Flóttabörn á fimmtugsaldri

Sum ,,flóttabörn" sem koma til Svíþjóðar eru í raun fertug, segir sænskur barnalæknir. Það er siðlaust að rannsaka ekki aldur meintra flóttabarna þar sem fullorðnir karlmenn taka til sín fjármuni og stuðning sem ætlaður er börnum, skrifar læknirinn Josef  Milerad í sænskt fagrit lækna.

Fjölmiðlar í Svíþjóð taka málið upp og vekja athygli á að allt að 40$ meintra flóttabarna er koma til Svíþjóðar gefa upp rangan aldur. Fullorðnir karlmenn stela til sín bjargráðum fyrir börn.

Milerad læknir segir marga starfsfélaga sína ekki þora að tjá sig um málið af ótta við að fá á sig ásakanir um útlendingahatur.

Börn, neteinelti og siðleysi

Ljótar fréttir berast af einelti barna á netinu, þar sem börn eru bæði gerendur og þolendur. Netið er opinber vettvangur sem erfitt er að henda reiður á enda með óteljandi kimum.

Því miður fer æ stærri hluti af lífi barna fram á vettvangi netsins, bæði mælt í tíma og áhuga.

Netheimar eru siðlausari en raunheimur. Svo dæmi sé tekið af fullorðnum er ólíklegt að þeir sem harðast ganga fram í athugasemdum á netinu myndu láta á sér kræla á opnum fundum. Sófahugrekki með tölvuna í fanginu er annað en að standa frammi fyrir þeim sem maður á vantalað við.

Börn eru sökum aldurs enn ómeðvitaðri en fullorðnir á afleiðingar orða sinna þegar þau eru sett á netið.

Það hlýtur að vera lýðheilsumál að greina hver staða barna er í netheimum.

Haturssíður gegn börnum algengar á TikTok

Pútín tryllir salinn með eldflauga-brandara

Drónaárásin á Sádí-Arabíu gaf Pútín Rússlandsforseta tilefni til háðsglósu á blaðamannafundi með Erdogan Tyrkjasoldáni, afsakið, forseta Tyrkja og forseta Íran.

- Rússar eru tilbúnir að selja Sádum eldflaugar sem varist geta hverskyns árásum á land þeirra, sagði sá rússneski.

Blaðamannafundurinn var haldinn í Tyrklandi, sem er Nató-land en kaupir eldflaugavarir frá Rússum. Íran er jafnframt skjólstæðingur Rússa. Héralegir Sádar eru aftur nánustu bandamenn Bandaríkjanna í múslímaheiminum, þrátt fyrir að skaffa bæði bin Laden og tilræðismennina á tvíburaturnana.

Clinton, Bush og Obama gerðu tvenn afdrifarík utanríkispólitísk eftir kalda stríðið. Rússland var meðhöndlað eins og ómerkilegt smáríki og breyta átti múslímaríkum fyrir botni Miðjarðarhafs í leppríki: Írak, Líbýa og Sýrland. Allt fór í hönk. Kostnaðurinn var þúsundir mannslífa, stjórnlaus samfélög, ógrynni fjár og flóttamannabylgja sem skekur grunnstoðir Evrópu.

Salurinn hló með Pútín. Á kostnað Bandaríkjanna.  

Segja skotstað flauganna vera fundinn

Eitt heimsríki, ein mannréttindi og gott veðurfar, takk

Snjallt hjá mannréttindasamtökum að veita Loftslags-Grétu verðlaun með þeim rökum að nú „ógn­ar ham­fara­hlýn­un veru manna á jörðinni og án mann­kyns eru eng­in mann­rétt­indi.“

Rökleg afleiðing af trú á manngert veður er að eitt heimsríki tryggi veðursæld á öllu byggðu bóli. Höfuðstöðvarnar yrðu vitanlega í New York, til að tryggja efnahagslegt réttlæti, og mannréttindaskrifstofan í Mekka, Sádí-Arabíu, myndi sjá um jafnræði kynjanna og ólíkra trúarbragða.

