Fimmtudagur, 25. apríl 2019
Pútín býr til réttindi, er fordæmdur - hvers vegna?
Rússland breiðir út faðminn og býður íbúum Austur-Úkraínu, sem flestir eru rússneskumælandi, að gerast rússneskir ríkisborgarar, standi vilji einstaklinganna til þess. ESB fordæmir rússneskan velvilja og kallar velgjörðina ,,árás á fullveldi Úkraínu".
Dokum við. Ef Ísland byði Færeyingum ríkisfang með hraði yrði það árás á frændur okkar? Trauðla.
Munurinn á okkur og Færeyingum annars vegar og hinsvegar Rússum og Úkraínumönnum er landamæri. Eyjar hafa skýr landmæri en þjóðríki á meginlandi ekki.
Ef nógu margir Úkraínumenn gerast rússneskir ríkisborgarar eignast Rússland landakröfurétt á Úkraínu. Alveg eins og Danir áttu landakröfurétt í Norður-Þýskalandi vegna þess að íbúar þar voru dönskumælandi. Landamærin voru flutt þegar Þjóðverjar stóðu veikir og aumir eftir fyrra stríð.
Úkraína er veikt og aumt. Evrópusambandið með stuðningi Obama-stjórnarinnar í Bandaríkjunum vildi véla landið inn í Nató og ESB í óþökk Rússa sem töldu öryggishagsmunum sínum ógnað. Afleiðingin varð borgarastríð sem ekki sér fyrir endann á.
Úkraínudeilan er gamaldags valdatogstreita á meginlandi Evrópu. Prísum okkur sæl að eiga ekki aðild að þeim vandræðum.
ESB fordæmir vegabréfaákvörðun Rússa | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (3)
Fimmtudagur, 25. apríl 2019
Guðlaugur grátbroslegur og rökþrota
Fyrst átti að innleiða 3. orkupakkann vegna þess að hann skipti engu máli, kæmi í rauninni Íslandi ekki við. Núna eru rökin þau að 3. orkupakkinn sé sjálf undirstaða EES-samningsins, Ísland verði Kúba norðursins ef við veitum pakkanum ekki viðtöku.
Síðasta röksemdin, í boði utanríkisráðherra, er að andstæðingar orkupakkans séu haldnir ,,erlendri einangrunarstefnu."
Humm, Gulli, þeir sem vilja að Íslendingar haldi forræðinu yfir raforkunni eru sem sagt í viðjum erlendra hagsmuna?
Er ekki kominn tími til að tengja við veruleikann, Gulli, og viðurkenna að 3. orkupakkinn er dautt hross sem ekki verður lamið til lífs?
Varaði við erlendri einangrunarhyggju | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (3)
Fimmtudagur, 25. apríl 2019
Gréta og hvíta hugmyndafræðin
Sænska stúlkan Gréta Thunberg er eftirsóttur viðmælandi heimsleiðtoga. Gréta er heimsendaspámaður sem kennir að syndugur maðurinn sé albúin að útrýma jörðinni með dísil- og bensínvélum.
Gréta er aðeins 16 ára og ekki nokkur möguleiki að hún hafi stúderað lofslagsvísindi á eigin forsendum. Hún er einfaldlega of ung. Gréta fór sömu leið og margur aðgerðasinninn sem gleypir hrátt kenningar pólitískra háskólamanna um að til sé eitthvað sem heitir manngert veðurfar.
Ein ástæða vinsælda Grétu er ungur aldur stúlkunnar og sakleysisleg ásjóna sem skín hvít á milli hárfléttu á hvorum vanga.
Menning okkar er ginnkeypt fyrir trúarvingli sé því fléttað saman við sakleysi. Á þeim grunni eru reist stórveldi. Á nýöld lögðu Evrópumenn undir sig heimsálfur í nafni Hvíta-Krists.
Sakleysi og lífsspeki er máttugt stef. Við viljum trúa að til sé eitthvað sem heitir vegurinn, sannleikurinn og lífið. En að láta fífla okkur með dómsdagsrugli um manngert veðurfar er svo langsótt að það þarf sextán ára sænska stúlku til að auglýsa trúgirnina.
Dægurmál | Slóð | Facebook | Athugasemdir (5)
Miðvikudagur, 24. apríl 2019
Lífskjör eru meira en laun
Atvinnurekendur, verkalýðshreyfingin lönduðu kjarasamningum með aðstoð ríkisvaldsins og tryggðu þar með frið á vinnumarkaði næstu 3 árin.
