Elítan þarf loftslagsvá, almenningur ekki

Stór alþjoðleg könnun, þar sem 7 milljónir í 194 ríkjum tóku þátt, sýnir að menntun, heilsugæsla, frelsi frá ofsóknum, jafnrétti og 11 önnur atriði eru heimsalmenningi efst í huga. Loftslagsmál komu síðast.

Valdaelítan, bæði innlend og alþjóðleg, þarf bráðnauðsynlega á loftslagsvá að halda. Frjálslynda alþjóðahyggjan beið skipbrot 2016, Brexit og Trump, og heldur dauðahaldi í síðasta sjensinn til að berjast fyrir upphöfnu markmiði, að forða heiminum frá tortímingu. Bæði er að margvíslega óáran er hægt að skrifa á loftslagsbreytingar, skriðuföll á Íslandi, borgarastyrjöld í Sýrlandi og kulnun kennara í starfi (ok, þetta síðasttalda er líklega ofmælt) og ekki síður að réttlæta margvísleg íþyngjandi lög og reglugerðir um hvað má og hvað ekki.

Loftslagsvá tók við af kjarnorkuvá sem hræðsluáróður til að halda fólki í ótta. Í skemmtilegri samantekt á hræðsluáróðri frá Sameinuðu þjóðunum og öðrum er elsta fyrirsögnin frá 1989 - árið sem Berlínarmúrinn féll. Elítan hugsaði: falli Sovétríkin getum við ekki hrætt fólk með kjarnorkuvetri. Tökum í staðinn kenningu sérvitringa að jörðin sé eins og gróðurhús og gæti kæft allt mannkyn. Sjáum hvort það virki ekki. Ef fólk þumbast við töfrum við fram sextán ár stelpu með fléttur og gerum hana að siðapostula heimsendaspámennsku. Bæði í sovétinu og þriðja ríkinu gerðu sig stúlkur með fléttur. 

Allt gekk þetta eftir. Veruleikinn var annar en sérviskan sagði, engin varð hamfarahlýnunin, og þá dúkkaði upp sænsk Gréta. Hún sigldi Atlantshafið á skútu og gretti sig í New York. En, fyrir utan 15 sekúndur af frægð, gerði Gréta það eitt að undirstrika vísindin á bakvið loftslagsvá sem hjátrú, bábilju. Vísindi sem þurfa spákonur eru trú á staðleysu.

Vísindi eiga að lýsa veruleikanum. Hiti á jörðinni hefur ekki tekið hamfarabreytingum. Það er staðreynd málsins.

 

Aukinn útblástur hjá ríkustu þjóðunum

Helgi Seljan játar sig geðveikan

Fréttamaður RÚV, Helgi Seljan, var í viðtali hjá öðrum RÚV-ara, Gísla Marteini, og sagði þetta samkvæmt frásögn á Eyjunni:

„Ég hef svo sem sagt frá því áður, ég er veikur fyrir. Ég hef þurft að leggjast inn á geðdeild,“ svaraði Helgi.

Sá sem er geðveikur er hvorki með sjálfan né heiminn á hreinu. Annars væri hann ekki geðveikur. Sá sem er læs á sjálfan sig er í standi til að taka ákvarðanir á lífsins vegferð. Til að skilja heiminn í kringum sig þarf maður að botna í sjálfum sér. Skilgreiningin á geðveiki er að tapa áttum, ekki smávegis eða í skamma stund, heldur verulega og til lengri tíma. Sá sem leggst inn á geðdeild er kominn í slíkar ógöngur að aðeins duga stórtæk inngrip læknisvísinda til að færa geðheilsuna í samt lag. Annars eru menn heima, taka lyfin sín, stunda reglulega hreyfingu og feta sig áfram til að takast á við lífið á ný.

Helgi sýndi skýr þráhyggjueinkenni þegar hann skipulagði aðför að Samherja árið 2012. Hann afsakaði ,,linnulausa böggið" sitt. Böggið reyndist skáldskapur sem farið var ítarlega yfir í dómskerfinu og hafnað frá a til ö. En Helgi böggaðist áfram enda illa tengdur veruleikanum.

Siðanefnd RÚV úrskurðaði að Helgi hefði alvarlega brotið siðareglur með framgöngu sinni í Samherjamálinu. Viðbrögð Helga voru í meira lagi undarleg. Hann sagðist hafa fullt leyfi til að flétta saman fréttum og persónulegu mati sínu og gildisdómum. Siðareglur segja eitt en Helgi má það sem öðrum leyfist ekki. Stórmennskubrjálæði kemur í ýmsum myndum. 

