Viðreisn skiptir daglega um skoðun: BFV-bandalagið

Í gær vildi Viðreisn ekki sitja í starfsstjórn fram að kosningum. Í dag er annað hljóð komið í strokkinn, víst vilja ráðherrar Viðreisnar sitja áfram eins lengi og sætt er.

Viðreisn er komin í hörkusamkeppni við Bjarta framtíð um að skipta um skoðun daglega, hvort sitja eigi í ríkisstjórn eða ekki.

Spurning hvort flokkarnir sameinist ekki. Nafnið er þegar komið. BFV: Bandalag fyrir vindhana.

Viðreisn verður í starfsstjórninni

Sekt í hönnuðu samhengi: lymska RÚV og játning Boga

Stjórnmálaumræðan snýst að stóru leyti um að hanna samhengi utan um sekt. Sumar ganga groddaralega til verks, eins og Smári McCarty Pírati sem flytur inn alræmdan breskan barnaníðing og klínir upp á Íslendinga; Sóley Tómasdóttir boðar að íþróttafélagið KR sé hæli barnaníðinga.

RÚV fer lúmska leið að hanna samhengi um sekt, skýlir sér á bakvið heimildir, stundum skáldaðar eins og í Sjanghæ-málinu. Jóhann Hlíðar fréttamaður hannar samhengi um sekt í hádegisfréttum. Hann býr til frétt um að formaður Sjálfstæðisflokksins eigi að segja af sér. Heimildirnar eru útlendir fjölmiðlar. Sem eins og allir vita eru sérfróðir um íslensk stjórnmál enda kunna þeir útlensku íslensku upp á sína tíu fingur.

Bogi Ágústsson er búinn að vera á RÚV síðan elstu menn muna. Hann segist uppgefinn á að útskýra fyrir erlendumm fjölmiðlamönnum íslensk stjórnmál. Sennilega vísar Bogi erlendum fjölmiðlamönnum á Smára Pírata og Sóleyju Tómasdóttir. Og svo flytur RÚV okkur fagnaðarerindið frá erlendu pressunni. Á RÚV kunna menn að hanna samhengi utan um sekt. Spyrjið bara veitingamannin á Sjanghæ á Akureyri.

 

 

 

 

 

Sóley í Vinstri grænum: KR-ingar barnaníðingar

Vinstri grænir ætla að keyra á barnaníði í kosningabaráttunni ef marka má færslu Sóleyjar Tómasdóttur fyrrum borgarfulltrúa flokksins. Hún skrifar:

Prinsippmennirnir í KR eru að hugsa um að hætta að spila í Hensongöllum. Nauðgarinn getur varla hugsað sér að versla við mann sem skrifaði meðmæli með barnaníðingi.

Með færslunni deilir hún frétt Stundarinnar um körfuboltamann úr KR sem fékk uppreisn æru eftir dóm fyrir kynferðisbrot.

Smári McCarty Pírati og stærðfræðingur lætur ekki sitt eftir liggja. Hann segir Ísland sitja uppi með Jimmy Savile-mál. Savile er þekktasti barnaníðingur Bretlands.

Framboðið af ásökunum um að þjóðin sé helsta miðstöð barnaníðinga á vesturlöndum sýnir glöggt hve vinstrimenn eru stoltir af öllu því sem íslenskt er.