Lífskjarasamningarnir svonefndu snúast einum um laun og ráðstafanir ríkisvaldsins sem meta má til launa.
En lífskjör eru meira en laun. Samfélagsfriður er lífskjör. Sátt um meginskipuleg samfélagsins er lífskjör. Róttæklingarnar í verkó mættu hafa þetta í huga.
Lífskjarasamningurinn samþykktur | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (0)
Miðvikudagur, 24. apríl 2019
Sýrlensk, ekki kristin?
Látið er því liggja í viðtengdri frétt að Sýrlendingar séu höfundar að frumgerð Frúarkirkjunnar í París, Notre Dame. Lesa þarf langt inn í fréttina til að komast að því að byggingin í Sýrlandi er rómversk og kristin.
Einhver viðkvæmni virðist vera fyrir kristni. Fórnarlömbin í sprengjuárásinni á Sri Lanka eru sagðir ,,páskadýrkendur" en ekki kristnir.
Viðkvæmnin stafar af vestrænu sjálfshatri sem fylgir fjölmenningunni. Boðskapurinn er að allt vestrænt og kristið sé ómerkilegt á meðan hlaðið er undir framandi menningu.
Fyrirmynd Notre Dame er sýrlensk | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (4)
Þriðjudagur, 23. apríl 2019
90% áhugaleysi á sósíalisma
Innan við tíu prósent þátttaka í atkvæðagreiðslu um kjarasamning Eflingar sýnir 90 prósent áhugaleysi. Formaður Eflingar sagði kjarasamninginn, sem fékk viðskeytið lífskjör, vera vopnahlé milli sósíalísks verkalýðs og auðvaldsins.
Nei, Sólveig Anna og félagar, það er ekkert stéttastríð nema í huga ykkar. Launþegar nenna einfaldlega ekki sósíalisma.
Síðasta hrina kjarasamninga, sem verkföllum og samfélagslegu tjóni, sýnir gjaldþrot fyrirkomulags sem mótaðist fyrir meira en mannsaldri.
Verkalýðshreyfingin er fangi fortíðarkerfis sem leyfir fámennri klíku að innheimta með þvingunum félagsgjöld af saklausum launþegum sem engan áhuga hafa á pólitísku brölti verkalýðsrekenda.
Öfgarnar í verkó og algert umboðsleysi forystunnar kallar á uppstokkun þess fyrirkomulags sem ríkir á vinnumarkaði. Afnema verður forréttindi sem verkalýðsfélög njóta með skylduaðild launþega að verkalýðsfélögum.
Þátttakan er allt of léleg | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (3)
Þriðjudagur, 23. apríl 2019
Sigmundur Davíð, Helgi Hrafn og þjóðarhagsmunir
Sigmundur Davíð skilgreinir þjóðarhagsmuni út frá forræði yfir orkuauðlindum:
Orkan er undirstaða fyrir því að við erum sjálfstæð þjóð. Þjóð sem getur skapað atvinnu útum land og tryggt búsetu. Evrópu er alveg saman. Sambandið sem stofnað var um frið snýst um völd yfir auðlindum.
Helgi Hrafn Pírati skilgreinir þjóðarhagsmuni í Morgunblaðsgrein í dag og segir að mestu máli skipti að almenningur komist úr landi:
Eina ástæðan fyrir því að það meikar yfirhöfuð nokkurt sens fyrir ungt fólk að vera á Íslandi er góðar tengingar við umheiminn, bæði hvað varðar samskipti, viðskipti og ferðafrelsi.
Í máli þingmannanna kemur fram gagnólíkur skilningur á þjóðarhagsmunum. Sigmundur Davíð leggur áherslu á undirstöðuna en Helgi Hrafn efast um að þjóðin nenni að vera íslensk.
Menn ýmist stækka eða smækka með orðum sínum.
Dægurmál | Slóð | Facebook | Athugasemdir (9)
Mánudagur, 22. apríl 2019
Hrunið, siðferðið, orkupakkinn og Sigurður Ingi
Eftir hrun voru settar fram ýmsar hugmyndir að fénýta gæði lands og þjóðar. Á alþingi voru ræddar hugmyndir um að selja íslenskan ríkisborgararétt og leyfa spilavíti. Einnig komu fram tillögur að selja rafmang til útlanda með sæstreng.
