Össur tekur menn í sófann sinn

Össur Skarphéðinsson utanríkisráðherra, já þessi sami og ætlar að aðlaga Ísland að vönduðum og gegnsæjum stjórnsýsluháttum ESB, vill síður hafa formlega fundi um alvörumál, skrifar helst ekki minnisblöð af slíkum fundum og er meira fyrir sófalega nánd en siðað málefnasamband.

Hér stuttur úrdráttur úr bráðskemmtilegri frétt af Visi.is þar sem Magma-málið og aðild Össurar er kannað meðal annars sagt frá fundum og tölvupóstum milli forkólfa Magma og ráðherra.

Einn þeirra er um fund Ross Beatys, forstjóra Magma og fleirum með Össuri. Þar lýsir Kristján, ráðuneytisstjóri, því í tölvupósti til Ásgeirs að best sé að þeir séu ekki of margir því Össuri líki best að „taka menn í sófann til sín." 

Í samanburði við Össur er Jón Gnarr alvarlega þenkjandi stjórnmálamaður.

Athugasemdir

[Ragnhildur Kolka, 26.8.2010 kl. 20:14]

Svona beint ofan í biskupsmálið hljómar þetta dálítið "grúsomm".

[Gunnar Rögnvaldsson, 26.8.2010 kl. 21:23]

Sófakommar sem sitja saman í sófa Össurar og telja ágóðann af hlutabréfa viðskiptum sínum eru mikilfenglega ömurleg sjón. Annar krepptur hnefinn er á lofti utanum nótnabók internationallans á sama tíma og hinn er krepptur utanum hagnaðinn af bréfdúfusendingum SPRON að handan. Þetta minnir mann óneitanlega á liðið á Nørrebro. Með múrstein í einni og tékkann frá ríkinu í hinni.