Veika konan, Finnur Þór og starfsmaður RÚV

Þann 10. september 2021 kom veika konan, sem játað hefur að byrla Páli skipstjóra Steingrímssyni, í heimsókn til héraðssaksóknara í Reykjavík að eigin frumkvæði. Konan taldi sig vera með upplýsingar um Namibíumálið. Finnur Þór Vilhjálmsson saksóknari hjá embætti héraðssaksóknara fer fyrir rannsókninni sem staðið hefur yfir frá Kveiks-þætti á RÚV er sýndur var í nóvember 2019.

Ingi Freyr Vilhjálmsson, bróðir Finns Þórs, er blaðamaður á Heimildinni, áður Stundinni. Hann er sakborningur í byrlunar- og símastuldsmálinu. Ingi Freyr vann að Kveiks-þættinum með RÚV og birti á Stundinni raðfréttir um Namibíumálið.

Lögreglufulltrúi og annar ótilgreindur starfsmaður embættisins, gæti verið Finnur Þór eða undirmaður hans, ræddu við konuna sem kom óvænt í heimsókn til þeirra 10. september 2021. Þeir töldu hana ,,í mjög miklu andlegu ójafnvægi. Hún óð úr einu í annað og grét mikið," segir í upplýsingaskýrslu lögreglufulltrúans sem dagsett er 14. mars í ár, 2023.

Tvímenningarnir hjá embætti héraðssaksóknara töldu upplýsingar frá konunni um Namibíumálið einskins virði. Namibíumálið er dautt hross sem hvorki heilir né vanheilir geta barið til lífs.

Mat lögreglufulltrúans á andlegu ástandi konunnar sýnir að þar fór fárveik manneskja. Hún var aftur verkfæri blaðamanna til að byrla Páli skipstjóra, stela síma hans til afritunar og skila tilbaka á sjúkrabeð Páls á gjörgæslu Landspítalans.

Hvernig vitum við það? Jú, sami lögreglufulltrúi og hitti konuna 10. september 2021 og skrifaði upplýsingaskýrslu um heimsóknina 14. mars s.l. hringdi í lögregluna á Akureyri skömmu eftir heimsóknina. Af gögnum málsins verður ekki séð hvort símtalið hafi verið með vitund og vilja Finns Þórs. Í samantekt aðalvarðstjóra lögreglunnar á Akureyri er haft eftir lögreglufulltrúanum hjá embætti héraðssaksóknara að konan hefði viðurkennt að ,,hafa tekið farsíma Páls Steingrímssonar og afhent símann starfsmanni RÚV."

Finnur Þór sjálfur, eða undirmaður hans, eru með puttana í byrlunar- og símastuldsmálinu á forstigum rannsóknarinnar. Meira hangir á spýtunni. Tilfallandi blogg fjallaði um samskipti veiku konunnar og ÞAK, sem líklega er Þóra Arnórsdóttir Kveikur. Þrem vikum áður en veika konan heimsótti Finn Þór og félaga áttu þessi samskipti sér stað:

Í samskiptunum 24. ágúst 2021 leitar konan ráða hjá RSK-blaðamönnum. Skilaboðin eru stutt. Lagt er á ráðin um að breyta aðgengi að tölvum og símum. Þá er einnig talað um að konan afhendi blaðamönnum síma sinn. Væntanlega til að torvelda rannsókn réttvísinnar, eyða gögnum. Samskiptin byrja klukkan níu að morgni og standa fram til um eitt eftir hádegi. Laust fyrir kl. eitt skrifar ÞAK merkilega setningu og sendir veiku konunni:

Ok. Ég athuga m héraðssaksóknara.

Héraðssaksóknari fer ekki með rannsóknina á byrlunar- og símastuldsmálinu heldur lögreglan á Norðurlandi eystra. Hvaða blaðamaður ætlaði að ,,athuga með héraðssaksóknara" og í hvaða tilgangi?

