Meðvirkur glæpamönnum

Fangelsisstjóri heldur það brjóti mannréttindi fanga að senda þá í fangelsi úti á landi. Maður sem þannig talar er ekki starfi sínu vaxinn. Fyrirsjáanlegur skortur á fangaklefum ásamt bágri stöðu ríkissjóðs ætti að vera meira en nóg tilefni til að leita að ódýrari lausnum en nýbyggingu.

Glæpamenn eru manna meðvitaðastir um mannréttindi sín, sennilega vegna þess að þeir eru sérfræðingar í að skerða réttindi annarra. 

Nýlunda er yfirmaður fangelsismála sýni glæpamönnum þá meðvirkni að taka undir sjónarmið að það séu mannréttindi að sitja af sér dóma í tilteknu póstnúmeri.

Verksmiðjur, gámar og ísbrjótar duga ekki

Athugasemdir

[Karl (IP-tala skráð) 25.3.2011 kl. 08:36]

Heyr, heyr.

Löngu tímabært að hugað sé að réttindum fórnarlamba og aðstaðdenda þeirra frekar en réttindum glæpamanna.

[Ragnhildur Kolka, 25.3.2011 kl. 08:43]

Mannréttindi fanga eru metin margfalt dýrmætari en almennra borgar af Evrópudómstólnum. Þetta hafa Bretar reynt og eru ekki par glaðir.

Á meðan hér situr ríkisstjórn sem dreymir um aðild að ESB er vissara fyrir fangelsisstjóra að gæta sín. Þótt Jóhanna skeyti ekki um niðurstöður íslenskra dómstóla má gera ráð fyrir að hún vilji fara að niðurstöðum Evrópudómstólsins.

[Elín Sigurðardóttir (IP-tala skráð) 25.3.2011 kl. 09:21]

Hvað er að því að nota Sjafnarhúsið á Akureyri? Eru það bara menn að sunnan sem brjóta af sér?

[Eiður Ragnarsson, 25.3.2011 kl. 16:20]

Já það eru einungis Reykvíkingar og nærsveitarmenn sem brjóta af sér... Eða hvað???