Sósíalistar án veruleika

Sólveig Anna sósíalisti og formaður Eflingar segir blátt áfram að laun séu ekki háð afkomu fyrirtækja.

Sósíalistar eru tvöfaldir í roðinu. Þeir afneita veruleikanum þegar það hentar en bera fyrir sig lög og rétt þess á milli.

Í reynd treysta sósíalistar á að allir aðrir en þeir sjálfir fari eftir viðurkenndum reglum. Ástæðulaust er að láta þá veruleikafirrtu komast upp með tvöfeldnina.


mbl.is Tóm vitleysa eða ósköp eðlilegt?
Tilkynna um óviðeigandi tengingu við frétt

WOW-reikningur

Lánadrottnar WOW, mínus Isavia, ætla að breyta 15 milljarða kr. skuld í hlutafé og fá 49% eignarhlut í félaginu, segir í RÚV.

Samkvæmt þeirri reikningsaðferð er WOW liðlega 30 milljarða kr. virði. Gott og vel.

Í frétt mbl.is, sjá viðtengingu, segir aftur að nýir fjárfestar muni kaupa 51 prósent af félaginu fyrir fimm milljarða króna. Samkvæmt frétt mbl.is er WOW 10 milljarða kr. virði.

Mismunur á verðmati mbl.is og RÚV á WOW er 20 milljarðar króna. Fjárhæðin er eitthvað aðeins meira en smáaurar á milli vina.

Vonandi tekst einkaaðilum að bjarga WOW frá gjaldþroti. Það væri besta niðurstaðan að félagið héldi áfram rekstri sem yrði sjálfbær.

En miðað við þá útreikninga sem settir eru á flot þarf að kíkja aðeins betur á tölurnar og finna út hvað er froða og hvað er verðmæti.

 

 


mbl.is WOW nær samkomulagi við kröfuhafa
Tilkynna um óviðeigandi tengingu við frétt

Kjaraviðræðum ber að fresta

Fall WOW ónýtir allar hagspár og setur atvinnurekstur í uppnám. Í gær frestuðu aðilar vinnumarkaðarins fundum til að fylgjast með framvindu WOW.

Ekki er nokkur vinnandi vegur að sjá fram á hver áhrif af falli WOW verða. Á meðan er tilgangslaust að gera kjarasamninga og enn vitlausara að efna til verkfalla gagnvart atvinnugrein sem nú þegar er á hnjánum.

Ef kjaraviðræður halda áfram á meðan óvissuástandið ríkir eru aðilar vinnumarkaðarins í raun að segja að staða og horfur atvinnulífsins eru aukaatriði þegar samið er um kaup og kjör.

Kjaraviðræðum ber að fresta fram á haust og verkalýðsfélögin ættu að afturkalla verkföll á stundinni.


mbl.is Fyrirhuguð verkföll á næstunni
Tilkynna um óviðeigandi tengingu við frétt

Hótelin í höndum sósíalista - tóm

,,Hótelin í okkar höndum" er slagorð Eflingar í skæruverkföllum gegn ferðaþjónustunni. Yfirvofandi samdráttur mun tæma sum hótel.

Tóm hótel þurfa ekki starfsfólk.

Sósíalistar hafa ekki enn fattað einföld sannindi: til að greiða laun þarf tekjur.


mbl.is Barátta óháð kapítalískum fyrirtækjum
Tilkynna um óviðeigandi tengingu við frétt

Búið er að afskrifa WOW

WOW flutti erlenda ferðamenn til Íslands og Íslendinga til útlanda undir kostnaðarverði. Félagið er 20 milljarða króna í mínus. Á meðan eldsneytisverð hélst lágt og straumur ferðamanna jókst stöðugt var hægt að safna skuldum og stækka.

Ekki lengur. Rekstur WOW er ósjálfbær. 

WOW-ævintýrinu er lokið.


mbl.is Yrði að sjálfsögðu högg
Tilkynna um óviðeigandi tengingu við frétt

Orkupakkinn markaðsvæðir rafmagn og náttúru Íslands

Í dag var tilkynnt um kaup erlends fjárfestingasjóðs í HS Orku - fyrir litla 37 milljarða króna. Fyrir fimm dögum var frétt um innlenda fjárfesta að kaupa sig inn á raforkumarkaðinn.

Þriðji orkupakki ESB markaðsvæðir íslenskt rafmagn og þar með náttúru Íslands. Um leið og stórir peningar einkafjárfesta eru komnir í spilið verður þrýstingur að hámarka arðsemina.

Það þýðir að rafstrengur verður lagður til Evrópu að selja íslenskt rafmagn til að einkaaðilar fái sem mestan arð af fjárfestingunni. Spurningin er ekki hvort heldur hvenær.

