Íslandi býðst fríverslun í stað EES

Aðalsamningamaður Evrópusambandsins við Bretland, Michel Barnier, segir fríverslunarsamning við Bretland ekki koma til greina þar sem Bretar séu of stór samkeppnisþjóð ESB og of nálægt meginlandinu.

Bretar höfðu farið fram á fríverslunarsamning við ESB á sömu forsendum og Kanada.

Ísland, sem er í viðjum EES-samningsins, á hér tækifæri. Ísland er ekki samkeppnisþjóð ESB og liggur nokkru fjarri evrópska meginlandinu. Þar með uppfyllir Ísland skilyrði fyrir fríverslunarsamning við ESB.

Gulli utanríkis hlýtur að senda sína menn til Brussel að leggja drög að fríverslun við ESB og koma okkur af klafa EES-samningsins.

 

Sósíalistar hatast við menntafólk

,,Er menntafólk óvinurinn?", spyr Helga Vala þingmaður Samfylkingar í Moggagrein.

Já, segir framkvæmdastjóri Eflingar og talar með fyrirlitningu um að það séu ,,ein­hverj­ir há­skóla­nem­ar að safna sér fyr­ir heims­reis­um" þegar hann ræðir um háskólamenntaða starfsmenn leikskóla.

Þegar sósíalistar skilgreina ,,stéttaóvini" er hyggilegt að hafa varann á og gæta að sér - fái sossarnir völd í samfélaginu.

Orð Dags „blaut tuska“ í andlit Eflingarfólks

RÚV í Grétulandi

RÚV segir frá vaxandi fjölda sem efast um manngert veðurfar. Fyrirsögn er eins hlutdræg og verða má: ,,Fjölgar í hópi þeirra sem afneita loftslagsvísindum". 

Virtir vísindamenn trúa ekki á manngert veðurfar. Sumir þeirra, eins og Judith Curry og Roy Spencer, halda útí heimasíðum þar sem fjallað er um loftslagsbreytingar á yfirvegaðan hátt.

Aðrir, eins og Richard Lindzen og John Christy, tala á fundum og ráðstefnum sem endurbirtir eru á youtube.

Fyrir skömmu skrifuðu 700 vísindamenn og sérfræðingar undir skjal þar sem áróðri um manngert veður og loftslagsvá er mótmælt.

Höfundur fréttarinnar á RÚV, Sigríður Dögg Auðunsdóttir, segir virta loftslagsvísindamenn ,,afneita loftslagsvísindum" þegar þeir stunda vísindi sín í stað þess að krjúpa á kné fyrir Grétu Thunberg. Er Sigríður Dögg í aukavinnu hjá Vinstri grænum?

Falsfréttaráðherra kvartar: skortur á trúgirni

Æ fleiri Íslendingar hafna trú á manngert veður. Karlar á aldrinum 45 til 66 ára eru sérstaklega tortryggnir.

Guðmundur umhverfisráðherra kvartar sáran undan skorti á trúgirni á manngert veður.

Eðlilega, völd og áhrif Vinstri grænna eru háð trúarbrögðum um að maðurinn stjórni veðurfari jarðarinnar - þegar heilbrigð skynsemi og reynslurök segja annað.

Hefur áhyggjur af falsfréttum

Börn eru manngerð, ekki veðurfar

Framtíð barna er að verða fullorðin. Bernskan rjátlast ekki af sumum þótt æviárunum fjölgi. Ævintýri æskunnar, til dæmis um ofurmátt eða himnaríki og helvíti, er lifandi veruleiki fólks sem ætti að vita betur.

Vinsælt ævintýri fullorðinna þessi misserin er trúin á manngert veðurfar. Í ævintýrinu er veðurfar á jörðinni stöðugt þangað til mannskepnan kom til sögunnar og fiktaði í hitastiginu sem hafði verið óbreytt í 4,6 milljarða ára eða allan líftíma jarðarinnar.

Prestar í ævintýrinu, kallaðir sérfræðingar, boða heimsendi ef maðurinn hverfur ekki frá illskunni, þ.e. nútíma lífsháttum. Í bjartri nýrri veröld er eitt alheimsríki sérfræðinga er halda  hitastigi jarðar við kjörhita. Þeir kenna að gagnrýnin hugsun dragi fólk á tálar. Hvítt er svart og svart hvítt segja sérfræðingarnir og senda þessi skilaboð: 

Til að verja börn kalla skýrslu­höf­und­ar eft­ir nýrri alþjóðlegri hreyf­ingu sem drif­in verði áfram fyr­ir börn og leggja m.a. áherslu á að stöðva verði los­un kolt­ví­sýr­ings, að leyfa þurfi rödd­um barna að heyr­ast...