Hér eru, vægt til orða tekið, stórundarlegir hlutir á ferðinni. Blaðamenn RSK-miðla telja sig hafa beinan aðgang að héraðssaksóknara, líklega Finni Þór. Hann er bróðir Inga Freys sakbornings og rennur blóðið til skyldunnar að veita nákomnum aðstoð í neyð. Finnur Þór stjórnar Namibíurannsókninni en er einnig með aðild að byrlunar- og símastuldsmálinu. Veika konan, sú sem byrlaði Páli skipstjóra, er tengipunkturinn.

Hvernig datt veiku konunni í hug að leita til héraðssaksóknara? Hvers vegna ekki til lögreglunnar í Reykjavík eða á Akureyri? Fékk konan ráðleggingar um hvernig hún ætti að bera sig að?

Er ÞAK að ,,athuga m. héraðssaksóknara" til að undirbúa heimsókn veiku konunnar þangað? Víst er að konan gaf sig fram við héraðssaksóknara án þess að vera þangað boðuð. Fyrsta yfirheyrsla lögreglunnar á Akureyri fór ekki fram fyrr en 5. október 2021. Í september var málatilbúnaður skammt á veg kominn, upplýsingaöflun stóð yfir. Enginn hafði verið kallaður til yfirheyrslu. Enginn var með stöðu sakbornings.

Var plott á Glæpaleiti að forræði rannsóknarinnar á afbrotum blaðamanna yrði flutt suður yfir heiðar? Byrlunar og símastuldsmálið yrði sameinað Namibíumálinu. Milljón króna spurningin er þessi:

Beindu blaðamenn RSK-miðla veiku konunni til héraðssaksóknara, þar sem Finnur Þór er fyrir á fleti, í þeirri von að rannsóknin á byrlunar- og símastuldsmálinu færi til saksóknara sem er vinveittur blaðamönnum?

Stórt er spurt. Fjölmiðlar þegja.

 

 

Karlar hafna woke-háskólum

Háskólar láta á sjá. Áður voru þeir miðstöð þekkingar og gagnrýnnar hugsunar; núna er í forgrunni hugmyndafræði, hjarðhugsun og þöggun. Bábiljur að kynin séu þrjú, fimm eða seytján og loftslagið sé manngert tröllríða háskólum með tilheyrandi væli um endalok heimsins. Þar sem áður var leit að sannindum ríkir ótti og fáfræði.

Háskólanám sem samvera til að velta sér upp úr eymd og volæði höfðar síður til karla en kvenna. Reðurhafar fá ekki mánaðarveikina þar sem allt er ómögulegt í tíu daga. Armæðufræðin finna frjósamari jarðveg í legberum.

Kvenvæðing menntunar hefst strax í leik- og grunnskóla. Um 90 prósent kennara eru konur. Karlar eru orðnir leiðir á legberum þegar komið er í framhaldsskóla. Þeim fjölgar sem hrýs hugur af ítroðslu hugmyndafræði sem á fátt sameiginlegt veruleikanum. Séu atvinnuhorfur þokkalegar hverfa þeir til starfa eða læra eitthvað hagnýtt, iðn til dæmis.

Fleiri þættir skipta máli um akademískt áhugaleysi karla. Menntun gefur ekki sömu starfsmöguleika og áður. Margrét Pála í Hjallastefnunni gerði fyrir mörgum árum samlíkingu á óhamingjusama mannfræðingnum og gifturíka gröfukallinum.

Hlutfallsfækkun reðurhafa í háskólum hófst um aldamótin. Um svipað leyti náði póstmódernismi ráðandi stöðu i háskólasamfélaginu. Woke er skilgetið afkvæmi.

 

 

 

 

Strákarnir ekki alltaf vandamálið

Falsfrétt á Vísir.is: Samherjabók án Samherja

,,Á miðvikudag kom út bók í Namibíu um Samherjamálið," segir í frétt á Vísir.is. En bókin er ekki um Samherja heldur spillingu í Namibíu. Nokkur munur þar á.

Samherji er ekki nefndur á nafn í hálftíma kynningu höfundar bókarinnar, Roman Grynberg. Útgefandi bókarinnar er The Namibian. Ritstjórinn Tangeni Amupadhi talar í rúmar tíu mínútur og nefnir Samherja ekki á nafn.

Hvernig getur bók verið um ,,Samherjamálið" án þess að fyrirtækið sé nefnt á nafn í kynningu bókarinnar?

Jóhannes Stefánsson uppljóstrari er nefndur til sögu. Roman Grynberg segist hafa verið í sambandi við Jóhannes en aldrei hitt hann. Grynberg notar gögn frá Jóhannes til að sýna fram á að namibíska þjóðarbúið hafi orðið af 14 milljörðum namibískra dollara á tíu ára tímabili vegna sölu á hrossamakrílkvóta.

En hvernig fór kvótasalan fram? Jú, Namibíumenn einir fá úthlutaðan kvóta skv. lögum þar í landi. Grynberg sagði að t.d. hefðu 22 þingmenn, segi og skrifa tuttugu og tveir, fengið úthlutað kvóta. Þá eru ótaldar eiginkonur þeirra og ættmenni sem einnig fengu kvóta.

Þingmenn og aðrir kvótaeigendur seldu kvótann til útgerðafélaga. 

Í Namibíu standa yfir réttarhöld vegna sölu á kvóta og meðferð þarlendra manna á þeim fjármunum. Tilfallandi blogg sagði frá málavöxtu:

Samningar um veiðiheimildir fólu sér ýmsar kvaðir kaupenda að leggja fram fjármagn til samfélagslegrar uppbyggingar í Namibíu. Erlendar útgerðir, m.a. Samherji, keyptu veiðiheimildir undir þessum formerkjum. Allt var þetta samkvæmt gildandi lögum í landinu. En peningarnir skiluðu sér ekki þangað sem þeir áttu að fara.

Níu Namibíumenn eru ákærðir fyrir umboðssvik, þjófnað og auðgunarbrot í tengslum við sölu á veiðiheimildum. Þá eru 11 lögaðilar ákærðir, skúffufyrirtæki sem níumenningarnir notuðu til að hylja brotin. Ákæruliðirnir eru samtals 28. Samherji er aðeins einn nokkurra aðila sem sakborningar blekktu til persónulegs ávinnings.

Í málarekstrinum í Namibíu er hvorki Samherji né starfsmenn útgerðarinnar á sakabekk.

Í frétt Vísis segir frá annarri bók sem blaðamenn RSK-miðla skrifuðu. Páll skipstjóri Steingrímsson hefur ítarlega farið yfir þá bók. Ekki stendur steinn yfir steini í málatilbúnaði RSK-miðla.

Saga Jóhannesar uppljóstrara var klædd í norskan búning og birt í tímaritinu Aftenposten-Innsikt. Tímaritið baðst auðmjúklega afsökunar að hafa birt fleipur.

Vísir.is birtir falsfrétt um Namibíumálið til að þóknast blaðamönnum RÚV og Heimildarinnar sem eru sakborningar í alvarlegum glæpum, byrlun og gagnastuldi. Vísir.is þegir um glæpi á Íslandi en gerir saklausa Íslendinga að afbrotamönnum í Namibíu. Blaðamaðurinn sem skrifaði falsfréttina á von á verðlaunum frá Blaðamannafélagi Íslands. Andverðleikar eru hátt skrifaðir þar á bæ.

Stefán leynir stjórn RÚV upplýsingum um Þóru

Stefán Eiríksson útvarpsstjóri leyndi stjórn RÚV að hann hefði átt í samskiptum við lögreglu í byrjun janúar á þessu ári um málefni Þóru Arnórsdóttur ritstjóra Kveiks. 

