Sunnudagur, 27. desember 2020
Dóttir RÚV-ara, Siða-Sunna, vill verða guðmóðir
Dóttir fréttamanns RÚV, Ævars Arnar Jósepssonar, Þórhildur Sunna, vill verða guðmóðir minnihlutastjórnar sem hún á ekki aðild að. Til þess fær hún aðalfréttatíma RÚV.
Samstarfsmaður föður Siða-Sunnu er Höskuldur Kári Schram. Hann líkir formanni Sjálfstæðisflokksins við nasista í hádeginu og í kvöldfréttum kynnir hann þungaða guðmóður.
Siða-Sunna krefur aðra um gegnsæi, auðmýkt og ábyrgð en felur starfsstöð föður síns. Í æviágripi þingmannsins segir aðeins um föður þingmannsins: ,,Ævar Örn Jósepsson (fæddur 25. ágúst 1963) fréttamaður og rithöfundur". RÚV spilar með og birtir ekki starfsmannalista.
Alþjóð fær sem sagt ekki að vita um fréttahönnun RÚV, hverjir standa að baki og í þágu hvaða hagsmuna raðfréttir eru framleiddar.
Er ekki tímabært að RÚV kynni dagskrárliðinn ,,Fjölskylduhagsmunir starfsmanna og metnaður þeirra til valda og áhrifa í samfélaginu"? Útsendingartími gæti verið á eftir Krakkafréttum RÚV.
Píratar bjóðast til að styðja minnihlutastjórn | |
Tilkynna um óviðeigandi tengingu við frétt |
Dægurmál | Breytt s.d. kl. 10:13 | Slóð | Facebook | Athugasemdir (3)
Laugardagur, 26. desember 2020
Illgirni á Efstaleiti
RÚV býr til frétt gagngert til að tengja formann Sjálfstæðisflokksins við nasistakveðju sem einhver ónefndur, líkast til fullur, hafði í frammi gagnvart lögreglu í eða við samkvæmi sem Bjarni sótti.
Sekt með samlíkingu, heitir þessi aðferð sem aðeins illgjarnir, fordómafullur og fram úr hófi ófaglegir blaðamenn stunda.
Fréttin er skrifuð undir yfirskini hlutleysis en er sóðaleg holræsablaðamennska.
Gróa á Efstaleiti verður sífellt ósvífnari.
Dægurmál | Breytt s.d. kl. 16:42 | Slóð | Facebook | Athugasemdir (2)
Laugardagur, 26. desember 2020
Pólitísk réttvísi í Evrópu - Spanó og Villi
Evrópusambandið á það sökótt við stjórnvöld í Póllandi og Ungverjalandi að þau þykja ekki fylgja nógu frjálslyndri réttarfarspólitík. Í eftirmálum uppgjörs við kommúnisma fara sumar Austur-Evrópuþjóðir leiðir sem falla ekki í kramið í Brussel.
MDE-dómstóllinn er virkjaður í þágu ESB gegn Pólverjum og Ungverjum. Í þessu andrúmslofti neytti Róbert Spanó færis að koma höggi á íslenskt réttarfar þar sem í hlut átti Villi stjörnulögmaður og æskuvinur Spanó. Um dómgreind Spanó þarf ekki að fjölyrða; hann er gistivinur Erdógan mannréttindaböðuls í Tyrklandi.
Landsréttarmálið snerist um hvort nýr dómstóll yrði með jafnt hlutfall karla og kvenna eða karllægur. Þar fór alþingi gegn áliti dómnefndar á fullkomlega málefnalegum forsendum. Þeir sem halda öðru fram eru í pólitík og er andskotans sama um réttarríkið.
Ekki efni til viðbragða eftir dóm MDE | |
Tilkynna um óviðeigandi tengingu við frétt |
Dægurmál | Breytt s.d. kl. 12:04 | Slóð | Facebook | Athugasemdir (4)
Föstudagur, 25. desember 2020
Lögregluæfing í sorg og depurð
Lögreglan er komin í hlutverk sálnahirðis sem raunmæddur leiðbeinir villuráfandi í kófinu og brýnir til sóttvarna. Uppljóstrar eru á hverju strái sem rapportera ólögmætar samkomur þeirra syndugu.
Siðabrot eru samviskusamlega skráð í löggufréttir dagsins sem verða fóður i einelti á samfélagsmiðlum - iðulega með stuðningi fjölmiðla.
Eftir því sem best er vitað sinnir lögreglan starfi sinu af mannúð og sanngirni. Lögreglan ber ekki ábyrgð á eineltinu þótt hún skaffi fóðrið.
Við sem keppumst við að styðja yfirvöld í sóttvörnum verðum þó að vekja athygli á að ekki er heppilegt að lögreglan útvíkki starfssvið sitt og taki að sér sálgæslu samfélagsins og úrskurði í fréttum hverjir séu verðugir og hverjir óverðugir. Við erum mörg Víðir.
Lögreglan þarf að standast freistingu fjölmiðla, uppljóstrara og virkra í athugasemdum að útvega sökudólga til þjóna lund rétttrúnaðarins.
Kófið er undantekningarástand. Í slíku ástandi skríða undan steini miður geðþekkar kenndir mannssálarinnar. Sérhver sálnahirðir ætti að vera meðvitaður um það.
Ég skil þetta bara ekki | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (1)
Föstudagur, 25. desember 2020
Trúarlíf í kófinu, guð og mannasetningar
Sumum er sáluhjálp að ganga til kirkju. Ekki síst á fæðingardegi frelsarans. Þrátt fyrir mannasetningar, lög og reglur, um að í kófi skuli gæta sóttvarna er vel skiljanlegt að fólk sæki messu á aðfangadag jóla og hugsi minna um kjötheima en þess meira um eilífðina.
