmenn á fésbókinni.