Dýrafjörður og saumaklúbburinn í Brussel

Forsætisráðherra sagði í hátíðarávarpi Jón Sigurðsson þjóðfrelsismann fæddan við Dýrafjörð og eru það ný tíðindi þorra Íslendinga sem þóttust vita Jón í heim borinn á Hrafnseyri við Arnarfjörð. Ríkisstjórn Jóhönnu Sig. fær samþykkt á þjóðhátíðardag okkar að viðræður skulu hafnar um aðild að Evrópusambandinu.

Með mannvitsbrekku í stjórnarráðinu er komin skýring á því hvers vegna við erum að sækja um félagsskap í upplausn. Jóhanna Sig. heldur Evrópusambandið saumaklúbb sem býður í partý með ljósmyndatöku, ókeypis þjónustu túlka og alles. 

Nú falla öll vötn til Dýrafjarðar, segir í sögu sem Jóhanna Sig. þekkir ekki. Skilaboð sögunnar eru að forsætisráðherra kemst ekki heill úr leiðangrinum sem er án fyrirheits.

Samþykkt að hefja viðræður

Athugasemdir

[Árni Gunnarsson, 17.6.2010 kl. 15:58]

Ekki heyrði ég þessa ræðu, en ef saga þín er sönn þá hefur vesalings konan kvatt þetta embætti og væri ástæða til að kalla saman ríkisráðsfund til að staðfesta það.

Einhvers staðar verða að vera lágmörk í sjálfsmörkum forsætisráðherrans.

[Kristján Sigurður Kristjánsson, 17.6.2010 kl. 16:15]

Önnur kona, forseti náhirðarinnar, sagði Dýrafjörð heitinn eftir dýrunum.

[Helga Kristjánsdóttir, 17.6.2010 kl. 18:33]

     Sagan er sönn,bloggaði það  um leið og hún talaði.

[Sigurður Þorsteinsson, 17.6.2010 kl. 18:47]

Er það ekki þetta sem kallað er elliglöp. Jóhanna hættir strax og næsta pláss losnar á Grund.

[Gunnar Heiðarsson, 17.6.2010 kl. 19:46]

Það er von að fólk sem ekki kann sögu lands síns og þjóðar sé æst í að komast undir ægivald ESB.

Reyndar vil ég varla trúa því að Jóhanna, þó gömul sé, hafi samið þessa ræðu. Tel líklegra að ræðan sé samin af hinum dygga aðstoðarmanni hennar en sem kunnugt er eiga öll stórmenni rætur sínar að rekja til Brussel, að hans mati! Honum finnst minna máli skipta hvar einhverjir Íslendingar eru fæddir.

[Guðmundur 2. Gunnarsson (IP-tala skráð) 18.6.2010 kl. 00:24]

Tjaaa.... hún sagði alltént ekki að hann væri fæddur í Brussel, Belgíu.

[Helgi (IP-tala skráð) 18.6.2010 kl. 01:21]

Tja, er flugfreyjan fræga ekki bara jafn illa að sér í sögu eins og stjórnun lands og þjóðar?