Múslímatrú réttlætir manndráp

Þau sjö ríki í heiminum sem gera vantrú/guðleysi að dauðasök eru öll með múslímatrú sem ríkistrú. Miðaldaeinkenni múslímatrúar koma skýrt fram í afstöðunni til dauðans.

Dauðinn er allt í senn í trúarmenningu múslíma; upphafning (ef maður deyr í stríði við vantrúaða), refsing (ef maður er ekki múslími) og eilíft líf (ef maður er sanntrúaður múslími).  

Vestræn afstaða til dauðans er að við eigum eitt líf og engum er heimilt að taka það frá okkur. Trúarmenning múslíma er með fjölþætta réttlætingu fyrir manndrápum. Í nafni trúfrelsis útbreiða moskur á vesturlöndum miðaldatrúarmenningu sem gengur þvert gegn vestrænum gildum.

Engin furða er að þær stjórnmálahreyfingar á vesturlöndum, sem andæfa trúarmenningu múslíma, njóti vaxandi hylli almennings.

Andlátið tilkynnt með sms

Athugasemdir

[Hörður Þormar, 21.2.2016 kl. 14:13]

"Samkvæmt helgum ritum Islam lét Múhameð spámaður samdægurs hálshöggva mörg hundruð Gyðinga sem höfðu gefist upp fyrir honum". Þessu heldur egypski rithöfundurinn Hamed Abdel-Samad fram í bók sinni "The case against the Prophet". Sjálfur er hann í  lífshættu og er undir stöðugri vernd öryggisvarða. Hér er viðtal við hann sem birtist á vefsíðu WDR: Mit dem Islam abrechnen?

[Jón Valur Jensson, 21.2.2016 kl. 14:48]

Er það í alvöru "vestræn afstaða til dauðans", að við eigum eitt líf (sem sé höfnun framhalds- eða eilífs lífs)? Varð kristindómurinn með sinni trúar- og siðferðisafstöðu ekki hugmyndaleg afstaða vestrænna manna, í Norðurálfunni og Nýja heiminum?

Hvenær telur Páll Vilhjálmsson, að sú afstaða hafi liðið undir lok í þessum vestræna hluta heims? Með frönsku stjórnarbyltingunni, sem sálgaði (svo að vægt sé til orða tekið) allt að sextíu þúsund manns (eða a.m.k. um 42.000, þar af 16.594 með uppáhalds-aftökutæki sínu, fallöxinni) -- eða með amerísku byltingunni, sjálfstæðis-yfirlýsingunni og stjórnarskrá Bandaríkjanna? En Bandaríkin hafa "In God We Trust" sem sitt mottó ritað á sína mynt, og þar er enn við lýði dauðarefsing.

Eða áttu, Páll, við, að frá lokum varnarstríðsins gegn viðbjóðslegri alræðisstefnu, nazisma Hitlers-Þýzkalands, fasisma Mussolinis og gegn japönskum bandamönnum þeirra, ámóta þekkilegum, hafi Bandamenn stofnað til nýs réttlætis í veröldinni eftir þeim línum, sem þú lýstir hér ofar? Eigum við að skoða það betur?

Við stríðslok var réttilega tekið á stríðsglæpamönnum nazista í Nürnberg-réttarhöldunum og ýmsir þeirra teknir af lífi; farið hefur fé betra. Frá þessum tíma er líka stofnun Sameinuðu þjóðanna, stofnskrá þeirra og Mannréttindayfirlýsingin, en hvergi er þar lagt bann við dauðarefsingum. Ýmis helztu stofnríkin, ekki bara Sovétríkin, heldur líka í Vestur-Evrópu, héldu áfram dauðarefsingum, og jafnvel fram undir þetta hafa verið ákvæði um þær sem viðurlög við landráðum í Bretlandi og Frakklandi. -- Frá þessum sama tíma, 1948, er einnig Læknaeiðurinn (Genfaryfirlýsingin), þar sem segir m.a.: "Ég heiti því að virða mannslíf öllu framar, allt frá getnaði þess; jafnvel þótt mér verði ógnað, mun ég ekki beita læknisþekkingu minni gegn hugsjónum mannúðar og mannhelgi."

Sú afstaða "stjórnmálahreyfinga á vesturlöndum", sem Páll höfðar til hér ofar, virðist alls ekki vera orðin til um miðja 20. öld. Hann virðist þvert á móti byggja hér á því nýja siðferði og m.a. afkristnun, sem orðin er til allvíða meðal kokhraustra vestrænna manna á 21. öld, þ.e. veraldarhyggju sem er alls ekki orðin almennt viðhorf þar og enn síður meðal allra þjóða heims.

Þau þrjú meginatriði, sem Páll nefndi, eru í kjarna sínum og grunni fremur eitthvað sem Múhameðstrú og kristin trú eiga sameiginlegt, en það á þó bara við um undirstöðuna. En útfærslan og harkan í islamskri trú, einkum í sjaríalögunum, en sömuleiðis í Kóraninum, er hins vegar gerólík afstöðu kristninnar, t.d. gagnvart hórdómsfólki (engar dauðarefsingar þess fólks skv. Nýja testamentinu). Í hvorum tveggja trúarsamfélögunum er hins vegar heimilt að heyja réttlátt varnarstríð (en árásarstríð að auki skv. Kóraninum!), og í bæði kristni og Múhameðstrú eru dauðarefsingar leyfðar í svæsnustu tilfellum.

