Tíu aðgerðasinnar á Austurvelli - hvar er RÚV?

Tíu mótmælendur á Austurvelli og RÚV lætur ekki svo lítið að minnast á mótmælin. RÚV sem betlar til sín skylduframlög frá almenningi undir þeim formerkjum að stofnunin sinnir öryggishlutverki bregst almannahagsmunum illilega nú sem gjarnan áður.

Þegar aðeins tíu aðgerðasinnar mæta á mótmæli á Austurvelli, sem fjölmiðlar boða, þá er Ísland orðið öruggt fyrir atvinnumótmælendum. Upplausnaröflin láta undan síga, það er orðið friðsælla hér á landi.

RÚV lítur bersýnilega svo á að stofnunin eigi ekki að færa fréttir af öryggi landsmanna heldur aðeins auka á upplausn, ofstæki og hávaða með þar til gerðum fréttum þegar aðgerðasinnar véla nógu marga til mótmæla.

RÚV vinnur skipulega gegn allsherjarreglu í samfélaginu. Algerlega er út í hött að almannafé skuli fjármagna slíka starfsemi.

Mótmælendur og túristar á Austurvelli

Athugasemdir

[Predikarinn - Cacoethes scribendi , 1.7.2015 kl. 23:41]

Hvar er Ómar þegar þú skrifar á þennan veg klri Páll?

[Ómar Ragnarsson, 2.7.2015 kl. 00:12]

Ómar er núna, klukkan rúmlega tólf, að horfa á forsíðu fréttavefjar RUV þar sem sagt er frá manninum með lúðurinn og félögum hans á áberandi hátt og meira að segja birt mynd.

Það heitir á máli Páls að RUV birti ekki fréttir á borð við þessa.  

En ef farið verður að tillögunni um að leggja RUV niður mun svona frétt raunar ekki birtast framar. 

[Helga Kristjánsdóttir, 2.7.2015 kl. 02:30]

Því miður hefur RÚV.misboðið okkur hægrisinnum lengst af á þessari öld.Betur að maður hefði hugkvæmst að taka þær upp og sýna. 

[Wilhelm Emilsson, 2.7.2015 kl. 08:08]

"RÚV vinnur skipulega gegn allsherjarreglu í samfélaginu." Þetta er dásamlegt bull.