RÚV birtir ekki tölur

Aðgerðafréttamennska á RÚV felur í sér að halda á lofti tilteknum málstað, finna fréttir og sjónarhorn á fréttir sem eru málstaðnum til framdráttar. RÚV hefur lengi haldið málstað ESB-sinna á lofti, bæði með fjölda frétta í þágu málstaðarins og leitast við að finna áherslur og sjónarhorn er sýna ESB-sinna í jákvæðu ljósi. Dæmi eru líka um hreinan skáldskap fréttum. 

Þegar ESB-sinnar boða til aðgerða, s.s. mótmælastöðu, er RÚV einatt með ýktar fréttir af fjölda þeirra sem mæta. Í gær efndu ESB-sinnar til fundar og mætingin var léleg. Jafn eindregnustu  ESB-sinnar gátu ekki leynt vonbrigðum sínum og töluðu um fámenni á fundinum.

En nú bregður svo við að RÚV birtir ekki tölur um fjölda fundarmann, aðeins frétt sem gerir því skóna að sveitarstjórnarkosningar snúist um utanríkismál. Heldur klént, RÚV, heldur klént.

Athugasemdir

[Ragnhildur Kolka, 4.5.2014 kl. 11:01]

Átti leið um Kirkjustrætið um hálf fjögur leytið og þá stóðu nokkrar hræddur undir hvítum og bláum regnhlífum fyrir framan pallinn. Kannski 50-100. Skyldi hvítblái eiga að verða tákn Bensabarnsins?

[Eggert Sigurbergsson, 4.5.2014 kl. 11:31]

Stjórnarandstæðingar með uppsteyt á Austurvelli í tilraun til að stjórna landinu með skoðanakönnunum og rangtúlkunum.

Tími til komin að ríkistjórnin sýni það að hún var kosin til að binda enda á þessa helför til Brussel.

[Helga Kristjánsdóttir, 4.5.2014 kl. 13:01]

Heyr! ..Og forðast að sýna NEI-sinna í jákvæðu ljósi,með -NEI VIÐ ESB- áberandi í 1.mai göngunni og á Austurvelli þann sama dag.

[Jón Valur Jensson, 4.5.2014 kl. 13:40]

Við hverju bjóstu, Páll minn, af þessari Fréttastofu Rúv?! Nánast allir misnotarar aðstöðu þar í þágu innlimunarstefnunnar vinna þar ennþá.

En út frá innleggi Helgu vil ég bæta því við, að ljósmyndari Fréttablaðsins virðist hafa vandað sig alveg sérstaklega vel -- á einu myndinni af 1. maífundinum á Ingólfstorgi -- við að finna vinkil á fundinn þar sem sæist ekki eitt einasta hinna mörgu "NEI VIÐ ESB"-mótmælaspjalda sem þar voru borin!

Svo tek ég líka undir gott innlegg Eggerts hér -- og þakka Páli og Ragnhildi fræðsluna um fámennið á laugardagsfundinum!