Meðan um tveir milljarðar manna eru kristnir í veröldinni, verður ekkert alhæft út frá tízkubundinni heimshyggju margra (einkum trúlausra) í samtíð okkar, Páll.

[Mofi, 21.2.2016 kl. 19:24]

Þorsteinn

Í Kóraninum segir reyndar, að "bjarga lífi einhvers, það væri eins og ef hann bjargaði lífi alls mannkyns. 

Gaman að vita hvort þú ert lygari eða fórnarlamb lyga. Hérna er þessi setning úr Kóraninum í samhengi:

On that account: We ordained for the Children of Israel that if any one slew a person -unless it be for murder or for spreading mischief in the land - it would be as if he slew the whole people: and if any one saved a life, it would be as if he saved the life of the whole people. Then although there came to them Our apostles with clear signs, yet, even after that, many of them continued to commit excesses in the land.

Þessu er síðan stolið úr Talmúdinum:

Talmud, Sanhedrin 37a:
"FOR THIS REASON WAS MAN CREATED ALONE, TO TEACH THEE THAT WHOSOEVER DESTROYS A SINGLE SOUL... SCRIPTURE IMPUTES [GUILT] TO HIM AS THOUGH HE HAD DESTROYED A COMPLETE WORLD; AND WHOSOEVER PRESERVES A SINGLE SOUL..., SCRIPTURE ASCRIBES [MERIT] TO HIM AS THOUGH HE HAD PRESERVED A COMPLETE WORLD."

[Jón Valur Jensson, 21.2.2016 kl. 20:41]

Hvern ertu að ávarpa þarna, Þorsteinn?

En svívirðilega hafa ýmis ríki misnotað dauðarefsingar (dæmi: Tyrkland með þjóðarmorði á Armenum, Sovétríki Leníns og Stalíns, Kommúnista-Kína, m.a. gegn Tíbetum, Norður-Kórea, Kambódía Rauðu khmeranna, Þriðja riki Hitlers, Íran, Saudi-Arabía, Afganistan talibana, að ógleymdum þjóðarmorðum í Afríku).

Abusus autem not tollit usum, sem sé: þótt eitthvað sé misnotað, merkir það ekki, að ekki megi nota t.d. sama vald til annarra, réttlætanlegra hluta.

[Ómar Ragnarsson, 21.2.2016 kl. 23:32]

Bráðum fara pistlar ýmissa um drápsréttlætingar múslima að skipta hundruðum enda stundum birtir daglega og er það vafalítið allt mikill og gagnlegur fróðleikur og skapar manni möguleika á að þykja það gott að vera kristinn maður.

Samt er eitt smáatriði að vefjast fyrir mig hvernig ég gæt réttlætt það sem stoltur kristinn maður, að tvær öflugustu kristnu þjóðir heims eyddu milljónum milljarða króna í það að koma sér upp langstærstu gereyðingarvopnabúrum heims og gerðu áætlun og voru alveg tilbúnir á innan við klukkustundar viðbragðstíma að gereyða öllu lífi á jörðinni.

Og hvernig ég get réttlætt það að kristnar þjóðir hófu fyrstu heimsstyrjöldina, sem fékk framhald í annarri heimsstyrjöld, Kalda stríðinu og nú þriðju heimsstyrjöldinni, en í þessum styrjöldum voru réttlætt dráp kristinna þjóða á samtals meira 50 milljónum manna.  

Vantar bara nokkur orð um réttlætinguna fyrir þessu. Voru gereyðingarvopnabúrin búin til vegna þess að kommúnistarnir höfðu vantrú á kapítalismanum og öfugt? 

[Jón Valur Jensson, 22.2.2016 kl. 08:18]

Ómar, vitaskuld var verjanlegt af Bretum og Frökkum að hefja stríðsaðgerðir til að stöðva útþenslustefnu nazista. Þú verður bara að skoða málið á hverju stigi þess, hvaða ákvörðun hafi verið rétt hverju sinni miðað við þáverandi ástand mála og forsendur. En auðvitað áttu þeir að hefja þessar aðgerðir langtum fyrr og stöðva með valdbeitingu yfirtökuna og vopnvæðinguna á Ruhrhéraðinu og aldrei að gefa kvikindunum Súdetahéröðin etc.

[Egill Þorfinnsson, 22.2.2016 kl. 10:22]

Mofi!

Oft hefur þú gengið langt í skrifum þínum en ummæli þín hér að ofan um Þorstein bera andlegu heilbrigði þínu ekki beint fagurt vitni.

