Sérálit Jón Steinars styrkir úrskurðinn

Sérálit dómara vekja að jafnaði efasemdir um úrskurð réttar. Í þessu tilviki styrkir sérálit Jóns Steinars Gunnlaugssonar niðurstöðu Hæstaréttar. Sérálitið kippir stoðunum undan líklegustu málsvörn útrásarauðmannanna um að þeir verði fyrir einelti Davíðs Oddssonar og félaga - en Jón Steinar er þekktur vinur fyrrum forsætisráðherra.

Eftir úrskurð Hæstaréttar og séu fréttir um kyrrsetningu eigna auðmanna réttar er undanhald auðmanna staðfest. Auðmenn komast ekki lengur upp með að haga sér eins og þeir séu yfir lög og rétt hafnir. 

Kvörn réttvísinnar malar hægt en örugglega.

Gæsluvarðhald staðfest

Athugasemdir

[Ingibjörg Magnúsdóttir (IP-tala skráð) 10.5.2010 kl. 23:32]

Og hvað er þetta "sérálit" Jóns Steinars? Ef sérálitið er ekki gefið upp, hvernig geturðu staðhæft að það styrki gæsluvarðhaldsúrskurðinn???

Og ef dómari í hæstarétti er að dæma í þessu, þ.e. téður Jón Steinar Gunnlaugsson, vinur Davíðs Oddssonar, eins og þú bendir á, er þá ekki líklegt að téður Jón Steinar sé vanhæfur í þessu máli?

[Páll Vilhjálmsson, 10.5.2010 kl. 23:37]

Ingibjörg, mér er ekki kunnugt um aðild Davíðs að málinu. Ég vísaði aftur í samsæriskenningar málsvara útrásarauðmann og þú virðist staðfesta að þær lifa góðu lífi.

[Polli, 11.5.2010 kl. 00:36]

Páll Vilhjálmsson skrifar: "Sérálit dómara vekja að jafnaði efasemdir um úrskurð réttar. Í þessu tilviki styrkir sérálit Jóns Steinars Gunnlaugssonar niðurstöðu Hæstaréttar. Sérálitið kippir stoðunum undan líklegustu málsvörn útrásarauðmannanna um að þeir verði fyrir einelti Davíðs Oddssonar og félaga - en Jón Steinar er þekktur vinur fyrrum forsætisráðherra." Páll er hér að segja lesendum sínum að Jón Steinar starfi pólitískt í Hæstarétti. Er það ekki dásamlegt?

[Júlíus Björnsson, 11.5.2010 kl. 03:13]

Lögfræðingar hafa foritað sig í að gera mál flókin og spennandi og tefja á því græðir öll stéttin í heildina. Þetta er allt á tímakaupi. Nú er aftur á móti Alþjóðadómarastéttinn að fylgjast betur með en nokkurn tíma áður. Allar fjárfestingar í EU búnar.  

[Gunnar Heiðarsson, 11.5.2010 kl. 08:06]

Polli, þú ættir að lesa blogg Páls aftur, hann er einmitt að benda á þá staðreynd að sérálit Jóns Steinars kippi stoðum undan rökum efasemdarmanna um hlutleysi hæstaréttar.

Það þarf ekkert að velta sér upp úr hvert þetta sérálit er, spurningin sem lögð var fyrir hæstarétt var einföld; á að staðfesta gæsluvarðhaldsdóminn. Tveir dómarar sögðu já en einn sagði nei, svo einfalt er það.

[Þorgeir Ragnarsson (IP-tala skráð) 11.5.2010 kl. 09:48]

Ingibjörg, skilur þú ekki upphaflegu færsluna? Hvað er að þér?

Polli, glímir þú við sama vandamál?