Kúltúrinn sem Helgi hefur tekið þátt í að móta er þannig lýst af manni sem varð fyrir barðinu á vinnulagi samverkamanna Helga á Efstaleiti:

„Það er mögulegt að búið sé að skrifa handritið og það er mikilvægt að vita hvort þú sért í „góða“ liðinu eða „vonda“ liðinu. Ef þú ert í „vonda“ liðinu er sennilega ekki þess virði að taka þátt því Kveikur mun einungis birta þau brot úr viðtalinu sem hentar þeirra málflutningi og sennilega fá viðmælendur úr „góða“ liðinu til að „leiðrétta“ þín orð.“

Þeir sem búa að heilbrigðri dómgreind vita að í mannlífinu eru hlutirnir sjaldnast svartir eða hvítir. Þeir sem eru skyni skroppnir eru aftur iðulega sannfærðir að heimurinn skiptist í illmenni og góðmenni.

Helgi er núna í játningarferli líkt og þeir sem eru komnir í sjálfheldu og vilja vinna í sínum málum. Vonandi nær hann bata.

Burtséð frá bataferlinu er í meira lagi undarlegt að geðveikur maður fari með víðtækt dagskrárvald á ríkisreknum fjölmiðli, RÚV. Geðveikur Helgi skipuleggur í áravís skandal hægri vinstri, skáldar ef ekki vill betur til. Sá geðveiki fær fullt umboð yfirstjórnar RÚV til að flytja áróður klæddan í búning frétta.

RÚV fór ómjúkum höndum um borgarstjóra sem var tæpur á geði og sýndi hann gúgú og gaga í skemmtiþætti á besta útsendingartíma. En nú er það gúgú og gaga sem stjórnar dagskránni á Efstaleiti.

Loftslagsvá er skipulagt svindl

Fræðigreinar sem sem komast að annarri niðurstöðu en þeirri sem IPCC-nefnd Sameinuðu þjóðanna um loftslagsvá er stungið undir stól - ekki er vísað til þeirra í skýrslum IPCC.

Ray Bates er írskur loftslagsvísindamaður, menntaður í MIT í Bandaríkjunum og stundað rannsóknir við vísindastofnanir i Danmörku, Bandaríkjunum og Írlandi.

Í 25 mín. viðtali fer Bates yfir stöðu mála í loftslagsumræðunni, einkum IPCC-nefndar SÞ.

Í viðtalinu nefnir Bates skýr dæmi um ritskoðun IPCC á fræðilegum niðurstöðum sem ekki falla að pólitískri stefnu IPCC um yfirvofandi loftslagshamfarir.

Loftslagsvá er skipulagt svindl, búið til af alþjóðastofnun handa stjórnmálamönnum til að réttlæta eigin valdeflingu en hærri skatta og fleiri lög á almenning.

Stígamót, Stasi og KSÍ

KSÍ lét Stígamót fá lista yfir landsliðsmenn og bað um nöfnin yrðu könnuð í gagnabanka sem Stígamóta reka og inniheldur sögur um kynferðisbrot. Þetta kemur fram hjá talskonu Stígamóta í viðtali á Útvarpi Sögu.

Gagnabanki með sögum um afbrigðilega hegðun er þræði persónunjósnir eins og stundaðar voru í alræðisríkjum, t.d. Stasi í Austur-Þýskalandi, en hinum þræðinum kúgunartæki. Þegar gagnabankinn fær vottun frá hálfopinberum aðila, KSÍ, opnast tækifæri til að færa út kvíarnar.

Stígamót hafa nú þegar gagnabanka um listamenn og íþróttamenn. Næst er að safna sögum um stjórnmálamenn, kennara, lögreglumenn, millistjórnendur. Í svona málum eykur eftirspurn framboðið. Líkt og fjölmiðlar auglýsa eftir fréttaábendingum auglýsa Stígamót eftir sögum.

Og vitanlega koma sögurnar. Enginn veit hvort sögurnar eru sannar eða ósannar. Enda er það aukaatriði. Sögurnar þjóna þeim tilgangi að valdefla Stígamót og tryggja samtökunum fjárstreymi.

Aukabúgrein hjá Stígamótum væri að þiggja greiðslur til að fjarlægja sögur úr gagnabankanum. Fyrir hádegi er hægt að búa til sögur og eftir hádegi rukka fyrir að strika þær út. Ef menn ætla að halda atvinnu sinni, æru og mannorði er eins gott að borga.