Það er með öllu óskiljanlegt að flokkur eins og Vinstri grænir, sem í einu orðinu þykjast standa fyrir samneyslu og náttúruvernd, skuli hafa forgöngu um mestu markaðsvæðingu Íslandssögunnar frá einkavæðingu bankanna.

Eru vítin ekki til að varast?


WOW, verkföll, alþjóðakreppa - allt rautt

Verðfall varð á íslenskum hlutabréfum í morgun og krónan veiktist. Úti í stórum heimi alþjóðaviðskipta ríkir svartsýni. WOW-vandræðin setja ferðaþjónustuna á Fróni í uppnám og sósíalistar hóta að knésetja það sem eftir stendur af ferðaiðnaðinum.

Allt þegar þrennt er.

Svo er líka skítaveður úti.


mbl.is Mikil lækkun á mörkuðum
Tilkynna um óviðeigandi tengingu við frétt

Góða fólkið tryggir Trump endurkjör 2020

Samsæriskenningin um að Pútín Rússlandsforseti stæði á bakvið kjör Trump til forseta Bandaríkjanna 2016 er hrunin. Góða fólkið trúði kenningunni eins og nýju neti í þrjú á og batt vonir við að Trump yrði dæmdur frá embætti.

Helstu andstæðingar Trump, Demókrataflokkuirnn og stærstu fjölmiðlar vestan hafs, fá á sig mikið högg þegar fjárfestingin í rússasamsærinu tapast öll. Tiltrú almennings hverfur og var þó ekki úr háum söðli að falla. 

Demókratar og fjölmiðlaandstæðingar Trump munu ekki ná vopnum sínum í bráð. Gatan er greið fyrir endurkjör Trump 2020.


mbl.is Áttu ekki óeðlileg samskipti við Rússa
Tilkynna um óviðeigandi tengingu við frétt

Kaupþing 2008, WOW 2019

Stjórnvöld létu gabbast 2008 og reyndu að bjarga glötuðum banka, Kaupþingi, með láni. WOW reyndi sama leikinn 2019 en mistókst. Menn læra, líka stjórnvöld.

Fyrirsjáanlegt gjaldþrot WOW er högg, en það þjónar litlum tilgangi að fleygja góðum peningum í botnlausa hít.

WOW gekk vel á meðan vöxtur var í ferðaþjónustunni, rétt eins og Kaupþing var rekstarhæfur banki á meðan fékkst ódýrt lánsfé.

WOW flutti farþega til og frá landinu á undirverði. Ósjálfbær rekstur fer í þrot fyrr heldur en seinna. WOW-thinking er óskhyggja sem þolir ekki dagsljós veruleikans.

 


mbl.is Funduðu með ráðgjafa Íslands í hruninu
Tilkynna um óviðeigandi tengingu við frétt

Öfgar, hatursorðræða og pólitík

Ef hópur kvenna gengur berbrjósta í miðborg vestræns ríkis myndi sumum þykja það ósiðlegt en fáir ef nokkrir kenna athæfið við öfga. Aftur ef sami atburður yrði í miðborg múslímaríkis myndu margir viðstaddir telja atvikið til öfga og bregðast hart við.

Berbrjósta konur eru ekki öfgar á vesturlöndum vegna þess að þar er frjálslynd hefð fyrir ólíkri tjáningu. Í múslímaríkjum er önnur hefð og íhaldssamari. Konur eiga helst að fela sig á bakvið búrku og láta eiginmanninn, föður eða bróður um að koma fram fyrir sig á opinberum vettvangi. Berbrjósta kona yrði líkast til grýtt til dauða.

Sagt með öðrum orðum: það sem er viðurkennt í einu samfélagi telst til öfga í öðru samfélagi. Ef múslímsk viðhorf til kvenna yrðu tekin upp á vesturlöndum myndum við kenna þau við kvenfyrirlitningu og öfga.

Múslímaríki viðurkenna ekki mannréttindasáttmála Sameinuðu þjóðanna. Múslímaríkin standa að réttindaskrá, Kairó-yfirlýsingunni, sem veitir körlum forræði yfir konum, sbr. grein 6 b.

Hatursorðræða er vestrænt hugtak, iðulega notað um þá sem gjalda varhug við að framandi siðir, t.d. kvenfyrirlitning, séu fluttir inn til frjálslyndra vesturlanda. Kvenfyrirlitning kemur með trúarmenningu múslíma sem setja konur óæðri bekk en karla.

Þeir sem beita hugtakinu hatursorðræðu á pólitíska andstæðinga sina, samanber hér að ofan, eru í raun að lýsa yfir andstyggð á eigin menningu. Ef sótt er að menningu samfélags, og ekki gripið til varnar, eru dagar þeirrar menningar senn taldir. Sjálfsvörn er ekki hatur.

 


« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband