Þórhildur Pírati hótar Helga Seljan og RÚV

Þórhildur Sunna Ævarsdóttir þingmaður Pírata segir á alþingi að Ísland ætti að taka sér Namibíu til fyrirmyndar í stjórnarháttum. Þingmaðurinn gefur yfirlýsinguna í sömu mund og fréttist af brottrekstri fréttamannsins Vita Angula frá systurstofnun RÚV í Namibíu, NAMPA.

Ekki er hægt að skilja orð Þórhildar á annan veg en að hér sé um hótun að ræða. Annað hvort starfi Helgi Seljan og aðrir RÚV-arar eftir forskrift ráðandi afla eða þeir missi vinnuna.

Nokkuð bratt, Þórhildur Sunna, nokkuð bratt.

Ættum að taka Namibíu til fyrirmyndar

Stöð 2 á bláþræði, RÚV á ríkisgrunni

Fréttastofa Stöðvar 2/Bylgjunnar hangir á bláþræði, segir Viljinn. Það liggur fyrir 

að fjölmiðlafyrirtækin hér á landi glíma við mjög erfið rekstrarskilyrði, gegndarlausan taprekstur og mega því ekki við miklum áföllum — sérstaklega ekki í aðdraganda jólanna þegar auglýsingatekjur eru þó með mesta móti.

Nema, auðvitað, RÚV sem er með áskrift að ríkisfé. 

Sérstaða RÚV er lítt rædd í fjölmiðlum. Stétt blaðamanna er fámenn, menn eiga vini og kunningja á Efstaleiti, og eru kannski með liggjandi starfsumsókn um ríkistryggðar launagreiðslur.

„Mikil gremja í fólki“

Samherji Sjálfstæðisflokknum dýrkeyptur

Sjálfstæðisflokkurinn tapar mestu á Samherjamálinu. Í aðdraganda Kveiks-þáttarins hagaði Samherji sér eins og ríki í ríkinu, ætlaði sér að koma seðlabankastjóra Jóhönnustjórnarinnar, Má Guðmundssyni, í fangelsi. Már vann sér það til óhelgi að rannsaka gjaldeyrisviðskipti Samherja. Látið var eins og útgerðin ætti landið og miðin með þjóðina sem leiguliða er ætti hvorki að æmta né skræmta heldur hlýða.

Áhrifamenn í Sjálfstæðisflokknum létu sér vel líka að Samherji léti höggin dynja á þeirri stofnun sem vakir yfir velferð krónunnar og þar með efnahagslegu sjálfstæði þjóðarinnar. Það fer ekki vel á því að norðlenskir útvegsbændur brjóti helstu stofnun lýðveldisins á bak aftur. Fiskur verður alltaf dreginn á Íslandsmiðum. Krónan er höfuðdjásn sem slorugar krumlur eiga ekki að fara höndum um.

Í aðförinni að Seðlabankanum hlóðu Samherjamenn eigin galdrabrennu. RÚV-Kveikur skaffaði eldfærin. Ísland er ekki Gvatemala þótt Samherji leiki United Fruit.

Meðhlaup Sjálfstæðisflokksins gerir móðurflokkinn pólitískt meðsekan í Namibíuútgerð Norðlendinganna. Stjórnarandstaðan finnur blóðbragð og sparar ekki stóryrðin.

Eftir því sem fylgi Sjálfstæðisflokksins minnkar líkist flokkurinn æ meira laustengdu bandalagi valdahópa í viðskiptalífi og djúpríki embættismanna. Sjálfstæðinu var fórnað fyrir þessa hagsmuni með 3. orkupakka ESB sem flokkurinn kokgleypti. Án kjölfestu og á klafa sérhagsmuna er Sjálfstæðisflokkurinn eins og spýta með smásteinum vinstribörnum að leik í fjöruborðinu. 

Sökuðu fjármálaráðherra um lögbrot

Án dvalarleyfis en stundar heimilisofbeldi

Fjölmenning vinstrimanna, gjörið svo vel.