Stasi-Stígamóta lýðveldið er að taka á sig mynd.  

Kynjakvóti: 2000 kvenkennarar í hættu

Konur eru aðeins 10% framkvæmdastjóra. Hlutfall karlkyns grunnskólakennara er litlu hærra eða 16% og fer lækkandi. Ákall er um að hækka hlutfall kvenna í stöðu framkvæmdastjóra og setja kynjakvóta í lög.

Allur þorri framkvæmdastjóra starfar á einkamarkaði. Allir grunnskólakennarar eru opinberir starfsmenn.

Áður en ríkisvaldið setur lög um hvernig kaupin gerast eyrinni í atvinnulífinu verður ríkið að leiðrétta kynjahalla hjá hinu opinbera. Að öðrum kosti yrði hrár valdafemínisminn of sýnilegur

Um 4500 konur eru grunnskólakennarar. Til að jafna kynjahlutföllin þarf að fækka þeim um tæp tvö þúsund.

Ef jafnréttissinnar á alþingi legðu fram frumvarp að fækka kvennastörfum til að fjölga körlum í stétt kennara myndi víða heyrast hljóð úr horni. Vitanlega mun slíkt frumvarp aldrei líta dagsins ljós. En kannski frumvarp um að annar hver framkvæmdastjóri skuli vera kvenmaður. Það er svo freistandi að slá sig til riddara hjá valdafemínistum.

 

Konur aðeins 10% framkvæmdastjóra

Engin hamfarahlýnun, Katrín - og biðin lengist

Fyrsta IPCC-skýrsla Sameinuðu þjóðanna kom út 1990 og sú sjötta og yngsta í ár. Á þessum 30 árum eru skýrsluhöfundar, embættismenn og handvaldir vísindamenn, ávallt 100 prósent vissir í sinni sök að hamfarahlýnun sé á næsta leiti.

En það er engin hamfarahlýnun. Hitastigið í dag er um tveim gráðum hærra en það var fyrir 200 árum. Það heitir hægfara og eðlileg hlýnun. Tímabilið 1300 til 1900 er kallað litla ísöld og fyrir þann tíma var miðaldahlýskeiðið.

Hitastigið í dag er um 1,5 gráðum lægra en það var árið 1000 þegar Íslendingar byggðu Grænland. Hálendið á íslandi var greiðfært enda jöklar minni.

Katrín forsætis er of greind til að trúa á manngert veðurfar. En hún er fangi pólitískrar orðræðu sem haldið er á lofti af hagsmunahópum, frá Sameinuðu þjóðunum í New York til litla spillta Efstaleitis á Íslandi.

 

Segir hlýnun mannanna verk og okkar að bregðast við

Tölfræði, vísindi og vitleysa

Ef meint vísindi segja í 40 ár að heimurinn hlýni hratt og hamfarir hljótist af en raunmælingar sýna að heimurinn hlýni hægt og hamfarir aukist ekki - hvoru eigum við að trúa; meintum vísindum eða raunveruleikanum?

Fyrir alla með heilbrigða dómgreind er svarið einboðið: við trúum veruleikanum umfram meintum vísindum. Ef meint vísindi dygðaskreyta sig með 16 ára sænskri skólastelpu í verkfalli vita allir með dómgreindina í lagi að meint vísindi eru mest bull, vitleysa og firra.

Stutta sagan um hamfaratrú loftslagsbreytinga er að hún byrjaði í Bandaríkjunum. 

Áróðurinn um loftslagsvá byrjaði 1988 vestur í Bandaríkjunum. Annar meginflokkur þarlendra stjórnmála, Demókratar, tók upp á sína arma þá trú að manngerð hlýnun næstu þrjá áratugi yrði 1,4 gráður á Celcius. Í reynd var hlýnunin 0,49 gráður. Fyrir þúsund árum var 1,5 gráðu hlýrra en í dag. Síðustu tæpu 7 ár hefur engin hlýnun mælst. Núll.

Sameinuðu þjóðirnar tóku loftslagsvá inn í alþjóðapólitík, gagngert til að auka vægi alþjóðastofnana; sem sagt í eigin þágu. Sameinuðu þjóðirnar handvöldu vísindamenn sem trúðu á manngert veðurfar. Sérstök nefnd SÞ, IPCC, tók til við að gefa reglulega út skýrslur um yfirvofandi hamfarir.