Stefán fékk upplýsingabeiðni frá lögreglu 4. janúar um símanúmerið 680 2140. Stefán svaraði með tölvupósti 11. janúar. Hann hafði fengið aðstoð lögfræðings og komist að þeirri niðurstöðu að upplýsingar yrðu ekki veittar. Niðurlag tölvupósts útvarpsstjóra er eftirfarandi: ,,Þegar af þessum ástæðum er ekki unnt að fallast á upplýsingabeiðnina, enda uppfyllir hún að okkar mati ekki lagaskilyrði."

Daginn eftir hafði Stefáni snúist hugur. Í tölvupósti 12. janúar sagði hann símann notaðan af Kveik og að Þóra Arnórsdóttir gæfi upplýsingar ,,munnlega" um notkun símans. Stefán nánast sendir Þóru til yfirheyrslu lögreglu með þessu orðalagi.

Næsti stjórnarfundur RÚV eftir þessi samskipti var 25. janúar. Á stjórnarfundum leggur útvarpsstjóri fram minnisblað og fer yfir helstu viðfangsefni stofnunarinnar frá síðasta fundi. Fundir eru að jafnaði mánaðarlega. Þann 25. janúar sagði hann m.a. frá dómsmálum sem RÚV á aðild að en ekki orð um að starfsmaður RÚV sé undir lögreglurannsókn. Ekkert er sagt um upplýsingabeiðni lögreglu.

Stefáni ber skylda til að upplýsa stjórn RÚV um formleg samskipti við aðrar ríkisstofnanir. Án þessara upplýsinga getur stjórn RÚV ekki sinnt lögboðnu eftirlitshlutverki sínu.

Stefán losaði sig við Þóru í byrjun febrúar. Snubbótt fréttatilkynning var gefin út 6. febrúar. Þóra hafði verið 25 ár á stofnunni og ritstjóri Kveiks frá upphafi. Ef allt væri með felldu hefðu tímamótin verið nýtt til að fara yfir afrekaskrá Þóru og Kveiks.

Á næsta fundi stjórnar RÚV, þann 22. febrúar, leggur Stefán fram minnisblað, samkvæmt venju. Ekki orð um Þóru. En útvarpsstjóri tekur fram að Þröstur Helgason hætti sem dagskrárstjóri Rásar 1 komandi mánaðarmót. Í starfsaldri er Þröstur ekki hálfdrættingur Þóru. Starfsmannamál millistjórnenda eru sem sagt á dagskrá, en ekki þegar Þóra á í hlut.

RÚV er opinber stofnun. Stefán á að upplýsa stjórnina um mikilsverð málefni. Að millistjórnandi sé undir lögreglurannsókn og að upplýsingabeiðni frá lögreglur leiði til þess að stjórnandinn láti af störfum fyrirvaralaust er mikilsvert málefni.

Stefán sinnir ekki skyldum sínum sem útvarpsstjóri með feluleik og blekkingum um samskipti RÚV og réttvísinnar. 

Grimm greining Úkraínustríðs

Úkraínustríðið mun standa lengi enn. Hvorugur stríðsaðila er kominn nærri þolmörkum. Sjónarmið í Úkraínu er að friður verði ekki saminn nema í rústum Moskvu. Ráðandi öfl á vesturlöndum styðja harðlínumenn í Kænugarði.

Afstaðan hér að ofan kemur fram í viðtali við Anatol Lieven sem er nýkominn frá Úkraínu, hitti þar mann og annan.

Lieven er hlynntur málstað Úkraínumanna en óttast að harðlínumenn spilli þeim sigri sem þegar hefur unnist. Innrás Rússa, segir Lieven, sameinaði Úkraínumenn, jafnvel þá rússneskumælandi, sem óska einskins frekar en að tengjast vesturlöndum nánari böndum og úthýsa rússneskum áhrifum.

Vandinn liggur í orðræðunni, segir Lieven. Stjórnin í Kænugarði og ráðandi öfl í vestri vilja knýja fram rússneskan ósigur. Það er ekki raunhæft. Friðarsamningar, þar sem Rússar halda t.d. Krímskaga, eru raunsærri. En það eru nánast landráð að ræða vopnahlé í Kænugarði og á vesturlöndum.