Í einangrun eftir heimilisofbeldi

Pólitísk vísindi og spurningin um veðrið

Náttúran er eldri en maðurinn á jörðinni. Vísindi eru tilraun mannsins að skilja náttúruna. 

Almennasta lögmál náttúrunnar er að hafi náttúrulegt ástand tekið breytingum einu sinni er líklegt að breytingarnar endurtaki sig.

Ekki er til heildstæð vísindakenning um veðurfar á jörðinni. Veðurspár eru t.d. aðeins til fimm daga eða svo. Ástæðan er að vísindamenn vita ekki betur um náttúrulegar skammtímasveiflur í veðurfari. Ekki þarf neina sérstaka snilli til að sjá það í hendi sér að vísindagrein, sem ekki getur spáð fyrir náttúrufyrirbrigði nema nokkra daga fram í tímann, er trauðla í færum að segja til um langtímabreytingar.

Sagnfræði, fornleifafræði og fornveðurfræði segja okkur frá stórkostlegum sveiflum í loftslagi jarðar og því meiri sem lengra er farið aftur í tímann. Um 1200 f. Kr. verða loftslagsbreytingar sem leggja af velli siðmenningarríki við Miðjarðarhaf. Rómverska hlýskeiðið fór saman við útþenslu rómarveldis fyrstu aldir eftir Krist. Tímabilið frá um 900-1300, kallað miðaldahlýskeiðið, bauð upp á landnám Íslands og norrænan sauðfjárbúskap á Grænlandi. Kuldaskeiðið í kjölfarið varði fram eftir 19. öld og er kallað litla ísöld; norrænir menn gáfust upp á Grænlandi og næstum því Íslandi.

Alvöruvísindi segja okkur að veðurfar á jörðinni lýtur náttúrulegum lögmálum. Siðastu ísöld lauk fyrir um 12 þúsund árum.

Pólitísk vísindi reyna að telja okkur trú um manngert veðurfar. Þau segja manninn hækka meðallofthita jarðarinnar, sem mælist núna tæpar 15°C. En þessi pólitísku vísindi neita að svara barnalega einfaldri spurningu: hvert er kjörhitastig jarðarinnar?

Hvers vegna er spurningunni ekki svarað? Jú, svarið fæli í sér afhjúpun. Gervivísindamenn þættust vita betur en náttúran hvert kjörhitastig jarðar ætti að vera. Pólitísku vísindin eru ekki byggð á þekkingu og skilningi á náttúrunni heldur hrokafullum fordómum um að maðurinn sé náttúrunni æðri. Dramb er falli næst.

Magn gróðurhúsalofttegunda aldrei meira

Skyndiréttlætið og tveir formenn

Formaður Miðflokksins er spurður hvers vegna hann stökkvi ekki á fordæmingarvagninn kenndan við Samherja-Namibíu. Nákvæmari orðalag spurningarinnar væri svona: ,,Hvers vegna tekur þú ekki þátt í skyndiréttlætinu í boði RÚV, Sigmundur Davíð?"

Þorgerður Katrín Gunnarsdóttir formaður Viðreisnar er alveg til í skyndiréttlæti þar sem veiðar Samherja við strendur Namibíu eru skyndilega orðnar áhrifavaldur í íslensku fiskveiðistjórnunarkerfi.

Annar formaðurinn er varkár og biður um staðreyndir máls á meðan hinn hrærir í einn graut Namibíu og Íslandi. Sumir stjórnmálamenn stunda skyndikynni við veruleikann á meðan aðrir eru í traustara sambandi.

Þjóðir ráði sjálfar yfir auðlindum sínum

Namibía skilur ekki RÚV-Ísland

Stjórnvöld í Namibíu standa í þeirri trú að þar sem RÚV er opinber stofnun hljóti fréttastofan að framfylgja stefnu stjórnvalda. Ákæra, réttarhöld og dómur RÚV um spillingu sé afgreiðsla íslenska ríkisins á Samherja-Namibíumálinu. 

