Múslímskt Nató-ríki setur vesturlönd í vanda

Bandalag súnnímúslíma, Tyrkja og Sáda, gegn sjítamúslímum setur vesturlönd í vanda. Tyrkir eru Nató-ríki og tæknilega eru öll Nató-ríkin kom í stríð þegar ráðist er á eitt þeirra. Tyrkir eru á talandi stundu að sprengja Kúrda upp í loftið með stórskotaliði.

Kúrdar njóta stuðnings Rússa líkt og sjítamúslímarnir í ríkisstjórn Assads í Sýrlandi. Ef Tyrkir leyfa sádísku herliði að ráðast á Sýrland frá herstöðum í Tyrklandi er aðeins tímaspurning hvenær rússneskar hervélar gera árás á tyrkneskt land.

Trúardeilur múslíma í miðausturlöndum geta orðið kveikja að stríði Nató-ríkja gegn Rússum.

 

Sádi-Arabar með her til Tyrklands

Athugasemdir

[Kolbrún Hilmars, 13.2.2016 kl. 17:43]

Var ekki NATÓ einmitt stofnað til höfuðs austurblokkinni í Evrópu sem sovíet réð yfir?  Í því landslagi hefur eflaust þótt mikilvægt að hafa tyrkina með. En það er rétt - vesturlönd eru í vanda núna. Það er ekki lengur til neitt sovíet og tyrkir eru komnir í vafasaman félagsskap.
Myndum við íslendingar skrifa undir og samþykkja stríð gegn rússum?

[Páll Vilhjálmsson, 13.2.2016 kl. 17:56]

Góð spurning, Kolbrún. Hvað ætli Gunnar Bragi utanríkis segi?

[Kolbrún Hilmars, 13.2.2016 kl. 18:29]

Páll, það hvarflar ekki að mér að halda að núverandi utanríkisráðherra móti utanríkisstefnu tveggja gamalgróinna stjórnmálaflokka!

[Salmann Tamimi, 13.2.2016 kl. 22:47]

það er eimitt Nato sem er kveikja á bálið í ME. Nato á ekkert að skipta sér á málefnum annara. eru ekki rikin í Nato og rússar sem eru að ráðast í löndum annara?

[Anna Sigríður Guðmundsdóttir, 14.2.2016 kl. 02:03]

Hvaða þjóðir færa páfaútgerðum heilaþvegnum ISIS-liðum, endalaust ný vopn og hergögn?

Hvers vegna eru kröfur alþjóðasamfélagsins ekki þær, að Sýrlands og annarra landa hertöku og uppreisnarliðar fái ekki meiri hernaðarverkfæri?

Það er alveg óskiljanlegt að valdamiklu Sameinuðu þjóðanna talsmenn skuli ekki krefjast stöðvunar á hernaðarverfæraflutningum til stríðshrjáðra hertekinna landa?

Hræsni NATO-baktjaldaveldisins er svo skelfileg, að það eru ekki nógu sterk lýsingarorð til yfir þann heimsdrápsfaraldurs-hergagna-djöfulgang.

M.b.kv. 

[Þorsteinn Sch Thorsteinsson (IP-tala skráð) 14.2.2016 kl. 14:33]

Sæll Páll

Ætli stjórnvöld í Bandaríkjunum haldi ekki áfram að styðja Múslímska NATO ríkið í þessu stríði þeirra gegn Kúrdum. Því eins og öllum er orðið ljóst þá vill Erdogan, rétt eins og stjórnvöld í Bandaríkjunum losna við Assad, frekar en að eiga við ISIS. ISIS er að þjóna þeim tilgangi að drepa Kúrda, svo og fólkið hans Assads.

„Turkish troops shell airport and village held by Kurds inside Syria“ https://www.youtube.com/watch?v=Ge2WfjI5Uuw

 

Nú og menn eru farnir að átta sig á því, að þetta stríð sem var þarna á milli Bandaríkja og ISIS var aldrei neitt annað en bara gervistríð (eða fake), þar sem ISIS stækkaði og stækkaði eftir allar þessar vopnasendingar bandaríkjamanna til vopnaðra "uppreisnarmanna". En er það nokkur furða að stjórnvöld í Bandaríkjunum vilja stöðva þetta stríð Rússa gegn ISIS.