Ef greining Lieven stenst varir stríðið á sléttum Garðaríkis mörg ár enn. Sjónarmið Rússa er að tapi þeir séu dagar móðurlandsins taldir. Fyrr grípa Rússar til kjarnorkuvopna.

Átökin í austri eru ekki um hug og hjörtu, líkt og Lieven gerir skóna. Þau hverfast um stórveldahagsmuni. Önnur lögmál gilda en í baráttu um almannahylli. Tilvist ríkja er undir. Ríki nýta sér allar bjargir áður en þau leggja upp laupana. Orðræðan, sem Lieven er tíðrætt um, kemur á eftir valdi.

Evrópa er frá lokum seinna stríðs friðsamleg. Júgóslavíu-stríðin í lok síðustu aldar eru undantekning. Vari Úkraínustríðið í áravís eru líkur að stríðsátök verði samþykkt aðferð til að leysa milliríkjadeilur. Sumarið 1917 var það ríkjandi viðhorf í Evrópu að stríð væri útvegur ef samningar sigldu í strand. Í hönd fór 30 ára kafli í sögu álfunnar sem kenna má við Verdun og Auschwitz.

Ekki vænlegar horfurnar hennar Evrópu. 

Íslensk neðanmálsgrein hildarleiksins í austri er að sumir stjórnmálamenn á Fróni vilja ólmir ganga Evrópusambandinu á hönd. Ógæfan hefur aðdráttarafl.

RÚV ekki treyst á Norðurlöndum

RÚV var útilokað frá samstarfi norrænna ríkisfjölmiðla í sameiginlegri umfjöllun um rússneskar njósnir á Norðurlöndum. Ísland er vegna legu landsins á Norður-Atlantshafi eðlilegur bandamaður ríkisfjölmiðla Noregs, Danmerkur, Svíþjóðar og Finnlands. En RÚV er ekki treyst á Norðurlöndum. 

Á Norðurlöndum hefur spurst út aðild RÚV að byrlunar- og símastuldsmálinu. Yfirstjórnin á Efstaleiti hylmir yfir með sakborningum og torveldar sakamálarannsókn. Aðild fréttamanns RÚV, og formanns Blaðamannafélags Íslands, að fréttaumfjöllun í Aftenposten-Innsikt bætti gráu ofan á svart. Aftenposten varð að biðjast afsökunar í löngu máli á falsfréttinni.

Skömmu eftir byrlun og símastuld beitti RÚV áhrifum sínum til að fá stuðning norrænu sendiráðanna á Íslandi á krísufundi í norræna húsinu í Vatnsmýrinni. Fundurinn var haldinn miðsumars 2021. Aftur falskar forsendur þar sem RÚV lék hlutverk þolanda en var gerandi í ofbeldismáli. 

Orðspor RÚV er farið veg allrar veraldar. Í viðtengdri frétt er sagt frá árshátíð ríkisfjölmiðilsins síðustu helgi. Skriftan og tveir tvístígandi stjórar í aðalhlutverki. Neró spilaði á fiðlu þegar Róm brann forðum. Á Glæpaleiti er dansað og duflað á meðan RÚV sekkur. 

Allt á útopnu á árshátíð RÚV

Þórður Snær: byrlunin á ekki erindi til almennings

Á Heimildinni eru 4 blaðamenn með stöðu sakbornings í rannsókn lögreglu á byrlun Páls skipstjóra Steingrímssonar og stuldi á síma hans. Ritstjóri Heimildarinnar, Þórður Snær Júlíusson, telur fréttir um málið ekki eiga erindi við almenning. Sjálfur er Þórður Snær sakborningur.

Rannsókn lögreglu hefur staðið yfir í tæp tvö ár eða frá því að Páll kærði 14. maí 2021. Viku síðar birtu Stundin og Kjarninn fyrstu fréttir úr síma skipstjórans - vitandi forsöguna, að byrlun var undanfari þjófnaðar. Miðlarnir tveir urðu Heimildin síðustu áramót. 