Við sem heima sitjum vitum að RÚV er sjálfala ríkisfyrirtæki sem stjórnað er af dómgreindarlausum frekjuhundum á vinstri kanti stjórnmálanna. Í skjóli fjölmiðlavalds takur Efstaleiti mann og annan af lífi með einhliða fréttaflutningi byggðum á ótraustum heimildum, slúðri og sviðsettum atburðum.

Namibíumönnum er nokkur vorkunn. Hér heima fatta ekki allir rúvíska réttvísi. Þannig töldu Samherjamenn sig standa með pálmann í höndunum í deilu við Seðlabanka Íslands og ætluðu sér að koma fyrrum seðlabankatjóra í fangelsi fyrir að hafa vogað sér að rannsaka gjaldeyrisskil útgerðarinnar.

En þá greip RÚV í taumana, enda í samvinnu við Seðlabankann, og samdi handrit, Kveik-þáttinn alræmda, og sviðsetti mútugreiðslur Samherja í Namibíu (þið munið, rauð íþróttataska plús Helgi og Aðalsteinn).

Ákæra og réttarhöld RÚV leiddu til handtöku íslensks skipstjóra í Namibíu, kyrrsetnignar á togara og nú virðist að forstjóri Samherja skuli framseldur til namibískra lögregluyfirvalda.

Ríkisstjórn Ísland þorir hvorki að hreyfa legg né lið af ótta við að Efstaleiti skipuleggi mótmálaöldu sem hreki Kötustjórnina frá völdum.

Þannig er RÚV-Ísland. 

Íslendingar ættu að rannsaka spillingu heima fyrir

Lýðurinn og lágkúran

Þrjár helstu kröfur mótmælanna á Austurvelli eru ný stjórnarskrá, uppboðsmarkaður á kvóta og afsögn ráðherra.

Kröfurnar eru innbyrðis ótengdar og án nokkurs samnefnara. 

Lýðurinn dæmdi Sókrates til dauða, fórnaði Jesú fyrir ræningja og kaus Hitler til valda.

Lengi lifi réttur lýðsins til lágkúrunnar.

 

 

„Lýðræði ekki auðræði“

Miðflokkurinn fær fylgi vegna óvinsælda

Stjórnmálamenn allra flokka hatast við Miðflokkinn og fá einatt stuðning frá fjölmiðlum eins og RÚV, Fréttablaðinu, Stundinni og Kjarnanum. Almenningur, á hinn bóginn, á hauk í horni þar sem fer flokkur Sigmundar Davíðs.

Miðflokkurinn tekur ekki undir móðursýkina um manngert veðurfar. Miðflokkurinn stóð vaktina fyrir fullveldið gegn ásælni ESB í 3. orkupakkanum.

Hjarðhugarfar, sem slær reglulega út í múgæsingu, Samherja-málið yngsta dæmið af mörgum, er aðall stjórnmálaflokkanna. Nema Miðflokksins.

Miðflokkurinn er stjórnmálaafl sjálfstæðra einstaklinga og gagnrýnnar hugsunar. Maður biður ekki um meira.

Kjósendur kunni að meta stefnufestu

RÚV: Samherji er Den Danske bank

Ein undarlegasta fréttaskýring sem RÚV hefur samið og flutt, og er þá langt til jafnað, var gerð heyrinkunn í Speglinum í gær. 

Fréttaskýringin var öll um peningaþvætti í Den Danske bank. Nema inngangurinn og niðurlagið sem sögðu að Samherji væri eins og Den Danske bank.

Þetta er líkt og segja að Grænland og Suður-Afríka séu svipuð þjóðríki þar sem stjórnmál eru stunduð í þeim báðum.

Líklega fáum við bráðlega fréttaskýringu frá RÚV um að Þorsteinn Már sé hinn íslenski Trump. Rökin væru að báðir séu þeir sterkefnaðir.