Engin lög betri en ólög - öfugt hlutfall magns og gæða

Hárrétt hjá Birgi Ármannssyni þingmanni að magn og gæði fylgjast ekki að í störfum löggjafans. Oft er hlutfallið öfugt; fleiri lög en minni gæði.

Stjórnarandstöðuþingmenn hljóta að geta fundið sér eitthvað til dundurs. Til dæmis að útskýra fyrir sjálfum sér, og þjóðinni í framhaldi, hvers vegna sé þörf á 5 flokkum í stjórnarandstöðu.

Gæði stjórnarandstöðunnar eru einmitt í öfugu hlutfalli við fjölda flokka. Miðflokkurinn er sá eini sem vinnur að fækkun flokka á alþingi, með sameiningu við hálfan þingflokk Flokks fólksins. 

„Er þessi ríkisstjórn hætt störfum?“

Lífsgæði mæld í atvinnuleysi og mínútum

Lífskjarasamningarnir styttu vinnuvikuna. Útfærslan var látin eftir vinnumarkaðnum. Fréttir af útfærslunni hljóma svona:

algengasta útfærslan var að stytta einn vinnudag vikunnar um 45 mínútur en 43% fyrirtækjanna tóku þann kost í samráði við starfsfólkið.

Ein leið til að mæla lífsgæði er sjálfsagt tíminn sem maður er ekki í vinnunni. Sumir, aftur á móti, þrífast svo vel í vinnunni að minni viðvera skerðir lífsgæði þeirra.

Alvarlegra í frétt Viðskiptablaðsins er að

um 36% fyrirtækja í Félagi atvinnurekenda sem svöruðu könnun félagsins þess efnis hafa þurft að segja upp fólki til að mæta hækkun launakostnaðar vegna kjarasamninganna sem gerðir voru síðastliðið vor.

Víst er að atvinnuleysi eykur ekki lífsgæði. 

 

 

Íslenskir Tenerife-farar gæti að sér

Íslendingar nýkomnir frá Tenerife ættu að fara varlega í morgunsárið á meðan enn er óupplýst nákvæmlega hvar Ítalinn dvaldi sem virðist hafa tekið kórónuveiruna til eyjanna.

Það er ekki of varlega farið þegar bráðasmit er annars vegar.

Greindist með kórónuveiruna á Tenerife

Samkennd gegn sósíalísku rusli

Eflingarsósíalismi eykur rusl og óreiðu. Almennir borgarar tína upp sósíalíska ruslið á götum og torgum og skipuleggur sorphreinsun í íbúðarhverfum.

Sósíalískt tilræði við lífskjör almennings rennur út í sandinn enda nægt félagslegt auðmagn til að ganga að vísu þegar herská og ósvífin verkalýðselíta herjar á samfélagið.

Nú þarf að láta kné fylgja kviði og bjóða Eflingarsósíalistum lífskjarasamninga og ekki krónu umfram.

Ruslið flæðir upp úr tunnunum

Sósíalísk martröð á mánudegi

Allar tölur eru rauðar á hlutabréfamarkaði í morgunsárið. Óvenju margir selja hlutabréfin sín og veltutölur eru til muna hærri en á venjulegum mánudegi. Á gjaldeyrismarkaði hríðfellur krónan.

Þeir sem sýsla með peninga átta sig á að sósíalistarnir í Eflingu gefa tóninn í herskárri verkalýðsbaráttu þar sem markmiðið er að fleyja krónunni á verðbólgubálið.

Góðæri í áratug endar í sósíalískri óreiðu. Spikfeit alþýðan er á leið í venesúelska megrun. 

 

Mesta hækkun launavísitölu í 8 mánuði

Litlu mafíurnar og heimatilbúnar hamfarir

Verkalýðsfélög á Íslandi eru litlar mafíur sem reglulega taka í gíslingu velferð og heilsufar þjóðarinnar. Mafíurnar standa fyrir viðvarandi Sturlungaöld á vinnumarkaði þar sem hégómi og fordild fárra bitnar á almenningi.

Ósvífni mafíósanna vex í réttu hlutfalli við stöðu þeirra til að valda sem mestum skaða.

Fyrirhugað verkfall sjúkraliða er grafalvarlegt mál sem kemur niður á viðkvæmu heilbrigðiskerfi sem þolir litlar breytingar.

Tilvitnunin er höfð eftir einum foringjanum sem kalt og yfirvegað ætlar að tefla heilsufari samborgara sinna í tvísýnu.

Á bakvið foringjana standa fámennir öfgahópar. Forysta Eflingar náði kjöri í kosningum þar sem 8 prósent, já átta prósent, félagsmanna tók þátt.

Löngu tímabært er að almannavaldið, alþingi, grípi í taumana og tryggi samfélagsfriðinn. Með lögum mætti setja skorður við mafíustarfseminni. Til dæmis að allir heilbrigðisstarfsmenn, sem vinna fyrir ríkið, skuli vera í einu stéttafélagi. Til dæmis að bannað verði að einstök verkalýðsfélög einoki heilar starfsgreinar og afnema þá skyldu launþega að greiða félagsgjöld til mafíunnar.