Í kjötheimi ræður RÚV ríkjum. Trútt sinni köllun, sem er andstyggð á öllu sæmilegu, hlýtur Efstaleiti að skipuleggja ofsóknir á hendur þeim kirkjuræknu.
Landsmenn bíða með óþreyju eftir raðfréttum pólitíska rétttrúnaðarins um þá samfélagslegu ógn er stafar af trúuðum kristnum á aðfangadegi jóla.
Lögreglan taldi 120-130 manns í kirkju | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (5)
Fimmtudagur, 24. desember 2020
Bjarni bjargar jólunum á Efstaleiti
RÚV sá í gegnum fingur sér þegar Svandís heilbrigðis klúðraði bólusetningu þjóðarinnar. En nú er kátt í höllinni á Efstaleiti.
Raðfréttir af kortérinu sem Bjarni Ben. eyddi í samkvæmi sem fleiri en tíu manns sóttu.
RÚV fékk óvænta jólasteik.
Brot af því besta á Twitter | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (0)
Fimmtudagur, 24. desember 2020
Kjánalegt hjá Bjarna, ekkert meira
Fjármálaráðherra stakk inn nefinu í einkapartí sem fór fram úr leyfilegum fjölda m.v. sóttvarnarreglur. Kjánalegt af Bjarna.
En ekkert meira en það.
Pólitískir andstæðingar gera sér mat úr partístandinu. Maður bíður eftir því að Þorgerður Katrín stígi á stokk full vandlætingar.
Hefði átt að yfirgefa listasafnið strax | |
Tilkynna um óviðeigandi tengingu við frétt |
Fimmtudagur, 24. desember 2020
Ónefndur ráðherra í vondum málum
Engin gleðileg jól hjá ónefndum ráðherra sem ratar í löggufréttir vegna ,,ólöglegs" samkvæmis.
Að slepptri athugasemdinni um nasistakveðju til lögreglunnar og viðveru ráðherra er þetta giska falleg frétt um landa okkar að skemmta sér í kófinu á fremur ábyrgðalausan hátt. Fólk að faðmast undir áhrifum er, þrátt fyrir allt, fallegur siður Íslendinga.
Kennari í Njarðvík skrifar eftirfarandi spurningu á samfélagsmiðil: ,,Þarf ekki að fara að mæla greindarvísitöluna hjá fólki áður en það fær úthlutað ráðherraembætti?"
Fyrir hádegi á aðfangadag ætti viðkomandi ráðherra að stíga fram og gera grein fyrir máli sinu. Í kvöld fögnum við fæðingu frelsarans. Við viljum hugsa hlýlega til yfirvaldsins og finna til með breyskleika mannanna. Óupplýstir og ólögmætir gleðileikir skulu ekki trufla friðinn á stærstu hátíð kristinna manna.
Háttvirtur ráðherra í ólöglegu samkvæmi | |
Tilkynna um óviðeigandi tengingu við frétt |
Dægurmál | Breytt s.d. kl. 09:36 | Slóð | Facebook | Athugasemdir (6)
Miðvikudagur, 23. desember 2020
Helgi kynnir 3 flokka vinstristjórn
Auðmaðurinn Helgi Magnússon, sem rekur bæði Fréttablaðið og Viðreisn, kynnir þriggja flokka ríkisstjórn vinstrimanna til sögunnar í frétt um skoðanakönnun. Orðalag Helgaútgáfunnar er þetta:
Þeir þrír flokkar sem hafa verið nokkuð samstíga í stjórnarandstöðu, Samfylking, Viðreisn og Píratar, bæta við sig í heildina. Höfðu 41,1 prósent í september en 42,8 nú.
Miðflokkurinn er, samkvæmt fyrirsögn, helsta hindrunin í vegi þriggja flokka vinstristjórnar.
Könnunin er forsíðuuppsláttur Helgaútgáfu. Myndskreytingin er þriggja dálka mynd af sorgmæddri Katrínu forsætis að faðma kjósanda á Austurlandi, höfuðvígi Miðflokksins. Táknmál fréttar og myndar segir að forsætisráðherra sé miður sín yfir stöðu Miðflokksins.
Minnsta fylgi Miðflokksins frá Klausturmáli | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (7)
Þriðjudagur, 22. desember 2020
Al-Thani, sekt og skömm
Al-Thani málið var tilraun yfirstjórnenda Kaupþings að ljúga til sín arabískan milljarðamæring, sem málið heitir eftir, í því skyni að féfletta íslenskan almenning kortéri fyrir hrun.
Plottið var þetta: látum Íslendinga halda að Al-Thani kaupi hlutafé fyrir milljarða í Kaupþingi og þá getum við logið til okkar aðra milljarða frá löndum okkar. Þetta var gert og yfirstjórnendur Kaupþings komu fram í fjölmiðlum og tilkynntu hróðugir hlutafjársölu til arabíska milljarðamæringsins.
Eftir hrun kom á daginn að At-Thani keypti ekki fyrir krónu í Kaupþingi og Kaupþingspésum var stefnt fyrir dóm.
Þeir félagar Ragnar H. Hall og Gestur Jónsson voru verjendur Kaupþingsmanna. Málið var gjörtapað en Gestur og Ragnar vildu kaupa tíma. Líklega biðu þeir eftir seinni hingaðkomu Mammons til að hvítþvo þá syndugu. Ragnar og Gestur mættu ekki til þinghalds og réttarhöldum var frestað.
Bíræfni lögmannanna leiddi til sektar sem þeir kölluðu refsingu og áfrýjuðu til Evrópu.
Niðurstaða liggur fyrir. Refsing er staðfest. Um skömmina þarf ekki að fjölyrða. Hún var öllum augljós.
MDE vísar frá máli Gests og Ragnars | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (2)