Ríkissaksóknari er þjóðfélagsvandamál

Nýmæli í starfi nýs ríkissaksóknara valda uppnámi í heilbrigðisþjónustunni þar sem ofbeldiskennd málssókn ríkissaksóknara, Sigríðar Friðjónsdóttur, grefur undan trausti og lamar starfsvilja.

Sigríður fékk embættið frá Jóhönnustjórninni enda tók hún að sér heimskulegasta málarekstur lýðveldissögunnar, landsdómsmálið gegn Geir H. Haarde.

Sigríður stundar nýmælin úr embætti sínu, samanber lekamálið, og veldur þjóðfélagslegum skaða fremur en viðhalda stöðugleika.

Sigríður var í vikunni gerð afturreka með enn eitt nýmælið, sem var svipta lögreglumann ærunni.

Þegar embættismaður er orðinn að þjóðfélagsvandamáli verður hið opinbera, þing og ríkisvald, að grípa í taumana áður en skaðinn verður óbætanlegur.

 

 

Taka síður aukavaktir eftir ákæru

Egill Helga hótaði Árna Páli mótframboði

Fyrir hádegi í gær birtist alþjóð sú skoðun Árna Páls Árnasonar formanns Samfylkingar að ESB-umsóknin væri ekki í takt við hagsmuni Íslands nú um stundir. Einn sá fyrsti til að gagnrýna Árna Pál opinberlega fyrir þessa breyttu afstöðu var Egill Helgason, sem er kunnur ESB-sinni.

Egill hótaði í pistli sínum mótframboði gegn Árna Páli á landsfundi Samfylkingar eftir hálfan mánuð og nefndi þær Katrínu Júlíusdóttur og Sigríði Ingadóttur sem kandídata. 

Egill hjálpaði Árna Páli að skipta um skoðun í hádeginu í gær og taka upp á ný þá stefnu að Ísland sé ,,skelfilegt" land að búa í utan Evrópusambandsins. Þessi stefna skilaði Samfylkingunni 12,9 prósent fylgi í síðustu kosningum. Smáflokkar með sértrúarstefnu gera vel í því að skipta ekki út kjölfestunni þegar þeir eru á góðri siglingu.

 

Árni Páll skiptir um skoðun í hádeginu

Árni Páll Árnason formaður Samfylkingar er með eina skoðun fyrir hádegi en aðra eftir hádegi - á sama málinu.

Í morgun var Árni Páll þeirrar skoðunar að ESB-aðild Íslands væri tæplega raunhæf. Nú er komið hádegi og þá er formaður orðinn þeirrar skoðunar að ESB-aðild sé fyllilega raunhæf.

Í fyrramálið vaknar Árni Páll með enn nýja skoðun.

Við bíðum ekki spennt.

„Fráleit útlegging á því sem ég sagði“

Árni Páll drepur ESB-umsókn Össurar

Jón Baldvin Hannibalsson, Stefán Ólafsson og aðrir vinstrimenn eru á stórflótta í Evrópumálum. Með yfirlýsingu sinni í sjónvarpsútsendingu kippir formaður Samfylkingar síðustu feysknu stoðunum undan ESB-umsókn Össurar Skarphéðinsson frá 16. júlí 2009.

Orð Árna Páls gera ennfremur Viðreisn þeirra Benedikts Jóh., Þorsteins Páls. og Sveins Andra að pólitísku viðundri. Viðreisn er hugsuð sem hægriútgáfa af Samfylkingunni með ESB-málið sem gunnfána.

Árni Páll er jafnframt búinn að draga fram rauða dregilinn fyrir huglausa utanríkisráðherrann okkar sem enn er ekki búinn að leggja fram þingsályktun um afturköllun umsóknarinnar frá 16. júlí 2009.

Árni Páll efast um ESB og evruna

Ómar, heiðni og múslímavæðing

Ómar Ragnarsson spyr hvort bygging mosku í þjóðbraut í Reykjavík með fjármagni frá Sádi-Arabíu sé nokkuð síðri ráðstöfun en smíði hofs heiðinna manna. Svarið er já, það er heldur verra mál að sádi-arabísk studd múslímastarfsemi nái hér fótfestu en að heiðnir byggi sér tilbeiðsluhús.

