Þjóðverjar öfunda Breta,- sem komast til Íslands

,,Elsku Bretar, við öfundum ykkur," segir á forsíðu útbreiddasta blaðs Þýskalands, Bild. Ástæða þýskrar öfundar er að Bretar klára sig betur, miklu betur, en Þjóðverjar í baráttunni gegn Kínaveirunni.

Munurinn er sá að Bretar standa utan Evrópusambandsins, kusu Brexit, en Þjóðverjar eru tjóðraðir við bákn sem lamar sjálfsbjörg og eyðir sjálfstæði. Bretar munu í vor og sumar aflétta farsóttarhömlum en Þjóðverjar verða veirusamfélag fram á haust.

Samfylkingarmaður í Bretlandi, sem líkt og sálufélagar hans á Íslandi þrífst á að formæla eigin þjóð, er með böggum hildar yfir ástandinu. ,,Ég þoli ekki að segja það en Bretlandi gengur vel," skrifar Ed Cumming í málgagn ESB-sinna, Guardian.

Breskir ferðamenn koma til Íslands í sumar. Eitthvað færra verður um þýska. Eins og segir í Heimssýnarbloggi: Fullveldi auðveldar viðskipti, skrifræði torveldar.

Íslandsstofa sækir fram í Bretlandi

RÚV: nauðgun er í lagi, símtal er glæpur

Trúnaðarmaður Pírata, útlendingar, var dæmdur fyrir nauðgun í vikunni. Nauðgun er alvarlegur glæpur og skyldi ætla að RÚV velti hverjum steini til að upplýsa hvernig og á hvaða forsendum útlenski nauðgarinn fékk landvist á Íslandi. Hver eru tengsl nauðgarans við þingflokk Pírata? 

Þá er nauðgunardómurinn tilefni til frétta um afbrotahneigð útlendinga á vesturlöndum, einkum þeirra útlendinga sem koma frá framandi menningarheinum. Tölfræði glæpa á Íslandi væri hægt að rýna í og kanna hlut útlendinga. Einnig er hægt að spyrja um ábyrgð lögfræðinga og þingflokka sem tryggja landvist misindismanna.

Nauðgunardómurinn, með öðrum orðum, gefur tilefni til raðfrétta á RÚV um nauðgunarmenningu.

En það er ekkert að frétta á Efstaleiti þegar kemur að ómenningu nauðgara.

Aftur býður RÚV upp á raðfréttir af símtali dómsmálaráðherra við lögreglustjóra og gerir sitt ítrasta að tortryggja símtalið.

Fréttaskilaboðin frá RÚV eru þau að nauðgun sé léttvæg en símtal glæpur.

Talsmenn glæpahópa á alþingi

Um leið og lögreglan fær styrk til að verja landið ásókn erlendra glæpagengja þarf almenningur að hafa auga með talsmönnum glæpahópa á alþingi.

Málpípur glæpavæðingar kynna sig ekki sem slíka. Þeir fara fjallabaksleið, tortryggja störf lögreglunnar annars vegar og hins vegar krefjast opinna landamæra til að misindismenn geti vaðið inn í landið á skítugum skónum.

Það stendur upp á alþingi að samþykkja lög með ótvíræðri heimild yfirvalda að vísa úr landi útlendingum sem setjast hér að til að stunda glæpi. Hvers vegna skyldi það ekki hafa verið gert?

Skera upp herör gegn glæpahópum

Glæpir, útlendingar og Píratar

Nú liggur fyrir dómur um að útlendingur á forræði Pírata nauðgaði konu og skal sitja í þrjú ár í fangelsi.

Reebar Abdi Mohammed 34 ára frá Kúrdistan er í tvennum skilningi á ábyrgð Pírata. Hann var virkur í flokksstarfi og Píratar öðrum flokkum fremur vill opin landamæri og taka á móti hverjum sem hingað kemur.

Reynsla nágrannaríkja okkar er að útlendingar fremja hlutfallslega fleiri glæpi en heimaaldir. Augljóst er að útlendingur er ekki skólaður og siðaður að háttum og siðvenjum nýrra heimkynna. Ef landamærin eru öllum opin er hætt við að misjafn sauður leynist í mörgu fé.

Píratanauðgarinn ætti að vera okkur áminning um að opin landamæri eru ávísun á aukna glæpi. 

Þrjú ár fyrir nauðgun á salerni skemmtistaðar

RÚV, Efling og sósíalisminn

Efling fékk RÚV í lið með sér að hanna leiktjöld fyrir frásögn um að á Íslandi tíðkaðist nútímaþrælahald. Aukaleikarar voru rúmenskir farandverkamenn en leikstjóri og aðalleikari Anna Sólveig formaður Eflingar.