[Jón Valur Jensson, 22.2.2016 kl. 16:01]

Mofi/Halldór. ég er mjög óhress með þig að skrifa svona. Þorsteinn langfrændi minn er dagfarslega, þótt róttækur sé í skrifum, ljúfmenni í samskiptum og prýðismaður. Og umræða hér á ekki að snúast um sálrænt eða tilfinningalegt ásigkomulag manna, enda getur enginn dæmt um náunga sinn þannig úr órafjarlægð!

[Mofi, 22.2.2016 kl. 16:13]

Er einhver til í að gagnrýna Þorstein fyrir að saka mig um að hata alla múslima?  

[Jónas Gunnlaugsson, 22.2.2016 kl. 20:39]

Nú er að biðja fyrirgefningar í allar áttir.

Að sjálfsögðu eru margar fleiri víddir sem við lifum í.

Lesum  til dæmis eitthvað um The Holographic Universe (Part One)

http://www.youtube.com/watch?v=lMBt_yfGKpU

og   Many Worlds Theory - Do parallel universes really exist ...

Þá síast það til okkar allra.

Það er mjög sterk trú, akademiska trúin.

Nústaðreyndatrúin er stöðnun, afturför.

Skapararnir og Nú staðreynda trúar fólkið.

Egilsstaðir, 22.02.2016  Jónas Gunnlaugsson

[Mofi, 22.2.2016 kl. 21:50]

Er að saka einhvern um að hata 1500 miljónir manns persónuárás?

Ég viðurkenni mæta vel að ég fyrirlít Kóraninn og Íslam. Veit ekki um neitt sem hefur verið jafn mikið böl fyrir mannkynið og Íslam og þá fyrirmynd sem Múhammeð var. Ég hef vit á því að tala ekki um trú við þá múslima sem ég hef vingast við. Sem betur fer eru þeir flestir mjög vestrænir í hugsun svo þeir styðja ekki þegar verið er að taka fólk af lífi fyrir að yfirgefa Íslam eða móðga Múhammeð. Enda væri þá vinskapnum lokið, ég hef ekkert umburðarlindi gagnvart slíkum viðbjóði.  

[Jón Valur Jensson, 22.2.2016 kl. 23:03]

Vitaskuld er eki rétt að halda því fram um Mofa, að hann hati alla múslima, eins og Þorsteinn gerði hér þó í gærkvöldi kl. 23.35. Þeir ættu báðir að biðjast afsökunar, en þetta var ljót og óþörf egning, Þorsteinn!

[Mofi, 23.2.2016 kl. 15:08]

Fyrir þá sem vilja athuga hvort að Þorsteinn hafi afneitað helförinni: http://mofi.blog.is/blog/mofi/entry/1307945/

Má kannski segja að hann sé sleipur eins og lögfræðingur. Hérna fjallar Þorsteinn um hvernig það voru í rauninni gyðingar á bakvið helförina: http://mofi.blog.is/blog/mofi/entry/954360/  

Þegar fólk segir síðan helförin með ákveðin greinir þá er verið að vísa til slátrun nasista á gyðingum í seinni heimstyrjöldinni. Það hafa verið framkvæmd fjölmörg fjölda morð en þegar fólk notar þetta orð "helför" eða "holocaust" þá er verið að vísa til þessa í seinni heimstyrjöldinni, ekkert neitt annað.

Að vera með áróður gegn Ísrael í dag er áróður gegn gyðingum. Að þú hafir einhverja sér pælingar um að gyðingar sem búa í Ísrael eru ekki alvöru gyðingar er bara þín klikkaða samsæriskenningum sem enginn ekki að nenna að eyða orðum í.  Þetta er fólk eins og Spielberg, Einstein og Anna Fran, sjá: https://en.wikipedia.org/wiki/Lists_of_Jews  og þú Þorsteinn veist mæta vel að þú ert að ala á hatri gagnvart þessu fólki.

Ég hata hugmyndafræði Íslams sem tekur fólk af lífi fyrir að yfirgefa Íslam og ég fyrirlít líka hverja þá sem eru ekki til í að standa á móti þessari hugmyndafræði og þú Þorsteinn virðist vera í þeim hópi.

Varðandi þessa setningu "save someone's life, you save all of humanity". Ég tók sérstaklega fram að annað hvort værir þú Þorsteinn að ljúga eða værir að lepja upp annara manna lygar. Hérna er fjallað um þessa setningu: https://wikiislam.net/wiki/If_Anyone_Slew_a_Person
Fólk misnotar þetta til að láta Kóraninn líta vel út og þú Þorsteinn ert hérna sekur um það.
Varðandi hvort hluti þessarar setningar komi úr Talmud ritunum þá finnst mér þú sýna mjög vel fram á það; þetta er augljóslega asma hugsun sem þarna kemur fram.

Og enn og aftur, ég útskýrði af hverju ég notaði geðveikis stimpilinn en þú ætlar ekki að sýna því neinn skilning eða heiðarleika. Ég sannarlega býst ekki við neinum votti af heiðarleika frá þér og hér með líkur mínum afskiptum af þér. Þótt að það muni angra mig að sjá þig ljúga hérna í blog heimum þá andlega ræð ég ekki við að svara þér.