Nú heitir það ekki lengur að börnin komi til föðurins heldur að foreldrarnir krjúpi fyrir barninu sem leitt af presti - sérfræðingi - sem allt veit en þó ekki neitt.  

Erum að bregðast börnunum

Logi með 2,1 m.kr. á mánuði, Dagur með 2,2 m.kr

Logi Einarsson er með 2,1 milljón kr. á mánuði, skv. heimasíðu alþingis. Áður hefur komið fram að Dagur borgarstjóri sé með 2,2 milljónir á mánuði.

Logi segir að þeir tveir hátekjukarlarnir séu sammála um að hækka beri lægstu launin.

Hvað hafa Logi og Dagur gert til að lækka sin laun, svo að meira verði til skiptanna fyrir lægri tekjuhópa?

Svaraðu nú Logi þessari einföldu spurningu, áður en þú gasprar meira um launamál.

Logi telur sig og Dag sammála

Allir græða á verkfalli Eflingar

Verkfall Eflingar eykur félagsauð. Fólk þarf að finna börnum sínum samastað, vinir og ættingjar hjálpa til. Verkfallið gerir fólk meðvitaðra um neyslu þegar þarf sjálft að farga heimilissorpinu. 

Ónæmiskerfi samfélagsins styrkist við áreitni sósíalistanna í Eflingu. Sósíalísk hrollvekja er nær en margan grunar. Verkfallið er áminning um að Venesúela-Ísland er ekki fjarlægur möguleiki.

Og nú kemur á daginn að digrir verkfallssjóðir greiða hærri bætur en nemur launataxta.

Verkfall Eflingar ætti að standa sem lengst, launþegum og íbúum höfuðborgarinnar til hagsældar.

Fær meira í verkfalli en fyrir vinnuna

RÚV játar falsfrétt

RÚV viðurkennir falsfrétt um að Samherji hafi greitt mútur til að fá fiskveiðiheimildir í Namibíu. Í yfirlýsingu RÚV segir:

Fréttastofa RÚV telur rétt að leiðrétta fullyrðingu í frétt um þróunaraðstoð og spillingu sem birtist á fimmtudag þar sem sagt var að Samherji hefði aflað sér kvóta með því að múta embættismönnum í Namibíu og vísað til umfjöllunar Kveiks.

RÚV kann ekki greinarmuninn á ásökun og sekt. Segir allt sem segja þarf um fagmennskuna á Efstaleiti.

Krefja RÚV um afsökun og áskilja sér rétt til kæru

Vestræn angist, elítan og endurreisn þjóðríkisins

Westlessness er orð á nýafstaðinni öryggisráðstefnu í München í Þýskalandi. Merking orðsins er vestræn angist, eins og sjá má í umfjöllun Guardian.

Eftir fall Sovétríkjanna 1991 varð vestrænt frjálslyndi ráðandi hugmyndafræði. Bók Francis Fukuyama, Endalok sögunnar, var höfð til marks um endanlegan sigur vestrænnar samfélagsgerðar.

Vestræna frjálslyndið var í raun dulklædd síðnýlendustefna. Öflugustu ríki og ríkjasamtök veraldar, Bandaríkin og Evrópusambandið, reyndu hvað þau gátu til að þvinga fram sína hagsmuni og hugmyndafræði á aðskiljanleg ríki. Afganistan, Írak, Úkraína, Sýrland og Líbýa fengu á sig ýmist fullveðja innrásir eða skipulega tilraun til ríkisstjórnaskipta. Rússland var sett í vestræna einangrun - fyrir að spila ekki með.

Síðnýlendustefnan varð almenningi á vesturlöndum þungbær. Stórfelldur útflutningur á störfum bjó til nýja stétt áhrifalausra fátæklinga. Enn stórfelldari innflutningur á útlendingum með framandi menningu rauf samheldni vestrænna samfélaga.

Árið 2016 urðu vatnaskil. Trump var kjörinn forseti Bandaríkjanna og Bretar samþykktu úrsögn úr ESB, Brexit.

Pólitísk gróska er í umræðu íhaldsmanna, sjá t.d. viðtal við Michael Lind aðildarlýðræði. Síðnýlenduelítan fyllist angist yfir horfnum tíma þegar ein hugmyndafræði átti sviðið og boðaði fagra nýja veröld frjálslyndra vinstrimanna.

 

Sósíalistar gegn samfélaginu

Lífskjarasamningar á síðasta ári voru í þágu friðar á vinnumarkaði. Sósíalistar í Eflingu gefa lítið fyrir samfélagsfriðinn.

,,...þá trúi ég því jafn­framt að við mun­um hafa bet­ur í þess­um slag,“ seg­ir Sól­veig Anna formaður Eflingar í viðtengdri frétt.

Ófriður, slagsmál er framtíðarsýn sósíalista.

„Trúi því að við munum hafa betur“