Gríska evran er ónýt, hvað með þá þýsku?

Evran er gjaldmiðill sextán af 27 ríkjum Evrópusambandsins. Gríska útgáfan af evrunni, í merkingunni grískt efnahagslíf, er ónýt og verður að afskrifa fyrr heldur en seinna. Ef gríska útgáfan af evrunni fer ekki hratt og vel í gjaldþrot skapast hætta fyrir þýsku evruna.

Þýska evran stendur á grunni þýska marksins sem var alvöru gjaldmiðill í öflugu iðnveldi. Fréttir um að Angela Merkel kanslari Þýskalands hringi í dauðans ofboði í leiðtoga annarra ESB-ríkja sýna áhyggjur Þjóðverja.

Þýskaland krefst þess að Lissabon-sáttmálanum verði breytt til að ónýt efnahagskerfi, eins og það gríska, geti farið í gjaldþrot án þess að hagkerfi allrar álfunnar komist í uppnám. Auðvitað átti að ganga frá svona atriðum áður en evran var gerða að lögeyri.

Evran var ekki búin til með hagfræði að leiðarljósi heldur um pólitíska draumsýn um samruna Evrópu - sem nú er að breytast í martröð. Og auðvitað vill Samfylkingin á Íslandi verða hluti af þeirri martröð.

Grískt greiðslufall óumflýjanlegt

Athugasemdir

[Sigurður Haraldsson, 28.10.2010 kl. 14:11]

Takk Páll fyrir þessa færslu nú er að fylgja því eftir og koma þessum landráðastjórnvöldum frá!

[Helga Kristjánsdóttir, 28.10.2010 kl. 15:03]

        Ef ykkar nyti ekki við!!!!! Til þjónustu reiðubúin, bíð eftir útkalli.

[Guðmundur Ásgeirsson, 28.10.2010 kl. 17:30]

Evran er bara pappírsgjaldmiðill og ekki innleysanleg í neinu nema meiri pappír, en verðgildi hennar hangir aðeins á loforði sem er þegar búið að svíkja.