53,7% þjóðarinnar vill afturkalla ESB-umsókn

Meirihluti þjóðarinnar vill afturkalla umsókn Íslands um aðild að Evrópusambandinu.
Ríflega helmingur aðspurðra, 53,7%, telur að afturkalla ætti umsókn Íslands um aðild að Evrópusambandinu. Rúmur þriðjungur, 36,4%, vilja halda umsókninni til streitu. Einn af hverjum tíu var hlutlaus.

Capacent Gallup kannaði afstöðu þjóðarinnar til ESB-umsóknar fyrir Heimssýn. Spurt var ,,Hversu hlynnt(ur) eða andvíg(ur) ert þú því að Ísland dragi til baka umsókn sína um aðild að Evrópusambandinu?”

Þjóðin hefur ekki áhuga á að ,,kíkja í pakkann" og sjá ,,hvað er í boði." ESB-umsókn Samfylkingar er haldið til streitu af ríkisvaldi sem sannanlega vinnur gegn margyfirlýstum vilja þjóðarinnar.

Fjölgar sem vilja afturkalla ESB-umsóknina

Athugasemdir

[Geir (IP-tala skráð) 12.11.2012 kl. 10:02]

Nákvæmlega!!!

[Ásthildur Cesil Þórðardóttir, 12.11.2012 kl. 13:05]

Frábært að heyra.  Já þetta ætti að vera kjaftshögg fyrir aðlögunarsinna, en þeir virðast hafa múrað upp í eyrun og með leppa fyrir augum, því miður.

[Sigurður (IP-tala skráð) 12.11.2012 kl. 20:09]

Þessar tilfæringar með eyrun og augun lýsa sér meðal annars þannig, að Ríkisútvarpið hefur ekki sagt frá þessari könnun.

[Ásthildur Cesil Þórðardóttir, 12.11.2012 kl. 20:33]

Nákvæmlega enda verð ég að segja að síðan 6 fréttirnar voru teknar undir spegilinn hefur þar verið grímulaus áróður fyrir ESBinnlimun með góðri aðstoð Sigrúnar Davíðsdóttur.

[sigkja (IP-tala skráð) 13.11.2012 kl. 20:37]

Sleppum bara öllum kosningum og látum Heimssýn Capacent Gallup um að raða á alþingi og setja þeim fyrir verkum. Enda er okkur svo annt um líðræðið að við getum ekki látið almenning kjósa um mál sem gætu mögulega farið öðruvísi en okkur þóknast.