Þeir sem enn eru með öllum mjalla taka eftir felufréttum um að helsti höfundur kenningarinnar um manngert veðurfar, Michael Mann, er afhjúpaður sem svindlari fyrir dómstólum en hafði áður verið negldur fyrir vísindafúsk í heimi akademíunnar.

Og það snjóar snemma í hlýlandi Loftslags-Grétu. En hey, frosin ofankoma þegar enn á að heita síðsumar er sönnun á manngerðri hlýnun. Því hvítt er svart.

Thunberg samviskusendiherra Amnesty

Er Douglas Murray boðið í Hörpu?

Íslandsvinurinn Douglas Murray fjallar um metoo-byltinguna í nýrri bók sem vekur alþjóðlega athygli.

Verður Íslandsvinurinn í Hörpu að ræða málin?

Fólk streymir til landsins á #MeToo-ráðstefnu

Bretlandi er stjórnað af ESB

Evrópusambandið á nógu marga stuðningsmenn í Bretlandi til að hafa úrslitaáhrif á bresk innanríkismál.

Breskir stuðningsmenn ESB eyðilögðu blaðamannafund forsætisráðherra Bretlands í Lúxemborg og sigri hrósandi ráðherra smáríkisins sýndi autt ræðupúlt Johonson sem vitnisburð um niðurlægingu gamla heimsveldisins.

Meðferð ESB á Bretum auglýsir fyrir alþjóð að Brussel-klúbburinn er stórhættulegur félagsskapur.

Lét Boris Johnson heyra það

Þórður á Kjarnanum: rasismi að gera kröfu um íslensku

Jón Magnússon lögmaður setti fram það sjónarmið að útlendingar ættu að læra íslensku. Óðara sakaði Þórður Snær ritstjóri Kjarnans Jón um rasisma.

Í endursögn Eyjunnar er vitnað í Þórð: ,,Erlendum ríkisborgurum hefur fjölgað um 26.244. En rasismi spyr ekki um staðreyndir."

Flestir útlendingar sem hingað koma eru hvítir Austur-Evrópubúar. Að kenna það við kynþáttaníð að þeir læri íslensku er langsótt. Í kynþáttafræðum eru Íslendingar og Pólverjar sama kynið.

En góða fólkið lætur ekki staðreyndir aftra sér frá formælingum um mann og annan.

 

Áslaug A. og lægra suðumark óánægju

Áslaug Arna er dómsmálaráðherra eftir að tókst að framkalla óánægju með störf forvera hennar, Sigríðar Á Andersen. Núna sýður í óánægjuröddum með ríkislögreglustjóra og Áslaug Arna kallar hann á teppið.

Suðumark óánægju lækkar hin síðari ár. Tvær skýringar eru nærtækar, önnur almenn en hin sértæk. Almenna skýringin er sú að til muna er auðveldara en áður að koma óánægjunni á framfær. Fjölmiðlar birta gagnrýnislaust allt sem að þeim er rétt og kalla það fréttir. Samfélagsmiðlar margfalda áhrif falsfréttanna.

Sértækari skýringin er að með hruninu tapaðist tiltrú á stjórnvöld. Í andrúmslofti vantrausts er auðvelt er að magna upp óánægju og spila á þá mannlegu kennd að eyru fýsir illt að heyra. Og þegar einhver tapar stöðu sinni en annar sem fær. Áslaug Arna ætti að vita það manna best.

Ríkislögreglustjóramálið er prófsteinn á ráðherradóm Áslaugar Örnu. Ef hún gefur eftir hannaðri óánægju festir hún sig í sessi sem samfylkingarráðherra.  

