Aðeins 1/3 vill klára ESB-viðræður

Ný skoðanakönnun Fréttablaðsins sýnir að aðeins þriðjungur aðspurðra vilji ljúka ESB-viðræðum. Spurning Fréttablaðsins var eftirfarandi:

Hvort myndir þú heldur kjósa: 1) Að draga til baka umsókn um aðild að Evrópusambandinu, eða 2) Að ljúka aðildarviðræðum við Evrópusambandið og halda þjóðaratkvæðagreiðslu um aðildarsamninginn?

Um 35 prósent völdu að draga umsókn til baka. Um 65 prósent ljúka viðræðum og fá þjóðaratkvæði. Þar sem Fréttablaðið aðgreinir ekki þá sem vilja ljúka viðræðum og fá þjóðaratkvæði verður að gera ráð fyrir að þeir skiptist til helminga.

Niðurstaðan er þá þessi: 1/3 vill draga umsókn til baka, 1/3 klára viðræður og 1/3 þjóðaratkvæði.

Athugasemdir

[v (IP-tala skráð) 12.12.2011 kl. 10:12]

Skrítin framsetnig atarna.

[hrafnafloki (IP-tala skráð) 12.12.2011 kl. 19:25]

Þetta er væntanlega tilraun til að vera fyndinn. Hins vegar má gagnrýna orðalag spurningarinnar.Eðlilegt er að sleppa seinni hluta b) liðs. Möguleikinn væri þá ;Að ljúka aðildarviðræðum við Evrópusambandið. Ef menn vilja spyrja um þjóðaratkvæðagreiðslur er eðlilegt að gera það sérstaklega. Það má leiða getum að því að fleiri velji b)lið vegna orðalagsins þar sem þjóðaraatkvæðagreiðsla er jákvæð í hugum flestra. Einnig er hægt að hugsa sér að þeir sem eru á móti aðild vilji halda viðræðum áfram en ætli síðan að greiða atkvæði gegn. Þetta er opinber afstaða VG.