Ástæðan er sú að frá Sádi-Arabíu kemur stuðningur við þá útgáfu múslímavæðingar sem nátengd er hryðjuverkastarsemi af verstu sort. Í New Statesman er til dæmis ítarlega fjallað um málið. Í Huffington Post eru birtar heimildir úr bandaríska utanríkisráðuneytinu sem segja sömu sögu.

Hér ber allt að sama brunni. Múslímavæðing og hryðjuverk haldast í hendur. Síðast þegar að var gáð stunduðu heiðnir ekki hryðjuverk.

Breiða út ótta og skelfingu

Sádi-Reykjavík: múslímaborg Dags B.

Dagur B. Eggertsson borgarstjóri er áhugamaður um múslímavæðingu höfuðborgarinnar. Hann hefur tekið frá lóð á besta stað í Sogamýri, í þjóðbraut, og ætlar hana undir mosku.

Nú kemur á Daginn að Sádi-Arabar ætla að fjármagna múslímavæðingu Dags B. og Samfylkingarinnar.

Í Sádi-Arabíu eru konur annars flokks borgarar, fyrst og fremst hugsaðar sem húsgagn karlmannsins.

Dagur B. og Samfylking eru virkilega með fingurinn á þjóðarpúlsinum.

Sádi Arabar styrkja byggingu mosku

Samfylking: fellum niður skuldir félaga Guðmundar

Guðmundur Steingrímsson formaður Bjartrar framtíðar á hauka í horni í þingliði Samfylkingar. Árni Páll lætur til sín taka á alþingi í málflutningi fyrir Guðmund sem er í málaferlum við Lánasjóð íslenskra námsmanna.

Guðmundur og fjölskylda töpuðu málinu í héraði en nú skal hlutur hans réttur á alþingi.

Virðing þjóðþingsins eykst ekki þegar launaðir fulltrúar almennings eyða kröftum sínum í að sinna einkamálum félaga sinna.

Komið á í tíð síðustu stjórnar

Fasismi eða ESB, segir Árni Páll

Formaður Samfylkingar lítur svo á að valið standi á milli fasisma og Evrópusambandsins. Árni Páll segir þetta í lok samtals við mbl.is Eyjan, sem er ESB-miðill, hefur eftirfarandi eftir formanninum

Fasismi, upplausn og endalaust lýðskrum í stjórnmálum Evrópu. Það er raunveruleg hætta í öllum löndum Evrópu, líka á Íslandi.

Formaður Samfylkingar sér heiminn í svörtu og hvítu; vini og óvini. Hann útilokar samstarf við aðra en ESB-sinna.

Árni Páll boðar kalt stríð í stjórnmálum, sem er afturhvarf til fortíðar.

Jón Baldvin ekki orðinn afhuga ESB

Kærleikurinn í kuklinu

Trú, von og kærleikur er þríeinn boðskapur kristni og svarar ákalli fólks í okkar heimshluta, sem býr að þörf fyrir slíkt.

Trú, von og kukl, sem Kastljós fjallaði um í gær, skortir kærleika.

Kærleikur hverfur um leið og hann fær verðmiða.

Kukl, von og trú

Læknar vinna samkvæmt reglum og viðmiðum vísinda, sem hvorki eru fullkomin né geyma endanlegan sannleik. Persónulegt dæmi: þegar faðir minn glímdi við blöðruhálskrabbamein fyrir nokkrum árum fór hann á kvenhormónakúr. Læknirinn sem meðhöndlaði hann ráðlagði skömmu seinna að þessum kúr yrði hætt enda sýndu nýjar rannsóknir að kvenhormón virkuðu ekki á þessa tegund krabbameins.

Á hverjum tíma vinna læknar af bestu getu að því að lækna fólk. Heilbrigðisvísindin leggja þeim til þekkingu og búnað sem beitt er á sjúkdóma fólks.

Von og trú koma ekkert við sögu hjá læknum, það er ekki þeirra svið (nema, auðvitað, geðlækna). En von og trú er manninum eðlislæg og því nærtækari sem örvæntingin er meiri.

Kuklarar nýta sér þessa innréttingu mannsins og gera út á örvæntinguna. 

Kastljós „þvældi veiku fólki um bæinn“