Ræddu opinskátt um stöðu lögreglunnar

Vopnahlé í orkupakkamálinu, Björn, ekki uppgjöf

3. orkupakki ESB var samþykktur á alþingi fyrir tveim vikum. Andstæðingar tölu orkupakkann fela í sér framsal fullveldis og veita ESB íhlutunarrétt í íslensk mál, s.s. hvort sæstrengur skyldi lagður.

Stuðningsmenn orkupakkans töldu hann vera smámál, tæknilegt útfærsluatriði. 

Reynslan leiðir í ljós hvorir hafi rétt fyrir sér. ESB-ríkin samþykktu orkupakka þrjú fyrir tíu árum. Belgía fékk á sig málssókn í sumar fyrir að innleiða orkupakkann ekki rétt. Tíu ára reynslutími er eðlilegt viðmið.

Björn Bjarnason er sá maður utan alþingis og ríkisstjórnar sem ötulast barðist fyrir orkupakkanum. Í pistli segir hann engar umræður um orkusakkan á flokksráðsfundi Sjálfstæðisflokksins til marks um að andstaðan við pakkann hafi verið stormur í vatnsglasi.

Ekki er það svo, Björn. Hættan á erlendri ásælni í náttúruauðlindir Íslands eru fyrir hendi og orkupakkann fremur hvetur en letur fjárfesta. Við skulum sjá hvernig raforkumálum þjóðarinnar reiðir af næstu árin.

Mótsagnir í skólastefnu: fjölbreytileiki er aðgreining

Skóli án aðgreiningar er stefna um að allir, burtséð frá heilbrigði, félagslegum aðstæðum,  getu og hæfileikum fái sömu skólagöngu frá leikskóla í framhaldsskóla. Skóli fjölbreytileikans, á hinn bóginn, leggur áherslu á hve ólíkir nemendur eru að upplagi og fái atlæti til samræmis við aðgreininguna.

Í ítarlegu viðtali við Gunnlaug Magnús­son, lektor við há­skól­ann í Upp­söl­um, svífur yfir vötnum sú hugsun að skólinn ,,búti til" þessa eða hina gerðina af fólki og skuli gera það í nafni mótsagnakenndrar hugmyndafræði, sbr. skóla án aðgreiningar og skóla fjölbreytileikans.

En skólinn býr ekki til fólk. Leikskólakrakkar eru í öllum útgáfum og útskrifast úr framhaldsskóla í um það bil sömu útgáfum 14-16 árum síðar. Þekking og mannsbragur sem fólk tileinkar sér á þessu aldursskeiði umbreytir ekki einstaklingum, heldur þroskar. 

Á skólagöngunni menntast nemendur í námsgreinum sem að stórum hluta eru sígildar og byggja á lestri og reikningi. Samhliða skólasókn þroskast nemendur með fjölskyldum sínum, í vinahópum, íþrótta- og tómstundastarfi og á vinnumarkaði þegar þeir eldast.

Enginn veit hlutföll menntunar og þroska sem börn og unglingar sækja í ólíka iðju. Það liggur raunar í augum uppi að hver og einn lærir sem hann hefur vit og vilja til. Hvort heldur við uppvaskið heima, á knattspyrnuvellinum, á afgreiðslukassa í stórmarkaði, í skátunum eða heimspekiklúbbnum. Og vonandi eitthvað smávegis í skólanum.

Menntun, skólaganga, er gerð að vandamáli af fólki sem hugsar skólann í samhengi við þá tísku í uppeldisfræðum sem hverju sinni er uppi á pallborðinu í háskólum. Í lok síðustu aldar var það skóli án aðgreiningar en núna fjölbreytileiki. Afleiðingin er mótsögn sem leggur lamandi hönd á skólastarf.

Við ættum að leggja félagsfræðihugtökin til hliðar, þau eru hvort eð er seinni tíma tilbúningur. Menntun og menning, aftur, eru með okkur frá árdögum. Menning, sagði Þorsteinn Gylfason, er að gera hlutina vel. Og þannig á skólamenning að vera.