Vísindamönnum á sviði loftslagsmála eins og Patrick Michaels, Richard Lindzen, William Happer, Judith Curry og Roy Spencer var skipulega haldið utan við umræðuna. Hvers vegna? Jú, þeir standa fyrir alvöru vísindi en ekki meint vísindi.

Alvöru vísindi fara nærri veruleikanum en meint vísindi eru áróður klæddur í búning þekkingar, til dæmis tölfræðileg loftslagsvá.

Tölfræðilegir gallar ýki loftslagsvána

Valdafemínismi kemur sér upp ákæru- og dómsvaldi

KSÍ virðist hafa samþykkt að hópur sem kallar sig Öfga fari með ákæruvald í málefnum þeirra sem koma til greina sem landsliðsmenn. 

Ef Öfgar ákæra fellur sjálfkrafa dómur; viðkomandi leikmaður kemur ekki til greina í landsliðið. Svo er látið fréttast hverjir eigi í hlut og þar með er farið mannorð og æra án málsatvika og rannsóknar.

Skýtur skökku við að hálfopinber aðili, KSÍ, skuli framselja valdafemínískum samtökum ákæru- og dómsvald. Í réttarríki gengur ekki að aðrir en opinberir aðilar hafi í hendi vald til saksóknar og tryggi jafnframt sjálfstæði dómstóla. 

Segir KSÍ hafa komið sér upp rannsóknarrétti

Grétuvandræði: sólin, ekki CO2, veldur hlýnun

Tvær nýbirtar vísindagreinar skrifa hækkun hitastigs jarðar á reikning sólarvirkni og samspili við skýjafar og hafna í leiðinni að manngerður koltvísýringur, CO2, sé ástæða hlýnunar.

Danski vísindamaðurinn Henrik Svensmark fær birta grein í Nature, sem telst háborg fræðirita, eftir tveggja ára ritrýningu. Í greininni segir að sólarvirkni og geimgeislar séu veigamiklir þættir i orkubúskap lofthjúps jarðar. Svensmark útskýrir niðurstöðurnar í viðtali. Ágúst H. Bjarnason hefur skrifað um rannsóknir Svensmark.

Orkubúskapur lofthjúpsins ræður hvort hitastig á jörðinni hækkar eða lækkar. Ef meiri orka kemur inn en fer út hækkar hitinn og öfugt ef útgeislun er meiri en innstreymi orku.

Kenning Grétu Thunberg og félaga er að koltvísýringur af mannavöldum hindri útgeislun og því hitni jörðin. Grétufræði gera ekki ráð fyrir að sólarvirknin hafi áhrif og gefa sér að CO2 útskýri allar hitabreytingar. Grétufræðin geta ekki útskýrt hvers vegna loftslag jarðar breyttist, og tók raunar verulegum breytingum, sbr. ísaldir, löngu áður en maðurinn gat nokkur áhrif haft með brennslu jarðefnaeldsneytis. Sólarvirki, á hinn bóginn, getur útskýrt loftslagsbreytingar alla jarðsöguna.

Önnur vísindagrein af áþekkum toga og rannsókn Svensmark er kynnt á heimasíðu loftslagsvísindamannsins Judith Curry. Höfundar eru Fritz Vahrenholt og Rolf Dubal. Þar segir klárt og kvitt að hækkun hita á jörðinni sl. 20 sé hægt að skýra með sólarvirkni og skýjafari.

Hér á Fróni er rætt um að stofna til loftslagsráðuneytis. Nær væri að stofna sólarráðuneyti. Við værum á pari með Forn-Egyptm sem dýrkuðu þá gulu og höfðu til þess stjórnarráð. Þó ekki á Arnarhvoli.

Vinstrimenn til hjálpar Miðflokknum

Standi Miðflokkurinn af sér þá gjörningahríð sem hófst þegar þriðjungur þingflokksins flutti á höfuðbólið er það ekki síst vinstrimönnum að þakka.

RÚV flytur raðfréttir um vistaskipti Birgis og Fréttablaðið ólmast. Erna verður kjur segja síðustu fréttir.

Samhljómur vinstrimanna er að þótt tilvist Miðflokksins sé slæm þá sé enn verra að Sjálfstæðisflokkurinn styrkist.

Líklegasta niðurstaðan er þó sú að Sjálfstæðisflokkurinn styrkist og Miðflokkurinn blífur.

Ávallt skal þannig fara að vinstrimenn raðklúðri sínum málum.

Ekki það að maður sé að kvarta.

Erna verður eftir í Miðflokknum