Súrefnið sem litlu mafíurnar þrífast á er umburðalyndi. Það er þrotið.

 

Grafalvarleg staða uppi

Sósíalisti gerir Trump að miðjumanni

Bernei Sanders sigraði Clinton-Obama demókrata í forvalinu í Nevada. Verði Sanders frambjóðandi Demókrataflokksins í haust stendur valið á milli sósíalista og Trump.

Í pólitík skilgreina öfgarnar miðjua. Ef Sanders hlýtur útnefningu er Donald Trump orðinn hófstilltur miðjumaður í bandarískum stjórnmálum.

Frjálslyndir vinstrimenn fengu taugaáfall þegar Trump náði kjöri 2016 og útmáluðu hann sem öfgamann lengst til hægri. Í haust gæti Trump orðið frambjóðandi miðjunnar. Þökk sé yfirgengilegum viðbrögðum frjálslyndra vinstrimanna fyrir fjórum árum.

Sameiginlegt Sanders og Trump er að báðir höfða til hvítu millistéttarinnar. Og jú, hvorugur er unglamb, Trump 72 ára og Sanders 78. 

 

 

Sanders vann stórsigur

Eru múslímar rasistar?

Múslímar fremja reglulega hryðjuverk á vesturlöndum. Í múslímaríkjum er mjög þrengt að öðrum trúarsöfnuðum; víða eru kristnir ofsóttir.

Þeir múslímar sem búa á vesturlöndum gera sér far um að aðgreina sig frá samborgurum sínum með klæðaburði og siðum, t.d. með skipulegu misrétti gagnvart konum.

Eru múslímar þar með rasistar? Eða bara kvenhatarar?

Hryðjuverkamenn „eru yfirleitt múslimar“

Pútín fær guðlegan mátt

Pútín Rússlandsforseti gerði Trump að starfsbróður sínum árið 2016, staðhæfðu frjálslyndir vinstrimenn og reyndu að sanna með þingrannsókn. Fjórum árum síðar er sá rússneski enn á ferðinni og ætlar að gera sósíalistann Bernie Sanders að forseta.

Fyrr á tíð var það forsjónin eða guðleg máttarvöld sem létu skringilega hluti gerast, hvort sem það var óvæntur sigur í orustu eða ófyrirséð niðurstöða í pólitík. Í vestrænni veraldarhyggju samtímans er ekkert rými fyrir æðri máttarvöld.

Ósagt fyrsta boðorð veraldarhyggju er að mannlegar skýringar séu á öllum breytingum. Krafan verður afdráttarlausari eftir því sem breytingarnar eru stórkostlegri.

Sigur Trump 2016 markaði vatnaskil. Beri sósíalisti sigur úr býtum 2020 yrðu það enn meiri tíðindi.

Pútín hlýtur að standa á bakvið umbyltingar í stærsta og voldugasta lýðræðisríki veraldar. Líklega ber sá rússneski einnig ábyrgð á hamfarahlýnun jarðar.

 

Sagði Rússum að halda sig fjarri kosningunum

Ísland flytur inn evrópsk vandamál - vottorð fyrst, svo sæstrengur

Á pappírunum er Ísland orkusóði. Við framleiðum - á pappírunum - orku úr kjarnorku og kolum. Allir heilvita vita að svo er ekki. En ESB-pappírar segja annað; Ísland er orkusóði.

Raforkufyrirtæki á Íslandi græða á þessum pappírum. Þeir selja vottorð, sem eru enn aðrir pappírar, til fyrirtækja í Evrópu um að íslensk raforka komi við sögu í starfseminni. En það fer engin íslensk raforka til Evrópu, bara pappírar.

Samorka græðir á þessum siðlausu viðskiptum. Réttlætingin er þessi: ,,Kerfið var sett á lagg­irn­ar til þess að stuðla að auknu vægi end­ur­nýj­an­legr­ar orku í Evr­ópu."

Sjá menn ekki skriftina á veggnum? Við seljum vottorð til Evrópu um að fyrirtæki í álfunni noti íslenskt rafmagn.

Fyrr heldur en seinna verður sagt í Brussel: þið Íslendingar, sem seljið evrópsk vottorð um íslenska orku á meginlandi Evrópu verðið að gjöra svo vel að tengja veruleikann við vottorðin - MEÐ SÆSTRENG.

Í boði þingmanna Sjálfstæðisflokksins var 3. orkupakki ESB illu heilli samþykktur á alþingi á síðasta ári. Það þýðir að laga- og regluverkið fyrir sæstreng er komið í íslensk lög.

Sjaldan hafa jafn fáir gert þjóðinni jafn mikinn skaða. 

 

„Eru ekki að kaupa sér syndaaflausn“