Þórður Snær situr á málsgögnum sem aðrir, utan réttarkerfisins, hafa ekki séð. Gögnin fékk hann með leka úr landsrétti sl. vor, þegar réttað var í kærumáli Aðalsteins Kjartanssonar, sakbornings og undirmanns Þórðar Snæs. DV fjallaði um lekann og hefur eftir Þórði Snæ:

„Ég hef lesið þau rannsóknargögn sem afhent voru í Landsrétti og ég sé ekki ástæðu til að tilgreina nánar hver þau eru. Hafi verið gerð þau mistök að afhenda of mikið af gögnum sé ég ekki að það sé mitt vandamál. Það er eðlilegt í svona máli að við og lögmenn okkar reynum að afla eins mikilla gagna og við getum.“

Þórður segir að í gögnunum séu viðkvæmar og persónugreinanlegar upplýsingar sem ritstjórn Kjarnans hafi metið að ættu ekki erindi við almenning.

„Sú ákvörðun var tekin hjá okkur að eini vettvangurinn þar sem ég ætla að tjá mig um þessi gögn væri í gegnum leiðaraskrif. Í þeim leiðara sem hér um ræðir kemur skýrt fram hver mín afstaða er til þessa málareksturs.“

Aðild blaðamanna að byrlun og gagnastuldi þætti fréttaefni á öllum byggðum bólum. Norður-Kórea kannski undantekning. Þórður Snær telur sig hafa umboð frá almenningi til að ákveða hvað eigi erindi í opinbera umræðu og hvað ekki.

Öðrum þræði má hafa gaman af mannalátum ritstjórans. Hinum þræðinum er alvarlegt að sakborningar stjórni umræðu um sakamál. Svipað og að brennuvargar stjórni slökkviliði.

Fjölmiðlakerfi sem kemst upp með að þegja stórfréttir kemst líka upp með að búa til fréttir sem engar eru. Fyllibytta var heimildin fyrir íslenskri spillingu í litlu Afríkuríki; fjárkúgari að þrír miðaldra karlmenn hefðu brotið á ungri konu. RSK-miðlar ýmist þegja fréttir eða skálda þær.

 

Rannsókn lögreglu í byrlunarmáli útvíkkuð

Rakelar-þáttur í byrlun og gagnastuldi

Úr lögregluskýrslu.

Lögreglumaður: Hver eru tengsl þín við Rakel Þorbergsdóttur?

Byrlari Páls: Ég hef engin tengsl við hana. Ég veit hver hún er.

L: Þú þekkir hana?

BP: Nei, ég þekki hana ekki.

L: Nú?

BP: Hún er náttúrulega bara úr þorpinu.

L: Já. Þið unnuð saman hjá ÚA þegar þið voruð unglingar.

BP: Gerðum við það? Hver segir það?

L: Ég hef upplýsingar um það, eða lögreglan hefur upplýsingar um það.

Lögreglan hefði ekki spurt byrlara Páls skipstjóra Steingrímssonar um tengsl við Rakel Þorbergsdóttur fyrrum fréttastjóra RÚV nema hafa í höndunum gögn.

RÚV tilkynnti 9. nóvember 2021 að Rakel Þorbergsdóttir léti af störfum sem fréttastjóri eftir sjö ár í starfi. Fyrstu yfirheyrslur í byrlunar- og símastuldsmálinu fóru fram í október sama ár.

Rannsókn lögreglu beinist að atburðarásinni áður en Páli skipstjóra var byrlað. Með einhverjum hætti komust á tengsl milli blaðamanna RSK-miðla (RÚV, Stundarinnar og Kjarnans) og byrlara Páls síðvetrar 2021. Tengslin leiddu til ráðabruggs um að gera skipstjórann óvígan svo stela mætti síma hans, afrita og skila tilbaka, án þess að hann yrði þess var.

Ekki hefur komið fram hvort Rakel sé vitni eða sakborningur.  

