Baugur keypti opinbera umræðu

Jón Ásgeir Baugsstjóri keypti opinbera umræðu. Ekki nóg það heldur reyndi hann að breiða yfir nafn og númer gagngert til að blekkja almenning. Hann keypti Fréttablaðið árið 2002 í skálkaskjóli lögfræðings og Gunnars Smára Egilssonar ritstjóra.

Þegar Gunnar Smári birti ásakanir vorið 2003  um að Davíð Oddsson hafi sigað lögreglunni á Baug birti hann slitrur úr fundargerðum Baugs til að gera fréttina trúverðugri. Almenningur fékk ekki að vita fyrr en löngu seinna að Baugur ætti Fréttablaðið.

Blaðamenn sem ganga í þjónustu Baugs stunda ekki blaðamennsku heldur eru þeir almannatenglar. Þegar þeir í ofanálag leyna almenningi hverjir borga brúsann stunda þeir svikráð gegn almannahagsmunum.

Aldrei verið neitt launungarmál

Athugasemdir

[Guðmundur 2. Gunnarsson (IP-tala skráð) 30.7.2010 kl. 13:33]

Og blaðamaður ársins kannast ekkert við að Baugur hafi keypt hann.  Það var jú Birtíngur en ekki Baugur.  Sömu eigendur en það er of flókið fyrir blaðamann ársins að sjá nokkuð samhengi.  Enda ekki beint þekktur af því að smíða flóknustu samsæriskenningar án þess að leggja nokkrar sannanir fram máli sínu til stuðnings.  Ekkert treystir hann sér til að svara neinu um að hann þiggi laun frá auðrónanum við DV skrifin í dag.  Væri gaman að sjá launaseðlana.  Það hlýtur að vera sjálfsagt hjá blaðamanni ársins.

[Jón Valur Jensson, 30.7.2010 kl. 14:18]

Góður Páll að vanda! Þið ættuð að lesa umræðuna hjá Agli Helgasyni:

Þáttur Jóa Hauks

Svo má spyrja: Hvernig tekst Birni Inga Hrafnssyni að halda úti Pressunni (hann er eigandi hennar og var þar blaðamaður; hætti eftir útkomu Rannsóknarskýrslunnar), þar sem takmarkaðar auglýsingar eru á Pressunni? -- en hann er skv. tekjublaði DV í dag, bls. 10, undir millifyrirsögninni 'Fjölmiðlun', með 1.885.731 kr. í tekjur á mánuði árið 2009, tvöföld laun forsætisráðherra!

Heyrzt hefur, að ýmsir, m.a. Ólafur Arnarson, fái háar greiðslur fyrir skrif sín á Pressuna. Ekki veit ég hvaðan mánaðarlaun hans koma, en þau voru í fyrra 741.463 kr. (hann er efstur í hópi bloggara skv. sama DV-blaði, s. 15).

PS. Lára Hanna Einarsdóttir bloggari (og Brusselfari) er skv. sömu heimild með 379.340 kr. í mánaðarlaun.

[Guðmundur 2. Gunnarsson (IP-tala skráð) 30.7.2010 kl. 14:33]

Agli Helga þykir þetta ekki vera neitt tiltökumál.  Er hann með því að segja að hann sjálfur gangi erinda einhverra gegn greiðslu, eða að bjóða fram slíka þjónustu?

Agli minnir að það hafi ekki verið neitt leyndarmál að Baugsmenn sæju um 2 tíma þáttagerð á dag hjá Útvarpi Sögu á besta morguntíma, og það hafi verið tekið skýrt fram í hverjum þætti.  Þess minnist ég ekki, enda var umræða í þjóðfélaginu á þeim tíma um hvort að það gæti virkilega verið svo?

Engin svör hafa fengist um hverjir hafi nákvæmlega greitt Jóhanni laun til dagsins í dag, og hvað Reynir Traustason segir er ekki marktækt í umræðunni að gefnu hljóðuppteknu tilefni.

Jóhann hefur haft sérstakt lag að verja Baugsmenn og þeirra málefnum að stakri hörku og gegn skoðun mesta hluta þjóðarinnar, sem og Icesave hagsmunum Breta og Hollendinga gegn 98.2% þjóðinni sem er á allt annarri skoðun.  Baugspenni er blaðamaður ársins.  Hvað næst?

[Gunnlaugur I., 30.7.2010 kl. 15:56]

Jóhann Hauksson orðinn uppvís af því að hafa verið leigupenni Baugs liðsins.  Kemur ekki á óvart.

Hverjir kosta nú skrif þessa leigupenna Jóhanns Haukssonar ? 

Það kæmi mér ekki á óvart að þessi skæði leigupenni væri nú kostaður beint eða óbeint af áróðursmálaapparötum ESB elítunnar á Íslandi miðað við áróðurskenndar greinar hans og öfgafull skrif með ESB og með ICESAVE samningi og hatursfull skrif hans gegn okkur ESB andstæðingum. 

Leigupennar eiga aldrei skilið að verða kallaðir eða útnefndir stjörnu blaðamenn !

En vegna gulu stjarnanna á bláum fána ESB valdaelítunnar Þá vil ég helst eftirleiðis láta kalla þennan leigupenna og super ESB aftaníossa:

Hinn gulstjörnum prýdda leigupenna ESB trúboðsins á Íslandi !