RÚV lagði til ,,rannsóknablaðamennskuna" og auglýsti meint þrælahald á rúmensku aukaleikurunum á besta útsendingartíma. Hugmyndin var að Sólaveig Anna yrði ljóshærði sigurvegarinn í lok frásagnarinnar og steytti sósíalískan hnefann framan í íslensku borgarastéttina.

Málið fór fyrir héraðsdóm sem úrskurðaði að leikþáttur RÚV og Eflingar væri ekki í neinum tengslum við veruleikann. Líkt og sósíalisminn.

Segja Eflingu hafa farið sneypuför

Óreiða á alþingi - fækkum flokkum

Óreiða er á alþingi þar sem flokkarnir eru of margir. Engin þörf er á átta stjórnmálaflokkum, þrír til fjórir eru kappnóg.

Við ættum að nota tækifærið í haust og fækka flokkum á alþingi.

Ertu ekki sammála Björn Leví?

Segir menningu óskipulags á Alþingi

Íslensk menning, góðan daginn

Íslenska stendur höllum fæti í alþjóðaþorpinu þar sem flestir tala einhverja útlensku. Til skamms tíma hafði landinn litar sem engar áhyggjur af útreið tungumálsins í heimsþorpinu.

Opingáttarstefnu var fylgt í menningarmálum. Ekkert mátti skerða blessað frelsið sem átti að færa okkur hamingju, velsæld og gott ef ekki langlífi líka.

En nú ber svo við að fréttamiðlar sameinast í andófi gegn erlendum félagsmiðlum og sjónvarpsstöðvar gegn útlendum streymisveitum undir þeim formerkjum að frelsið sé allt íslenskt lifandi að drepa.

Erum við að tala um endurreisn íslenskrar menningar?

Undirverðlagning og ójafn leikur

Bretar græða á Brexit

Bretar munu vinna sig fyrr úr farsóttinni en meginlandsþjóðir Evrópu. Eftir að losna úr viðjum Evrópusambandsins - með Brexit - geta Breta tekið mið af aðstæðum heima fyrir og klárað sín mál án atbeina Brussel.

Yfir meginlandi Evrópu hvílir hrammur skrifræðisins í Brussel sem krefst að ein lausn miðstýrð skuli yfir alla ganga. Það er uppskrif af hörmungum, eins og nýfengin reynsla sýnir svart á hvítu.

Efnahagur Breta mun taka við sér eftir að bönd eru komin á Kínaveiruna. Á meginlandinu súpa menn seyðið af ráðstjórn embættismanna sem ekki eru í neinum tengslum við evrópskan almenning.

Lífsgæðin eigi eftir að batna til muna

Biden vill stöðva eigin falsfrétt

Joe Biden fékk forsetaembættið út á meint mistök Trump að hefta Kínaveiruna. Kosningabarátta Biden gekk öll út á að gera Trump ábyrgan fyrir farsóttinni.

Núna stendur Biden yfir líkum 500 þúsund Bandaríkjamanna og segir:

Við verðum að hætta þess­um átök­um og fals­frétt­um sem hafa sundrað fjöl­skyld­um og sam­fé­lög­um.

Jamm. Bragð er að þá Biden-barnið finnur.

Sorgmæddur yfir dauðsföllum af völdum Covid-19

Vottorð til að ferðast milli landa

Vegabréf var til skamms tíma nægilegt ,,vottorð" til að komast á milli landa. Raunar var vegabréfið á útleið í Evrópu, sbr. Schengen-samstarfið. En nú þurfa þeir sem ferðast á milli landa að framvísa vottorði um að vera ekki smitberar Kínaveirunnar.

Enginn veit hve lengi farsóttin varir. Í sögulegu samhengi er viðmiðið tvö ár. Svarti dauði á 15. öld geisaði í tvö ár hérlendis, en rauk upp í kviðum á 14. öld í Evrópu. Spænska veikin eftir lok fyrri heimsstyrjaldar var um tveggja ára faraldur.

Við erum hálfnuð með farsóttina um þessar mundir. Hún gæti styst vegna bólusetningar. Kannski að rekunum verði kastað á hana síðsumars eða í haust. 

En það er ekki víst að hægt verði að ferðast milli landa án vottorðs, þótt farsótt linni. Sé tekið með í reikninginn að faraldur eins og Kínaveiran nánast lokar samfélögum er ósennilegt að landamæri verði opnuð á gátt í bráð.

Voru ekki og verða ekki beittir sektum