Sími Þóru: 692 kr. reikningur í apríl

Þóra Arnórsdóttir ritstjóri Kveiks keypti síma á kostnað RÚV í apríl 2021. Síminn er sömu gerðar, Samsung, og sími Páls skipstjóra Steingrímssonar sem byrlað var 3. maí 2021. Þóra valdi á sinn síma númerið 680 2140. Númerið á síma Páls er 680 214X.

Í yfirheyrslu lögreglu bar Þóra því við að Samsung síminn hafi verið notaður til samskipta við heimildamenn Kveiks. En símanúmerið er hvergi skráð heldur leyninúmer. Enginn gat hringt í númerið með fréttaskot eða upplýsingar. Þá var ekki mikið hringt úr símanum í apríl. Reikningurinn fyrir mánuðinn er upp á 692 kr.

Á meðan Páll skipstjóri var á gjörgæslu á Landsspítalanum var síma hans stolið. Síminn var í þjófahöndum 4. og 5. maí 2021. Staðsetningarbúnaður í síma skipstjórans sýnir að símtækið var í höfuðstöðvum RÚV á Efstaleiti á þessum tíma. Samsung-sími Þóru  var notaður til að afrita síma skipstjórans. Símakaup Þóru í apríl voru ekki tilviljun. Símanúmerið var ekki tilviljun. Í apríl var vitað að Páli skipstjóra yrði byrlað í maí.

Afritaði síminn í fórum Þóru og Kveiks-manna var notaður til reglulegra samskipta við byrlara Páls, konu sem á um sárt að binda vegna andlegra veikinda. Í símaskrá síma veiku konunnar var númerið 680 2140 merkt ÞAK - Þóra Arnórsdóttir Kveikur.

Hvar skyldi Samsung-sími Þóru vera niðurkominn núna?

Þrír nefndir og niðurlægðir, siðareglur RSK-miðla

Þremenningarnir sem Vítalía Lazareva kærði fyrir kynferðisbrot gerðust ekki brotlegir við lög. Rannsókn héraðssaksóknara er hætt. Vitalía naut stuðnings Eddu Falak og Heimildarinnar, áður Stundin/Kjarninn, að koma ásökunum sínum á framfæri opinberlega. RÚV er þar skammt undan, í RSK-bandalaginu. 

Í fjölmiðlum voru þremenningarnir dæmdir, mannorð þeirra fótum troðið og lífsviðurværi ógnað. Fara fjölmiðlar í naflaskoðun og ræða hvernig og hvenær ásökun er frétt? Ekki er það líklegt.

Blaðamannafélag Íslands endurskoðaði siðareglur blaðamanna nýverið. Félaginu er stýrt af fréttamanni RÚV, Sigríði Dögg. Varaformaður er Aðalsteinn Kjartansson á Heimildinni, áður Stundinni og RÚV. Aðalsteinn er formaður nefndarinnar sem endurskoðaði siðareglurnar, sem má kalla siðareglur RSK-miðla.

Gömlu siðareglurnar frá 1991 áminntu blaðamenn í 4.gr. að ,,virða þá meginreglu laga að hver maður er talinn saklaus þar til sekt hans hefur verið sönnuð." Ennfremur í 3 gr. að ,,forðast allt, sem valdið getur saklausu fólki, eða fólki sem á um sárt að binda, óþarfa sársauka eða vanvirðu."

Í nýju siðareglunum, RSK-reglunum, er ekkert um sakleysi uns sekt er sönnuð. Ekki heldur neitt um að forða saklausu fólki frá óþarfa sársauka og vanvirðu.

RSK-siðareglur blaðamanna veita skotleyfi á saklausa. Þeir sem starfa í anda nýju siðareglnanna eru sannfærðir um að blaðamenn séu hafnir yfir almennt siðferði sem og landslög. Fimm blaðamenn RSK-miðla, Aðalsteinn þar á meðal, eru sakborningar í byrlunar- og símastuldsmálinu. 

RSK-miðlar eru böl íslenskrar blaðamennsku.

Hættir rannsókn í máli Vítalíu gegn þremur mönnum