Holuborgin afleiðing lífstílsstjórnmála

Vinstrimeirihlutinn í Reykjavík lætur inniviðina grotna niður. Í tvö kjörtímabil er gatnakerfi höfuðborgarinnar afgangsstærð vinstrimanna með þeim afleiðingum að göturnar stórskemma bíla fólks.

Áherslur vinstrimanna eru á sviði lífsstílsstjórnmála s.s. að meina börnum að kynnast kirkjulegu starfi og íbúakosningum þar sem innan við 5% íbúanna kjósa um hvort leikvöllur skuli málaður grænn eða rauður.

Undirstöðuþættir samfélagsins, til dæmis samgöngur, mæta afgangi í vinstristjórnsýslunni með fyrirsjáanlegum afleiðingum.

Verstu holur höfuðborgarsvæðisins

Athugasemdir

[Halldór Egill Guðnason, 26.3.2015 kl. 13:24]

Varla hægt að kalla stjórnunarhætti borgarstjórnarmeirihlutans í samgöngumálum annað en bjálfahátt. Í einhverskonar rósrauðri göngu og reiðhjólanostalgíuvímu hefur þessu fólki tekist að nánast gjöreyðileggja gatnakerfi borgarinnar. Bæði með viðhaldsleysi og fáránlegum framkvæmdum, sem hafa ekkert annað en óþarfa kostnað í för með sér.

Góðar stundir, með kveðju að sunnan. 

[Pétur Kristinsson, 26.3.2015 kl. 15:29]

Þá hljóta þeir vegir sem Vegagerðin sér um innan borgarinnar að vera í fullkomnu lagi fyrst þetta snýst um það hversu hræðilegir vinstri menn eru. Það er jú hægri stjórn sem ræður vegagerðinni, ekki satt?

[Jóhann Elíasson, 27.3.2015 kl. 12:05]

Pétur, fylgist þú ekki með????  Þegar Jón Gnarr var borgarstjóri, gerðu hann og Dagur B. samkomulag við Vegagerðina þess efnis að borgin fengi MILLJARÐ Á ÁRI NÆSTU TÍU ÁRIN gegn því að borgin tæki að sér viðhald þeirra gatna sem Vegagerðin hefði átt að sjá um.  Við vitum ósköp vel hvernig ástandið á gatnakerfi borgarinnar er í dag.  En það er hægt að "henda" 160 milljónum í að þrengja Grensásveginn......................