Guðni Th. er talsmaður vonlausa Íslands

Forsetaframbjóðandinn Guðni Th. Jóhannesson er talsmaður vonleysis eftirhrunsins. Hann vildi samþykkja Icesave-samningana, gerði lítið úr fullveldinu með því að kalla það ,,teyjanlegt hugtak" og studdi kröfuna um að stjórnarskránni yrði kollvarpað, eins og kemur fram í Morgunblaðinu í dag.

ESB-sinnar úr röðum Samfylkingar og Viðreisnar styðja framboð Guðna Th. opinberlega. Greining á fylgi Guðna Th. sýnir að hann fær síst stuðning kjósenda þeirra flokka sem einarðastir eru á móti ESB-aðild, þ.e Sjálfstæðisflokks og Framsóknarflokks. 

Pólitískar yfirlýsingar Guðna Th. eru til þess fallnar að draga kjarkinn úr þjóðinni og framlengja vonleysi eftirhrunsins.

Guðni með 51% fylgi

Athugasemdir

[Sigurður Helgi Magnússon (IP-tala skráð) 16.6.2016 kl. 09:07]

Það er einmitt athyglisverðast hversu sterkur Guðni er meðal kjóisenda Sjálfstæðis og Framsóknarflokks. Það að báðir kjósendur Samfylkingar ætli að kjósa Guðna segir ekki mikið.

[Predikarinn - Cacoethes scribendi , 16.6.2016 kl. 10:46]

SHM

Enn leggur þú lykkju á leið þína til að hafa rangt fyrir þér. Ósköp fyrirsjánlegt ávallt af þér.

[Helga Kristjánsdóttir, 16.6.2016 kl. 14:06]

 Minnsta þjóðríki Evrópuálfunnar í einstaklingum talið,býr yfir hæfileikum sem leiðir þá alltaf að rétta krossinum á kjörseðlinum.- Eigum við að hressa upp á minnið? Nei horfum bjartsýn fram á veginn,á landsliðin okkar áfram Ísland.

[Jónas Ómar Snorrason, 16.6.2016 kl. 15:59]

Guðni er höfundur Hrunsins(bókini). Sumir eru raunverulegir höfundar hrunsins, en það er í lagi að mati Páls og JVJ(predikara með meiru), sem dulbýst á ýmsan hátt.

[Jón Bjarni, 16.6.2016 kl. 19:27]

Fyndið að þið Davíðsmenn séuð ekki að fatta að þessi málflutningur virkar ekki, nema þá kannski þveröfugt

[Jónas Ómar Snorrason, 16.6.2016 kl. 22:00]

Skrattinn dulbjó sig á margan hátt (ekki taka bókstaflega). Sumir virðast óska eftir vammlausum Forseta, horfa til flísinar í auga sumra, en sjá ekki bjálkan í eigin auga.

[Jónas Ómar Snorrason, 17.6.2016 kl. 08:32]

 Einn daginn mun JVJ byrtast í skötulíki!

[Predikarinn - Cacoethes scribendi , 20.6.2016 kl. 00:21]

JÓS

Einn daginn munt þú læra stafsetningu og gott málfar jafnvel? Spurning hvenær þú ferð að hafa rétt fyrir þér og segja sannleikann eins og hann er?