Svo óheppilega vildi til að Evrópusambandið var í sama mund að móta orkustefnu sem síðar varð orkusamband. Í gegnum EES-samninginn tók Ísland upp frumdrög ESB að orkusambandi, þ.e. orkupakka 1 og 2. Ekki lá fyrir á þeim tíma að framsal á forræði yfir orkuauðlindum okkar væri í farvatninu. En einmitt svona vinnur ESB, tekur völd til sín jafnt og þétt.
Þegar þriðji orkupakkinn lítur dagsins ljós er orðið augljóst hvert stefnir. Til að Ísland geti selt raforku til Evrópu verðum við að framelja valdið yfir rástöfun orkunnar til ESB. Út á það gengur orkusamband ESB.
Hér verður ekki bæði sleppt og haldið. Annað tveggja verðum við að ganga í orkusamband ESB, og samþykkja að yfirvald orkumála verði í Brussel, eða standa utan orkusambandsins. Deilan um 3. orkupakka ESB stendur um einmitt þetta lykilatriði.
Sigurður Ingi Jóhannesson formaður Framsóknarflokksins dregur skarpar ályktanir af umræðunni um 3. orkupakkann:
Segja má að umræður um orkupakkann séu hatrammar. Er það að mörgu leyti skiljanlegt enda um eitt af fjöreggjum íslensku þjóðarinnar að ræða og líklega sú auðlind sem á eftir að skipta mestu máli fyrir lífsgæði komandi kynslóða. Það er því mikilvægt að leitað sé sáttar og niðurstöðu sem almenningur trúir og treystir að gæti hagsmuna þjóðarinnar í bráð og lengd.
Þótt ríflega áratugur sé liðinn frá hruni þá hefur þjóðin ekki gleymt. Sárin eru ekki gróin. Stofnanir samfélagsins, stjórnmál og stjórnsýsla, hafa ekki endurheimt traust almennings. Fólk hefur auk þess horft upp á tilhneigingu Evrópusambandsins að taka sér stöðu með fjármála- og viðskiptavaldinu gegn lýðræðinu eins og við kynntumst í Icesave-málinu og sést einnig vel í ofbeldiskenndri framkomu Evrópusambandsins gagnvart grísku þjóðinni. Það er því ekki skrýtið að íslenskur almenningur vilji hafa varan á þegar kemur að samskiptum við þetta stóra veldi sem er reyndar draumaland einstaka stjórnmálahreyfinga hér á Íslandi.
Þetta er hárrétt greining hjá Sigurði Inga: þjóðin vill hafa varann á gagnvart ESB. Umræða síðustu vikna sýnir svart á hvítu að víðtæk og almenn andstaða er við innleiðingu 3. orkupakka ESB. Það er ábyrgðarhluti af stjórnvöldum að taka ekki mark á þessari gagnrýni.
Dægurmál | Slóð | Facebook | Athugasemdir (7)
Mánudagur, 22. apríl 2019
ÍSAM með markaðsfingurbrjót ársins
ÍSAM sagði í tilkynningu að vörur fyrirtækisins myndu hækka ef kjarasamningar yrðu samþykktir. Orðalagið gaf til kynna að launafólk væri ábyrgt.
Alla páskana kepptist fólk við að deila þeim skilaboðum á samfélagsmiðlum að kaupa ekki vörur ÍSAM.
ÍSAM dregur í land en biðst ekki afsökunar. Það hefði verið stórmannlegra.
Ekki hótun hjá ÍSAM | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (0)
Sunnudagur, 21. apríl 2019
Kirkjuleg heimsendaspámennska
Ef heimsendir er í nánd hættir fólk að haga sér eins og ábyrgir einstaklingar. Kortéri í ragnarök finnst engum taka því að halda siðum og gildum sem áður þótti sjálfsagt.
Það er ábyrgðarhluti af biskupi Íslands að stökkva á vagn afsiðunarsinna sem mála skrattann á vegginn og boða heimsendi ef við göngum ekki í pólitísku rétttrúnaðarkirkjuna.
Þegar biskupinn talar eins og forstöðumaður sértrúarsafnaðar er tímabært af leggja niður þjóðkirkjuna.
Verðum að breyta um lífsstíl | |
Tilkynna um óviðeigandi tengingu við frétt |